နှာစေး နှာပိတ်ရောဂါ သတိပြုစရာ


နှာစေးနှာပိတ် ရောဂါသည် အေးသော ဥတုတွင် အဖြစ်များသော ရောဂါဖြစ်သည်။ အေးသော ရာသီမှ ဖြစ်သော ရောဂါသည် မပျောက်ကင်းဘဲ ပူသောဥတု အထိ ကူးသွားလျှင် ထိပ်ကပ်နာ အဆင့်အထိ ရောက်ရှိ သွားတတ် ပေသည်။ ထိပ်ကပ်နာ ဖြစ်လျှင် နာတာရှည် ဖြစ်ပြီး ကုသရ ခက်ခဲသဖြင့် အအေးပတ်လျှင် နှာစေးလျှင် သာမန်အဆင့် တွင်ပင် ပျောက်ကင်းအောင် ကုသသင့်သည်။

နှာစေးသည် ဆိုသည်မှာ အဆုတ်လေဝင် လေထွက် လေပြွန် လမ်းကြောင်းတွင် အအေးဓာတ် ဝင်အောင်း နေသဖြင့် လေပြွန်နံရံမှ အချွဲ အရည်များ ထွက်လာပြီး အသက်ပြန်ရှူ ထုတ်သောအခါ နှာရည်၊ နှပ်ရည်အဖြစ် ထွက်ကျလာခြင်း ဖြစ်သည်။ ထို နှပ်ရည်သည် ပထမ ပိုင်းတွင် အရည်ကျဲ ထွက်ရာမှ ကြာလာသော အခါ အရည်ပျစ်ပျစ် များ ထွက်လာသည်။ အထွက်များသော အခါ ရှေ့မှထွက်သော အရည်သည် ပျစ်ခဲပြီး ပိတ်နေလျှင် နောက်မှ ထွက်သော အရည်သည် ပိတ်ဆို့ ခံရသဖြင့် လေဝင်လေထွက် လမ်းပိတ်ပြီး အသက်ရှူ မဝသော ရောဂါ၊ ရင်ကျပ်ရောဂါများ ဖြစ်လာနိုင်သည်။

နှပ်ရည်ထွက် စေရန် ပြင်းထန်စွာ ညှစ်ထုတ်ခြင်း၊ နှာခေါင်း တစ်ဖက်ပေါက်ကို လက်ဖြင့် ညှစ်ပိတ်ပြီး ညှစ်အား ပြင်းပြင်းဖြင့် ညှစ်ထုတ်ရာမှ နှာရိုးရင်းတွင် ရှိသော သွေးကြောနှင့် အသားနုများ ရောင်တတ်သည်။ နှာခေါင်းတွင် နှာရိုးရင်းမှ အရွတ်နုရောင်ပြီး ဖောင်းလာကာ လေဝင်ပေါက်ကို ပိတ်သွား စေနိုင်သည်။ အချို့ သူများတွင် ဖုန်မှုန့်နှင့် မသန့်ရှင်းသော အမှုန်အမွှားများ၊ မှိုနှင့် မကောင်းသော အနံ့အသက်များ၊ ပိုးပါသော အညစ်အကြေးများ ဝင်ရောက်ရာမှ အတွင်း၌ ပြည်တည်ပြီး နှပ်ပုပ်များ ကျဆင်း လာတတ်သည်။ အနံ့ဆိုးများနှင့် သွေးစသွေးနများ ပါတတ်သည်။ ပက်လက်အိပ်လျှင် ထိုနှပ်ပုပ်ရည် များ အဆုတ် အတွင်းသို့ ပြန်ဝင်ပြီး ရင်ကျပ် လာသဖြင့် ညတွင် အိပ်မရဘဲ ငုတ်တုပ်ထိုင်နေမှ အသက်ရှူ မဝသည့် အခြေအနေသို့ ရောက်သွား တတ်သည်။

နှာစေးနှာပိတ် ရောဂါသည် ဦးခေါင်းငယ်ထိပ် အအေးပတ်ခြင်း ကြောင့်လည်း ဖြစ်နိုင်သည်။ နှင်းကျချိန်၊ မိုးကျချိန်တွင် ဦးထုပ် ခေါင်းဆောင်း မပါဘဲ အပြင်ထွက် သူများတွင် ဖြစ်လေ့ရှိသဖြင့် အေးသော ရာသီတွင် အပြင်ထွက်လျှင် ငယ်ထိပ်ကို လုံစေသော ဦးထုပ်၊ ဦးခေါင်း နှင့် နားရွက်ကို ဖုံးအုပ်နိုင်သော ဦးထုပ်မျိုး ဆောင်းထားခြင်းဖြင့် ကာကွယ်နိုင်သည်။

