ဆီးချိုရောဂါ ရှိသူများ အတွက် အကောင်းဆုံး သဘာဝ ကုထုံးလေးများ


၂ဝ၁၃ ခုနှစ် ဇွန်လဆန်းပိုင်းက George Washington University မှာ ဆီးချိုရောဂါနဲ့ပတ်သက်ပြီး စမ်းသပ်မှုတစ်ခုပြုလုပ်ခဲ့ကြပါတယ်။ ၄င်းစမ်းသပ်မှုမှာ အသက်(၆ဝ)ကျော် ဆီးချိုရောဂါဝေဒနာရှင် ၁ဝဦးကို နေ့လယ်စာနဲ့ညစာများစားပြီးနောက် ၁၅ မိနစ်စီ Treadmill (ခေါ်) လှေကားပေါ်တထစ်ချင်းတက်ရသလိုမျိုး လမ်းလျှောက်စက်ပေါ်မှာ ခပ်ဖြည်းဖြည်းမှန်မှန်နှုန်းနဲ့ ရက်သတ္တပတ်တိတိလမ်းလျှောက်စေခဲ့ပါတယ်။ ရလဒ်ကတော့ သွေးထဲမှာသိသိသာသာ သကြားပမာဏကျဆင်းသွားပြီး ဆီးချိုကျသွားပါတယ်။ သုတသေသီများက ''ထမင်းစားပြီး ၁၅မိနစ် လောက် လမ်းလျှောက်ပေးခြင်းက တခြားအချိန်တွေမှာ ခပ်ကြာကြာလမ်းလျှောက်ခြင်းထက် ဆီးချိုပမာဏလျော့ကျနှုန်းပိုမြန်ဆန်စေပါတယ်။ အထူးသဖြင့် နေ့လယ်စာစားပြီးလမ်းလျှောက်ခြင်းထက် ညစာစားပြီးလမ်းလျှောက်တဲ့အခါ စားထားတဲ့အစာတွေမှာပါတဲ့ဂလူးကို့စ်ဓာတ်တွေ လောင်မြိုက်သွားစေတာကြောင့် ခန္ဓာကိုယ်ထဲမှာ အဲဒီဂလူးကို့စ်တွေ တစ်ညတာလုံးခိုအောင်းမနေတော့ဘူးပေါ့''လို့ အကြံပြုထားတာကို အမေရိကန် ပြည်ထောင်စု ဝါရှင်တန်မြို့၏ ၂ဝ၁၃ ခုနှစ် ဇွန်လ ၁၂ရက်နေ့ထုတ် Diabetes Care(ခေါ်) ဆေးပညာဂျာနယ်တစ်စောင်မှာ အခုလိုဖော်ပြသွား ခဲ့ပါတယ်။

