အိပ်ချိန်အများကြီးမရှိသူများအတွက် ပိုမိုကောင်းမွန်စွာအိပ်ပျော်စေနိုင်သည့်အချက်များ


တချို့အလွန်အောင်မြင်သူတွေဟာ အလွန်အလုပ်လုပ်ကြရုံမက အိပ်ချိန်ပါတော်တော်နည်းကြတာကိုတွေ့ရမှာပါ။ ဒါပေမယ့် အချိန်အနည်းငယ်လောက်လေးနဲ့ နှစ်နှစ်ခြိုက်ခြိုက် အိပ်ပျော်ဖို့ဆိုတာ မလွယ်ပါဘူး။

အွန်လိုင်း ကုမ္ပဏီတစ်ခုဖြစ်တဲ့ SleepyPeople.com ဟာ အခုတော့ ရိုးရှင်းလွယ်ကူစွာ လုပ်ဆောင်နိုင်ပြီး ပိုမိုကောင်းမွန်စွာ အိပ်ပျော်စေနိုင်တဲ့ အချက်လေးတွေကို ထုတ်ပြန်ပေးလိုက်ပါတယ်။ အခုအချက်လေးတွေကိုလိုက်နာမယ်ဆိုရင် အိပ်မပျော်တာ အိပ်ရေးပျက်တာတွေဖြစ်နေသူတွေအတွက် အဆင်ပြေစေနိုင်မှာပါ။

၁) သင့်ခန္ဓာကိုယ်ကိုနာရီလုပ်ပေးပါ

သင့်အနေနဲ့ အိပ်ချိန်မမှန်တာကိုအရင်ဆုံး ပြင်ဆင်သင့်ပါတယ်။ သင့်အနေနဲ့ အိပ်ချိန်ကို အချိန်ဇယားတစ်ခုလုပ်ထားပြီး တိတိကျကျ လိုက်နာသင့်ပါတယ်။ အဲ့လိုလေးပြောင်းလဲလိုက်တာနဲ့ မနက်ပိုင်းကျရင် လန်းလန်းဆန်းဆန်းတက်တက်ကြွကြွ ဖြစ်နေမှာပါ။

၂) အိပ်ရာမဝင်ခင်အေးအေးဆေးဆေးနေပါ

အိပ်ရာမဝင်ခင် အချိန်ခဏလေးအတွင်းမှာ အလုပ်မလုပ်တာတော့ အကောင်းဆုံးပါပဲ။ သင့်ရဲ့ခန္ဓာကိုယ်ကို ညတိုင်းအချိန်ပေးဖို့ ထိုက်တန်ပါတယ်။ အိပ်ရာမဝင်ခင် နာရီဝက်လောက်အလိုမှာ စာအုပ်တွေဖတ်တာ၊ TV ကြည့်တာ စတာတွေနဲ့ အချိန်အသုံးပြုကာ နောက်တစ်နေ့အတွက် အင်အားတွေအရယူထားပါ။

၃) စခရင်တွေကိုအိပ်ခန်းထဲကနေဖယ်ပစ်ပါ

စခရင်တွေဖြစ်တဲ့ ဖုန်းတွေ၊ တီဗီတွေ၊ ကွန်ပျူတာတွေဟာ သင့်ကို စိတ်အနှောင့်အယှက်ဖြစ်စေလို့ ဖယ်ရှားလိုက်ရင် နှစ်ခြိုက်စွာ အိပ်ပျော်စေမှာပါ။

၎) အိပ်ခန်းကိုအေးနေအောင်ထားပါ

အိပ်ဖို့အတွက် အခန်းအပူချိန်အနေနဲ့ သင့်တော်တာကတော့ ၁၅ဒီဂရီစင်တီဂရိတ်(၅၉ဒီဂရီဖာရင်ဟိုက်) ကနေ  ၁၈ဒီဂရီစင်တီဂရိတ်(၆၄ဒီဂရီဖာရင်ဟိုက်) ထိဖြစ်ပါတယ်။