နှာစေးနှာပိတ် ရာမှ ခေါင်းကိုက် ရောဂါလည်း ဖြစ်နိုင်သည်။ ထိုသို့ဖြစ်လျှင် သက်သာ စေနိုင်သောနည်းမှာ ကွမ်းရွက်ကို မီးအပူ အနည်းငယ် ပြပြီး ပြားစေ့အရွယ်ခန့် အဝိုင်းဖဲ့ယူပြီး နားထင်နှစ်ဖက် တွင် ကပ်ပေးပါ။ ပရုတ်ဆီကို ကြွေပန်းကန်လုံး တွင်သုတ်ပြီး ရေနွေးအဖြူ ပူပူ လောင်းထည့်ပြီး အငွေ့ကို လက်နှစ်ဖက်ဖြင့် အုပ်၍ ရှူပေးပါ။

မှိုင်းရှူဆေးနည်းမှာ-
၁။ တြိကဋုတ်သုံးပါး ၁ကျပ်သားစီ
၂။ မိဿလင် ၁ကျပ်သား
၃။ ယင်းပြား ၁ကျပ်သား
၎။ လက်ဖက်မြစ် ၁ကျပ်သား
၅။ ကန့်ချုပ်နီ ၁ကျပ်သား
၆။ နံ့သာဖြူ ၁၅ကျပ်သား
(စုစုပေါင်းဆေးချိန် ၂၂ကျပ်သား)

အထက်ပါ ဆေးများကို အမှုန့်ပြုလုပ်ပါ။ နံ့သာဖြူကို လွှစာမှုန့် ကဲ့သို့ အမှုန့်ကြမ်း ထည့်ပါ။ စလောင်းဖုံး သန့်သန့်တွင် မီးခဲထည့်၍ ဆေးမှုန့်ကို ဖြူးပြီး တက်လာသော အငွေ့ကို ရှူပေးပါ။ နှာခေါင်းပေါက်မှ ငယ်ထိပ်အထိ ပေါက်အောင် နနွင်းမှိုင်း ရှူသကဲ့သို့ ရှူပေးပါ။ ရှင်နာဂသိန် ၏ေ ဆးပညာ ဥပဒေသကျမ်း မှ ဆေးနည်း ဖြစ်ပါသည်။

ကြည်မြင့်လွင် (မုဒြာ)
#Yadanarpondaily
#ရတနာပုံနေ့စဉ်
http://myawady-myawady.blogspot.com/2014/12/blog-post_341.html