ကမ္ဘာတစ်ဝန်းမှာ ဆီးချို၊ သွေးချိုရောဂါခံစားနေရသည့် ဝေဒနာရှင်များဟာ တစ်ဆယ်စက္ကန့် တွင် တစ်ဦးနှုန်းသေဆုံးမှုရှိနေပြီဟု ကမ္ဘာ့ကျန်းမာရေးအဖွဲ့မှ သတိ ပေးထားပါတယ်။ အရင်တုန်းက တော့ ဆီးချိုရောဂါဟာ ဖွံ့ဖြိုးပြီး နိုင်ငံများ(ချမ်းသာတဲ့နိုင်ငံများ) မှာပဲ အဖြစ်များခဲ့ပေမယ့် ၂ဝရာစု နှစ်နောက်ပိုင်းမှာ သိသိသာသာ လူနေမှုပုံစံတွေပြောင်းလဲလာကာ ကမ္ဘာနှင့်အဝန်း ရောဂါဖြစ်နှုန်း အရမ်းကိုများပြားလာကြပါတယ်။ မြန်မာနိုင်ငံရှိ ဆီးချို၊ သွေးချိုရော ဂါအသင်း၏ ၂ဝ၁၄ ခုနှစ် နှစ် ကုန်ပိုင်း စစ်တမ်းကောက်ယူချက် များအရ မြန်မာနိုင်ငံမှာလည်း ဆီးချိုဝေဒနာရှင် ၁ ဒသမ ၇ သန်းခန့်အထိ ရှိနေပြီဖြစ်တယ်လို့ ဆိုပါတယ်။ဆီးချိုလို့ခေါ်ကြပေမယ့် အမှန် တော့ သွေးထဲမှာအချိုဓာတ်တွေ ရှိသင့်သည်ထက် လွန်ကဲစွာများ ပြားနေခြင်းပါ။ အကယ်၍ သွေးချို လွန်ကဲစွာမများသော်လည်း ရှိသင့် သည့်ပမာဏထက် များနေသေး ပါက နှစ်ကာလရှည်ကြာလာတဲ့ အခါမှာ နောက်ဆက်တွဲရောဂါများ ကြောင့် ကိုယ်ခန္ဓာအစိတ်အပိုင်း များမှာ အလုပ်မလုပ်နိုင်တော့ဘဲ အသက်တိုသည်အထိဖြစ်တတ်ပါ တယ်။ သွေးထဲကနေမှ ဆီးထဲမှာ ပါလာပြီး လူအများစုက ဆီးချိုရှိ မှန်း မိမိကိုယ်ကိုတောင်မသိခဲ့ကြ ဘဲ အခြားရောဂါကုသရန် သွေး/ ဆီးစစ်ဆေးရင်း(သို့)ဆီးချိုပမာဏ တက်ကာ လွန်စွာနာမကျန်းဖြစ် တော့မှ သိလာရပါတယ်။
လေ့လာတွေ့ရှိချက်များအရ ဆီးချိုသွေးချိုရောဂါရှိသူ အမျိုး သမီးတွေဟာ ယင်းရောဂါရှိသော အမျိုးသားများထက် လေဖြတ်နိုင် ခြေ သုံးဆခန့်ပိုများနေတယ်လို့ ဆိုပါတယ်။ အကြောင်းမှာ အမျိုး သမီးများ၏ သွေးကြောဆိုင်ရာ လုပ်ဆောင်ချက်များနှင့် သွေးရည် အပျစ်အကျဲပြောင်းလဲမှုစနစ်များ ဟာ အမျိုးသားများလောက် ကောင်းစွာမလုပ်ဆောင်နိုင်လို့ပါ ပဲ။ ဒါ့ပြင် အမျိုးသမီးများဟာ အမျိုးသားများထက် ကိုယ်အလေး ချိန်လျော့ကျရန် ယေဘုယျအားဖြင့် ကျန်းမာရေးနဲ့ညီညွတ်တဲ့ အစား အသောက်များကို ရွေးချယ်စား သောက်တတ်ကြသော်လည်း ကိုယ်လက်လှုပ်ရှားမှုအပိုင်းမှာ တော့ လွန်စွာအားနည်းနေတာကို တွေ့ရပါတယ်။ ဆီးချိုရောဂါဟာ အသက်အ ရွယ်မရွေးဖြစ်ပွားနိုင်ပြီး ရောဂါကာ ကွယ်မှုအပိုင်းမှာ ၅၈ ရာခိုင်နှုန်းသာ ရှိနိုင်တာကြောင့် ထိုရောဂါသည် များအနေဖြင့် နေ့စဉ်ကိုယ်လက် လှုပ်ရှားပြုလုပ်သင့်ကြောင်း၊ ခန္ဓာ ကိုယ်ပုံမှန်လှုပ်ရှားမှုရှိပါက ထို ရောဂါအတွက် ဆေးမှီဝဲသောက် သုံးရမှုကို သိသိသာသာလျော့ကျ နိုင်ကြောင်း၊ ဆီးချိုသွေးချိုကြောင့် နောက်ဆက်တွဲရောဂါများအနေဖြင့် နှလုံးရောဂါ၊ ကျောက်ကပ်ရောဂါ၊ အဆုတ်ရောင်ရောဂါ၊ မျက်စိ ရောဂါများအပြင် ခန္ဓာကိုယ်အဖျား ပိုင်းရှိ အာရုံကြောများထိခိုက်ခြင်း၊ ဆီးတွင်းပိုးဝင်ခြင်း၊ အရေပြား အနာပေါက်ခြင်း စသဖြင့်ဖြစ်ပွား နိုင်ကြောင်း၊ အာဟာရဖြင့် ထိန်း သိမ်းကုသသည့်အနေဖြင့်သကြား၊ နို့ဆီပါဝင်သောအစားအစာများ၊ ထန်းလျက်၊ မလိုင်များနှင့် ချိုသော အသီးများစားသုံးခြင်းမှ ရှောင်ရှား သင့်ကြောင်း မြန်မာနိုင်ငံ ဆီးချို၊ သွေးချိုရောဂါအသင်းက အကြံပြု ထားပါတယ်။