၅) ဒိုင်ယာရီဆောင်ထားပါ

သင့်ရဲ့ ပြဿနာတွေကို ချရေးဖို့ဒိုင်ယာရီတစ်အုပ်လောက်တော့လိုအပ်ပါတယ်။ စိုးရိမ်ပူပန်မှုတွေဟာ သင်အိပ်ပျော်ဖို့အတွက် ကြီးမားတဲ့အခက်အခဲပါပဲ။ သင့်အခက်အခဲတွေကို ချရေးပြီး အိပ်ရာမဝင်ခင် အားလုံးကို ဖယ်ထုတ်ပစ်ပါ။

၆) တရားထိုင်ပါ

တရားထိုင်တာဟာ သင့်ရဲ့စိတ်ကို ကြည်လင်စေပြီး ပစ္စုပ္ပန် အတွက် တွန်းအားဖြစ်စေပါတယ်။

၇) သဘာဝအသံလေးတွေကိုနားဆင်ပါ

အိပ်တော့မယ့် အချိန်ထိအောင် သင့်ရဲ့ဦးနှောက်ဟာ အသံတွေကို အဆက်မပြတ် နားထောင်နေတတ်ပါတယ်။ အသံသာသာလေးတွေ၊ တေးသံချိုတေးသွားလေးတွေ၊ သဘာဝအသံတွေဟာ စိတ်အနှောင့်အယှက် ဖြစ်စရာ အသံတွေကိုဖယ်ထုတ်ပြီး သင့်ကိုကောင်းမွန်စွာအိပ်ပျော်စေမှာပါ။

၈) ကဖိန်းဓာတ်တွေကိုရှောင်ပါ

ကော်ဖီ၊ လက်ဖက်ရည်တွေကို အိပ်ရာမဝင်ခင်သောက်လိုက်ရင် သင့်ကို၁၄နာရီလောက်ထိ လန်းနေတတ်လို့ အိပ်ရာမဝင်ခင် ကဖိန်းဓာတ်တွေရှောင်နိုင်သမျှရှောင်ပါ။

၉) မနက်ဖြန်လုပ်ရမှာတွေကို ဒီနေ့ညမှာရေးပါ

တချို့လူတွေက အိပ်ရာထဲမှာ နောက်တစ်နေ့အတွက်ဘာလုပ်ရမယ်ဆိုတာကိုတွေးနေတတ်လို့ အိပ်မပျော်ပဲဖြစ်တတ်ပါတယ်။ အဲ့ဒါတွေကိုမအိပ်ခင် ရှင်းထားလိုက်ပါ။

၁၀) အိပ်ခန်းဟာအနားယူဖို့

အိပ်ခန်းဟာ အိပ်ဖို့အတွက်သာဖြစ်သင့်ပြီး အလုပ်လုပ်ဖို့နဲ့ တီဗီကြည့်ဖို့မဟုတ်ပါဘူး၊ သင့်ရဲ့ဦးနှောက်ကိုအိပ်စက်ခြင်းနဲ့ အနားပေးလိုက်ပါ။


၁၁) သင့်အနေနဲ့ဘယ်လောက်အိပ်ဖို့လိုလဲ

စီးပွားရေးလုပ်ငန်းရှင်တော်တော်များများဟာ သူတို့အနေနဲ့တစ်ရက်ကို ၄၊၅ နာရီပဲအိပ်တယ်လို့ ဆိုကြပါတယ်။ ဒါပေမယ့် တစ်ယောက်နဲ့တစ်ယောက်တော့ အိပ်စက်ချိန်တူညီမှာမဟုတ်ပါဘူး။ တစ်ရက်လောက် နာရီသံပတ်မပေးပဲနဲ့ အိပ်ကြည့်ပြီး ကိုယ့်ဟာကိုထရင်း သင့်အနေနဲ့ အိပ်စက်ချိန် ဘယ်လောက် တကယ် လိုတယ်ဆိုတာ တွက်ကြည့်ပါ။ ဒါဟာ သင့်အနေနဲ့ ညတိုင်းအိပ်စက်ဖို့လိုတဲ့ အချိန်ပမာဏပါပဲ။

(Blue Lion)

#သစ်ထူးလွင်(ကျန်းမာရေး)
#health.thithtoolwin.com

Ref: Independent

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