သွေးတိုးရောဂါအကြောင်း သိမှတ်ဖွယ်ရာအဖြာဖြာ


ကမ္ဘာတစ်ဝန်း လူသန်းပေါင်း တစ်ထောင်မှာ သွေးတိုးရောဂါ ခံစားနေကြ ရပြီး နှစ်စဉ် ၇ဒသမ၁ သန်း သေဆုံး စေပါတယ်။ မြန်မာနိုင်ငံမှာလည်း သွေးတိုးရောဂါ ခံစားနေရသူ ဦးရေဟာ တစ်နှစ်ထက်တစ်နှစ် ပို၍မြင့်တက်လာ နေကြောင်း အရှေ့တောင်အာရှ ကမ္ဘာ့ကျန်းမာရေးအဖွဲ့၏ စစ်တမ်းများမှာ ဖော်ပြထားပါတယ်။ ဒါကြောင့် လည်းကျွမ်းကျင်ဆေးပညာရှင် များ ကသွေးတိုးရောဂါကိုတိတ်တဆိတ် လူသတ်သမား(Silent Killer)လို့ တင်စားခေါ်ဝေါ်ကြပါတယ်။ သွေးတိုးရောဂါဟာအချိန်အခါမရွေး၊ရာသီဥတုမရွေးဖြစ်တတ်တဲ့
 ရောဂါအမျိုးအစားဖြစ်ကာအပူအကြောင်းခံ၍သွေးတိုးခြင်း၊အအေးအကြောင်းခံ၍သွေးတိုးခြင်းနဲ့ အပူအအေးနှစ်ပါးပြိုင်၍ သွေးတိုးခြင်းဆိုပြီးသွေးတိုးသွေးတက်ရောဂါသုံးမျိုးရှိပါတယ်။ သွေးပေါင် တိုင်းမည်ဆိုပါက (၁) မတိုင်းမီနာရီဝက်အတွင်း အစာစားခြင်း၊ ဆေးလိပ်သောက် ခြင်းနှင့်လေ့ကျင့်ခန်းလုပ်ခြင်းမလုပ် ပါနှင့်၊ (၂) ဝမ်းနည်း ဝမ်းသာစိတ်လှုပ်ရှားချိန်တွင်မတိုင်းပါနှင့်၊ (၃) မတိုင်းမီ၁ဝမိနစ်ခန့်ကိုယ်ရောစိတ် ပါ ဖြေလျှော့အနားယူပါ၊ (၄) လက်မောင်း ပတ်လေအိတ်နှင့်နှလုံးကိုရေပြင်ညီတစ်တန်းတည်းရှိနေပါစေ၊(၅)တိုင်းနေစဉ်ငြိမ်ငြိမ်နေပါ၊ စကားမပြောပါနှင့်၊မလှုပ်ပါနှင့်။ သွေးတိုးရောဂါအဆင့် သွေးဖိအားကို မီလီမီတာ မာကျူရီယူနစ်ဖြင့်တိုင်းတာပြီး နှလုံးကြွက်သား ညှစ်ထုတ်စဉ် သွေးကြောအတွင်းဖြစ်ပေါ်နေတဲ့ ဖိအားကို အပေါ်သွေးဟုခေါ်ပြီး နှလုံးကြွက်သား မူလအတိုင်း ပြန် ဆန့်စဉ်ဖြစ်ပေါ်နေတဲ့ဖိအားကို အောက်သွေးဟု ခေါ်ပါတယ်။ အသက်(၁၈)နှစ်နှင့်အထက်လူကြီး များအားလုံး၏ သွေးဖိအားအခြေ အနေကို(က)ပုံမှန်သွေးဖိအား၊ (ခ) ပုံမှန်ထက်မြင့်မားပြီးသွေးတိုးမဟုတ် သည့်အခြေအနေ၊(ဂ)အဆင့် (၁)သွေးတိုးရောဂါ၊(ဃ)အဆင့် (၂)သွေးတိုးရောဂါဟူ၍ အပိုင်း (၄) ပိုင်းခွဲခြားသတ်မှတ်လေ့ရှိပါ တယ်။ (က) အပေါ်သွေး ၁၂ဝ အောက်နှင့်အောက်သွေး၈ဝအောက် က ပုံမှန်သွေးဖိအားဖြစ်ပါတယ်။ (ခ)အပေါ်သွေး ၁၂ဝမှ၁၃၉ကြား နှင့်အောက်သွေး ၈ဝမှ ၈၉ကြား က ပုံမှန်ထက်မြင့်မားပြီး သွေးတိုး မဟုတ်သေးတဲ့အခြေအနေလို့ယူ ဆလေ့ရှိပါတယ်။(ဂ)အပေါ်သွေး ၁၄ဝမှ၁၅၉ကြားနှင့် အောက်သွေး ၉ဝမှ၉၉ကြားကိုတော့ သွေးတိုး ရောဂါအဆင့်(၁) အဖြစ်သတ်မှတ် ပါတယ်။(ဃ)အပေါ်သွေး ၁၆ဝ နှင့်အထက်၊ အောက်သွေး ၁ဝဝနှင့် အထက်ကသွေးတိုးရောဂါအဆင့် (၂)ဖြစ်ကာ စိုးရိမ်ရပါတယ်။ သွေးတိုးရောဂါလက္ခဏာများ သွေးတိုးရောဂါရှိသူတွေရဲ့ပျမ်း မျှသုံးပုံတစ်ပုံခန့်မှာ မည်သည့် လက္ခဏာများထွေထွေထူးထူးမပြ တာကြောင့် မိမိကိုယ်မိမိ သွေးတိုးနေမှန်းတောင်မသိကြပါဘူး။ လူအများစုမှာဖြစ်တတ်တဲ့ ရောဂါအစလက္ခဏာများခေါင်းကိုက်ခြင်း၊ ဇက်ကြောတက်ခြင်း၊ မူးဝေခြင်း၊ အသက်ရှူမြန်လာခြင်း၊ အမြင်ဝေ ဝါးလာခြင်း၊ နားအူခြင်း၊ မျက်နှာ ရောင်အမ်းခြင်း၊ နှာခေါင်းသွေးလျှံ ခြင်း၊ မျက်ခွံမို့အစ်ခြင်း၊ လေးလံထိုင်းမှိုင်းခြင်းတွေဖြစ်တတ်ပါတယ်။အမျိုးသမီးများဓမ္မတာရာသီလာနေ စဉ်မှာလည်းသွေးဖိအားတိုးတတ်ပါတယ်။ (သွေးတိုးရောဂါရဲ့ သဘောသဘာဝဟာ ရောဂါစဖြစ်ပြီဆိုတာနှင့်ဆက်တိုက် သွေးတိုးသွားဖို့သာရှိပါတယ်။