ဆီးချိုရောဂါအမျိုးအစားများ

ဆေးသိပ္ပံနည်းအရ ဆီးချို ရောဂါကို Diabetes Type (1) (2) (3) ဆိုပြီး သုံးမျိုးခွဲခြားထားပါ တယ်။ Diabetes Type(1) က ကိုယ်ခန္ဓာကနေအချိုဓာတ်ကိုထိန်း ညှိပေးသော သရက်ရွက်ကနေ ထုတ်ပေးရမယ့် Insulinဟော်မုန်း မထုတ်နိုင်တော့တာကြောင့် အင်ဆူ လင်လိုအပ်နေတဲ့ရောဂါ အမျိုး အစားဖြစ်ပါတယ်။ အသက် (၃၅) အောက် ငယ်ရွယ်သူတွေမှာ ဖြစ် တတ်ပါတယ်။ Diabetes Type (2) ကတော့ အင်ဆူလင်ကို တုံ့ပြန် နိုင်စွမ်းကျဆင်းလာတဲ့အတွက် အင်ဆူလင်မလိုအပ်ဘဲ အင်ဆူလင် ကိုတုံ့ပြန်ပေးနိုင်စွမ်းသော ဆေးဝါး များလိုအပ်ခြင်းကြောင့်ဖြစ်တဲ့ ရောဂါမျိုးပါ။ အသက်(၃၅) အထက်မှာစဖြစ်လေ့ရှိပြီး သွေး တိုး/နှလုံးရောဂါတို့နဲ့တွဲနေပါ တယ်။ ဆီးချိုရောဂါရဲ့ ၉ဝ ရာခိုင် နှုန်းခန့်က Type (2) ဖြစ်ပါတယ်။ Diabetes Type (3)က ကိုယ်ဝန် ဆောင်နေစဉ် ဖြစ်တတ်ပါတယ်။ Type (1) နဲ့ (2) တို့က နာတာရှည် ဖြစ်ပြီး လုံးဝအမြစ်ပြတ်ပျောက် တယ်ဆိုတာမရှိပါဘူး။ Type (3) ကတော့ ကလေးမွေးပြီးကောင်း သွားတာများပါတယ်။ အချို့က လည်း နောက်ပိုင်းမှာ Type(2) ဖြစ်သွားတတ်ကြပါတယ်။

