အီလက်ထရောနစ် စီးကရက်တွေ သောက်သုံးလေ့ရှိတဲ့ ဆယ်ကျော်သက်တွေဟာ တစ်ကယ့် ဆေးလိပ်အစစ် ကို သောက်ဖြစ်သွားတာများတယ်လို့ သုတေသန အသစ်တစ်ခုက ဖော်ပြလိုက်ပါတယ်။
လော့အိန်ဂျလိစ် မြို့မှာ ရှိတဲ့ အီလက်ထရောနစ် စီးကရက်သောက်သုံးသူ အထက်တန်းကျောင်းသား တွေဟာ နောက်ပိုင်းမှာ ၁၂ လ အတွင်း ဆေးရွက်ကြီးကို အခြေခံထားတဲ့ စီးကရက် ၊ စီဂါ ၊ ဟူးကာ ပိုက်ပ် စတဲ့ တစ်ကယ့် ဆေးလိပ်အစစ်တွေကို သောက်ဖြစ်သွားကြတတ်တယ်လို့ သုတေသီတွေက ရှာဖွေတွေ့ရှိခဲ့ကြပါတယ်။ ဒါပေမယ့်လည်း အီလက်ထရောနစ် စီးကရက် မသောက်သုံးခဲ့သူ တွေကတော့ ဆေးလိပ်သောက်သုံး တတ်လာခြင်းလည်း မရှိခဲ့ပါဘူး။
အီး-စီးကရက်တွေဟာ ဆးရွက်ကြီး ပါတဲ့ ဆေးလိပ်တွေကို သောက်လေ့မရှိသူတွေအပါအ၀င် ဆယ်ကျော်သက်လူငယ်တွေကြားမှာ တစ်ဖြည်းဖြည်း နဲ့ ရေပန်းစားလာခဲ့ပါတယ်။
ဘာပဲဖြစ်ဖြစ် အီး-စီးကရက်တွေကို အချို့က ဆေးလိပ်ဖြတ်ဖို့ အသုံးပြုလေ့ရှိကြပေမယ့် ဆေးရွက်ကြီးနဲ့ ဆိုင်တဲ့ အခြား အန္တရာယ်တွေကိုတော့ ကြုံတွေ့နိုင်တယ်ဆိုတာကို သက်သေပြခဲ့ပြီးဖြစ်ပါတယ်။ ဥပမာ အနေနဲ့ လွန်ခဲ့တဲ့ ၂ ရက်ခန့်ကပဲ ဗြိတိန် ကျန်းမာရေး ၀န်ဆောင်မှု ဌာန တစ်ခုကနေ အီး-စီးကရက်တွေဟာ လူငယ်တွေ မသောက်သုံးသင့်တဲ့ အရာအဖြစ် သတ်မှတ်ခဲ့ပြီးပါပြီ။
Action on Smoking and Health ဆိုတဲ့ ASH အဖွဲ့ကနေ ပြုလုပ်ခဲ့တဲ့ သုတေသန အရတော့ ငယ်ရွယ်သူ လူငယ်တွေဟာ အီး-စီးကရက် သောက်သုံးခြင်းက တစ်ဆင့် ဆေးလိပ်သောက်တတ်သွားဖို့ စည်းရုံးခံလိုက်ရသလိုပဲ အသက် ၁၁ နှစ်ကနေ အသက် ၁၈ နှစ်ကြားရှိတဲ့ လူငယ်တွေဟာလည်း Vape (သို့) အီး-စီးကရက် သောက်သုံးနှုန်း မြင့်တက်လာတယ်လို့လည်း သိရပါတယ်။
၂၀၁၃ ခုနှစ်က ပြုလုပ်ခဲ့တဲ့ စစ်တမ်း ကောက်ယူမှု တစ်ခုအရ အသက် ၁၁ နှစ်ကနေ အသက် ၁၈ နှစ်ကြားရှိတဲ့ လူငယ် ၄ ရာခိုင်နှုန်းဟာ အီလက်ထရောနစ် စီးကရက် သောက်သုံးမှု ရှိခဲ့တယ်လို့ ၀န်ခံခဲ့ပေမယ့် ၂၀၁၅ မှာတော့ အီလက်ထရောနစ် စီးကရက် သောက်သုံးဖူးသူ အသက် ၁၁ နှစ်ကနေ အသက် ၁၈ နှစ်ကြားရှိတဲ့ လူငယ် ၁၀ ရာခိုင်နှုန်းအထိ ရှိလာခဲ့ပါတယ်။
ကယ်လီဖိုးနီးယား ပြည်နယ်တောင်ပိုင်း တက္ကသိုလ်က ဒေါက်တာ Adam Leventhal နဲ့ သူ့ရဲ့ အဖွဲ့ဝင်တွေဟာ အီး-စီးကရက် သောက်သုံးဖို့ ကြိုးစားခဲ့ဖူးတဲ့ ဆယ်ကျော်သက်တွေဟာ နောက် ၁ နှစ်အတွင်းမှာ တစ်ကယ့် ဆေးလိပ် အစစ် သောက်တတ်သွားကြတယ်ဆိုတဲ့ လေ့လာမှု ကို ပြုလုပ်ခဲ့ပါတယ်။
ထိုလေ့လာမှု မှာတော့ လော့အိန်ဂျလိစ် မှာရှိတဲ့ အထက်တန်းကျောင်း ၁၀ ခု က ဆေးလိပ် မသောက်တတ်တဲ့ အထက်တန်း ကျောင်းသား ၂၅၃၀ ယောက်ကို လေ့လာခဲ့တာပဲဖြစ်ပါတယ်။ အဲဒီ ကျောင်းသားတွေရဲ့ ပျမ်းမျှ အသက် ဟာ ၁၄ နှစ် ဖြစ်ပါတယ်။
၆ လ နဲ့ ၁၂ လ ကြာတဲ့အခါမှာ ကျောင်းသားတွေဟာ ဆေးလိပ် အစစ်သောက်သုံးတတ်လာလားဆိုတဲ့ စစ်တမ်းကောက်ယူမှု ပြီးဆုံးခဲ့ပါတယ်။ ထခို လေ့လာမှု အရတော့ ၃၁ ရာခိုင်နှုန်းသော အီး-စီးကရက် သောက်သုံးသူတွေဟာ အီး-စီးကရက် မသောက်တတ်သူတွေထက် ၆ လ အတွင်း ဆေးလိပ် သောက်တတ်သွားဖို့ ၄ ဆ ပိုသေချာနေတယ်လို့ သိခဲ့ရပါတယ်။ ထို ရှာဖွေတွေ့ရှိမှုတွေကိုတော့ JAMA ဂျာနယ် မှာ ပုံနှိပ်ဖော်ပြခဲ့ပါတယ်။
( Mario )
#သစ်ထူးလွင်(ကျန်းမာရေး)
#health.thithtoolwin.com
Ref : Dailymail