ဆီးချိုရောဂါလက္ခဏာများ

(၁) ရေငတ်ခြင်း(အာခြောက် ခြင်း)၊ (၂) ဆီးသွားများခြင်း၊ (၃) ညဘက်ဆီးခဏခဏထသွားရ ခြင်း၊ (၄)ပင်ပန်းနွမ်းနယ်ခြင်း၊ (၅) ကိုယ်အလေးချိန်ကျသွားခြင်း၊ (၆) အမြင်အာရုံမကောင်းတော့ခြင်း၊ (၇) မိန်းမကိုယ်ယားယံခြင်း၊ လိင် တံယားယံခြင်း၊ ရောင်ခြင်း၊ (၈) ပျို့အန်ခြင်း၊ ခေါင်းကိုက်ခြင်း၊ (၉) စိတ်အပြောင်းအလဲဖြစ်ခြင်း၊ အာရုံ စူးစိုက်မှုကျလာခြင်း....စသည်တို့ ဖြစ်ပါတယ်။ (Type 1 နဲ့ Type 2ရဲ့ ရောဂါလက္ခဏာတွေက ဆင်တူ ကြလို့ တစ်ခါတစ်ရံ ဆရာဝန်တွေ တောင်ဝေခွဲရခက်ပါတယ်)

မှန်ကန်သောစားသောက်ပုံနည်း လမ်းများ

ဝေဒနာရှင်များအနေဖြင့် အစာ အာဟာရကို မှန်မှန်ကန်ကန်စား သုံးနိုင်မှသာ ဆီးချို၊ သွေးချိုဓာတ် လွန်ကဲမှုကို ထိန်းချုပ်နိုင်မှာဖြစ် ပါတယ်။ မှန်ကန်တဲ့စားသုံးမှုဆို သည်မှာ မှန်ကန်သည့်အစားအစာ အမျိုးအစား၊ မှန်ကန်သည့်အစား အစာပမာဏ၊ မှန်ကန်သည့်အစား အစာစားသောက်ချိန် စသည့်သုံး ချက်စလုံးနှင့်ကိုက်ညီသောစားသုံး မှုကိုဆိုလိုပါတယ်။ အကြောက် လွန်ကဲပြီး အစားအစာရှောင်လွန်း တာဖြစ်စေ၊ ဆီးချိုသွေးချိုရော ဂါ၏ နောက်ဆက်တွဲရောဂါများကို မသိလို့ဖြစ်စေ၊ မကြောက်လို့ဖြစ် စေ၊ အစားအသောက်ကို မရှောင် ဘဲစားလွန်းရင်ဖြစ်စေ ဆီးချိုထိန်း ချုပ်မှုအောင်မြင်နိုင်မည်မဟုတ်ဘဲ ဆိုးကျိုးရလဒ်တွေ ဖြစ်ပေါ်လာ နိုင်ပါတယ်။ တစ်နည်းအားဖြင့် ပြောရရင် စားသုံးနိုင်သည့်အစား အစာများကို ရဲရဲဝံ့ဝံ့စားသုံးနိုင် သကဲ့သို့ စားသုံးရန်မသင့်တော် သောအစာအာဟာရများကိုလည်း လုံးဝမစားသုံးကြဖို့အထူးလိုအပ် ပါတယ်။ ၄င်းရောဂါဟာ တစ် သက်တာလုံးရှိနေမည့် ရောဂါဖြစ် တာကြောင့် မိမိစားသုံးမှုစရိုက်မှာ တစ်သက်တာလုံးလိုက်နာကျင့်သုံး နိုင်မည့် အလေ့အကျင့်တွေဖြစ်ဖို့ လိုပါတယ်။ ဒါကြောင့် အစားအ စာတွေကို တစ်ပွဲတိုးရှောင်တာမျိုး မလုပ်သင့်ဘဲ မိမိသဘာဝနှင့် လိုက်လျောညီထွေအောင်စား တတ်ဖို့အထူးပင်လိုအပ်ပါတယ်။စားသုံးသင့်သော အစားအစာ များမှာ ဆန်ဖြင့်ပြုလုပ်ထားသော အစားအစာများ၊ ဂျုံဖြင့်ပြုလုပ်ထား သောအစားအစာများ၊ ထမင်း၊ ဆန်ပြုတ်၊ နန်းကြီးသုပ်၊ ကောက် ညှင်း၊ ဆီထမင်း၊ ဂျုံခေါက်ဆွဲ၊ ဂျုံကြာဆံ၊ နံပြား၊ ပလာတာ၊ ငါး အမျိုးမျိုး၊ အဆီမပါသည့် ဆိတ် သား၊ အမဲသား၊ ဝက်သား၊ ဘဲ သား၊ အရေခွံမပါသည့်ကြက်သား၊ ပုစွန်(ခေါင်းမပါ)၊ ပဲဆီ၊ သံလွင် ဆီ၊ ငါးမှရသောအဆီ၊ နှမ်းဆီ တို့ဖြစ်ပါတယ်။ ပြည့်ဝဆီများဖြစ် ကြတဲ့ ဝက်ဆီ၊ အမဲဆီ၊ စားအုန်း ဆီ၊ တိရစ္ဆာန်ဝမ်းတွင်းသား၊ အဆီ တို့ကိုလုံးဝမစားသင့်ပါဘူး။ အထူး သတိပြုရန်မှာ ဆီးချို၊ သွေးချို ရောဂါကြောင့် ကျောက်ကပ်ထိခိုက် ပျက်စီးနေသူများဟာ အသားဓာတ် ကို လျှော့၍စားပေးရပါမယ်။

သဘာဝကုထုံးလေးများ

(၁) ရေက ခန္ဓာကိုယ်ထဲရှိ သကြား/ဂလူးကို့စ်ပမာဏကို ထိန်းပေးတာကြောင့် ရေများများ သောက်ပါ (တစ်နေ့ကို နှစ်လီတာ ရှိ သောက်ရေသန့်ဘူးနှစ်ဘူးခန့် သောက်ပါ)။ (၂) နေရောင်ခြည်ထဲ မှာပါတဲ့ ဗီတာမင်ဒီက သွေးထဲရှိ ဂလူးကို့စ်ပမာဏကို ထိန်းပေးတာ ကြောင့် နံနက်ပိုင်း ၁၅မိနစ်ခန့် နေပူစာလှုံပါ။ (၃) အရသာခါး သက်သက်ရှိတဲ့ ခံတက်ပင်၏ ပင် စည်/အခေါက်ကို လေးခွက် တစ် ခွက်တင်ကျိုသောက်ပါ။ (၄)ဆီးဖြူ သီးပြုတ်ရည်သောက်ပေးပါ။ (၅) ကင်းပုံခါးသီးများများစားပါ။ (၆) ကင်ပွန်းချဉ်ရွက်ပြုတ်ရည်သောက် ပါ။ (၇) တရုတ်စံကားပင်ရဲ့ ပင်စည်အခေါက်ပြုတ်ရည်သောက် ပေးပါ။ (၈) ပြည်ပန်းညိုအပင်ရဲ့ အရွက်/အခေါက်တို့ကို ဆန်ဆေး ရည်ဖြင့် သုံးခွက် တစ်ခွက်တင် ကျို၍ နေ့စဉ် နံနက်/ညသောက်ပါ။ (၉) နတ်ဆေးဂမုန်းပင်အမှုန့်ကို တစ်နေ့သုံးကြိမ်မျှ တစ်ခါသောက် လက်ဖက်ရည်ဇွန်း နှစ်ဇွန်းကျစီ သောက်ရေဖြင့်သောက်ပေးပါ။ (၁ဝ) ဗေဒါပန်းပွင့်ကို ပြုတ်သုပ် စားပေးပါ(သို့) ဗေဒါပန်းပွင့်ကို အခြောက်ခံပြီး လက်ဖက်ခြောက် ကဲ့သို့ ရေနွေးခတ်၍သောက်ပါ။ (၁၁) သပြေသီးအစေ့ခြောက်ကို အမှုန့်ပြု၍ ၄င်းအမှုန့်နှစ်ပဲသားခန့် ကို တစ်နေ့နှစ်ကြိမ် ရေကျက်အေး ဖြင့်သောက်ပေးပါ။ (၁၂) ခဝဲ(ခါး) သီးကို ကြော်ချက်စားခြင်း(သို့) ခဝဲသီးကိုအခြောက်လှန်း အမှုန့်ပြု ၍ တစ်ခါသောက်လက်ဖက်ရည် ဇွန်းတစ်ဇွန်းဖြင့် တစ်နေ့သုံးကြိမ် သောက်ပေးပါ။ (၁၃) ဆင်တုံး မနွယ်လက်ခလယ်အရွယ်တစ်တောင် ခန့်ကို ဖြတ်၊ သန့်ရှင်း၊ မီးဖုတ်၊ အပေါ်ခံမီးကျွမ်းခါနီး ပြန်ထုတ်၊ အပေါ်မှ အမည်းရောင်များခြစ် ထုတ်၊ သန့်ရှင်းတဲ့လက်ရိုက် တစ်ခုနှင့်ထုပြီး ဆန်ဆေးရည် နှစ် ပိဿာထဲမှာစိမ်၊ တစ်နေ့တစ်ည စိမ်ပြီး နေ့စဉ်အချိုပန်းကန်တစ်လုံး သောက်ပါ။ သောက်ခါနီးအပေါ်ယံ မှအမြှုပ်များကို ဖယ်ထုတ်ပါ။ သောက်ပြီးတိုင်း ဆန်ဆေးရည် တစ်ပန်းကန် ပြန်ဖြည့်ထည့်ပါ။ တစ်လအထိသုံးနိုင်ပါတယ်။ အချိန် တစ်လပြည့်က အသစ်ပြန်လုပ်ပါ။ ရှင်းရှင်းပျောက်တဲ့အထိ ဆက်လက် သုံးစွဲရန်လိုအပ်၏။ (ခါးလွန်းသဖြင့် ထန်းလျက်(သို့မဟုတ်)ပျားရည် အနည်းငယ်လျက်ပေးပါ။ သကြား (လုံးဝ)မစားရ)။ (၁၄) ညအိပ်ရာ ဝင်ခါနီး ရုံးပတီသီးနှစ်တောင့်ကို ရေစင်အောင်ဆေး ထိပ်နှစ်ဖက် ဖြတ် အလယ်ကထက်ခြမ်းခြမ်း ပြီး သောက်ရေသန့်ဖြည့်ထားတဲ့ ဖန်ခွက်ထဲထည့်အဖုံးဖုံး၍ တစ်ည သိပ်ပါ။ အိပ်ရာထ နံနက်စာမစား ခင် စိမ်ထားတဲ့အရည်ကိုသောက် ပါ။ (ရေစိမ်ထားတဲ့ရုံးပတီသီး စားဖို့မလိုအပ်ပေ၊ ရုံးပတီသီးကို ဟင်းချက်၍လည်းကောင်း/ရေနွေး ဖျော၍လည်းကောင်း အပူပေး စားပါ)။ (၁၅) ပုံမှန်ထက်ဆီးချို ပမာဏအနည်းငယ်တက်နေရင် နေ့စဉ် ပျားမြီးရွက်တစ်ရွက်စားပါ။ ဆီးချို/သွေးချိုပမာဏ ၂ဝဝနှင့် ၃၆ဝကြားရှိပါက နေ့စဉ်ပျားမြီး ရွက်သုံးရွက်စားပါ။ အကယ်၍ ဆီးချို/သွေးချို၄၆ဝကျော်ထိ ဖြစ်နေပါက ပျားမြီးရွက် ၆ မှ ၉ ရွက်ထိစားပါ (ပျားမြီးရွက်စားပြီး တိုင်း သောက်ရေသန့်သောက်ပါ။ ဆီးချိုကျသွားတဲ့အခါ(လုံးဝ) ဆက်မစားပါနဲ့တော့)။ (၁၆) နံနက် အိပ်ရာထ အစာမစားခင် ကြက် ဟင်းခါးသီးသတ္တုရည်သောက်ပါ။

ပေါက်ပေါက်
The Union Daily
http://uniondaily.net

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