 ပြန်ကောင်းသွားစရာအကြောင်းမရှိပါ။ရောဂါ လက္ခဏာပေါ်သည်နှင့်မပေါ်သည် သာဖြစ် ပါတယ်။သွေးတိုးကျ ဆေးအမျိုးအစားဟာအခြားသော ပဋိဇီဝအကိုက်အခဲပျောက်ဆေးများ ကဲ့သို့သောက်သုံးသူ ကို ဆေးယဉ်သွားခြင်း(ဆေးမတိုးခြင်း)မျိုးလုံးဝမဖြစ်စေပါဘူး။ဒါကြောင့် မိမိသဘောဖြင့်လက္ခဏာပေါ်လျှင်ဆေးသောက်မည်၊ မပေါ်လျှင်ဆေး မသောက်ဘဲနေတာမျိုးမပြုသင့်ပါ ဘူး။ မည်သည့်ရောဂါလက္ခဏာ မျှမပြဘဲနှင့်လည်းသွေးတိုးရောဂါ ဆိုးဆိုးရွားရွား ရှိနေနိုင်တာကို သတိပြုပါ)
ဒါတွေကြောင့်လည်းသွေးတိုးနိုင် သွေးတိုးရောဂါရှိသူတွေရဲ့ ၉ဝ-၉၅ရာခိုင်နှုန်းခန့်မှာအကြောင်း ရင်းတိတိကျကျမသိရဘဲသွေးတိုး နေကြပြီး ကျန်၅-၁ဝရာခိုင်နှုန်း ခန့်ကခန္ဓာကိုယ်တွင်းရောဂါတစ်မျိုး မျိုးစွဲကပ်နေခြင်းကြောင့်သွေးတိုး ရောဂါခံစားရလာပါတယ်။အထူး သဖြင့် ကျောက်ကပ်ရောဂါအမျိုး မျိုး၊ နှလုံးသွေးကြောကျဉ်းရောဂါ၊ သိုင်းရွိုက်ဟော်မုန်းအထွက်လွန် ကဲသောရောဂါ၊ Cocaineç Cy-closporinç Erythropoietinç Adrenergic စတဲ့ ပဋိဇီဝဆေးမှီဝဲ သောက်သုံးရခြင်း၏ ဘေးထွက် ဆိုးကျိုး ကြောင့်ဖြစ်ပေါ်လာတဲ့ သွေးတိုးရောဂါ၊ ကိုယ်ဝန်ဆောင် သွေးတိုးခြင်း၊အရက်အလွန်အကျွံ သောက်သုံးခြင်းနှင့် ပူပြင်းသော နေရောင်ခြည်အောက် အချိန်ကြာ မြင့်စွာသွားလာရခြင်းစသည့် အကြောင်းများကြောင့်လည်း သွေးတိုးရောဂါဖြစ်လာရပါတယ်။ သွေးတိုးရောဂါ၏ နောက်ဆက်တွဲ ဆိုးကျိုးများ (၁)သွေးတိုးရောဂါကြောင့် နှလုံးသွေးကြောများမာကျောကျစ် လျစ်လာပြီးနှလုံးသွေးကြောကျဉ်း ခြင်း(သို့မဟုတ်) ပိတ်ဆို့ခြင်း၊နှလုံး ကြွက်သားများထူထဲလာခြင်း၊နှလုံး ညှစ်အားလျော့နည်းလာခြင်း စသည့်နှလုံးရောဂါအမျိုးမျိုး ဖြစ် လာနိုင်ပါတယ်။ (၂)သွေးတိုး ကြောင့်ဦးနှောက်သွေးကြောပိတ် ခြင်း၊ သွေးကြောပေါက်ခြင်းဖြစ် လာကာ ထိုမှတစ်ဆင့် လေဖြတ် လေငန်းရောဂါဖြစ်လာနိုင်ပါတယ်။ (၃) သွေးတိုးရောဂါ နာတာရှည် လာပါကကျောက်ကပ်ပျက်စီးသွား ပြီး ဆီးထဲသွေးပါခြင်း၊ ဆီးဆိပ်တက်ခြင်းများဖြစ်လာပါတယ်။ (၄)သွေးတိုးရောဂါပြင်းထန်မှုကြောင့် မျက်စိတွင်းရှိ မျက်ကြည်လွှာနှင့် သွေးကြောများ ထိခိုက်ပျက်စီးပြီး အမြင်အာရုံထိခိုက်ယိုယွင်းသွား နိုင်ပါတယ်။ (၅) သွေးတိုးရောဂါ ရှိသူများက သွေးဖိအားကို 140/90 mmHg ထက်မကျော်လွန် အောင်ထိန်းထားသင့်ပြီးဆီးချိုနှင့် ကျောက်ကပ်ရောဂါရှိ သူများအနေ ဖြင့်သွေးဖိအားကို 130/80 mmHg အောက်ရှိနေရမှာဖြစ်ပါတယ်။ ဘဝနေထိုင်နည်းပုံစံ ကိုယ်အလေးချိန် အဝမလွန်စေရန် ထိန်းသိမ်းထားရမှာဖြစ်လို့ Body Mass Index(BMI) ကို ၁၈ဒသမ၅ မှ ၂၄ဒသမ၅ အတွင်း ရှိနေပါစေ။လမ်းမြန်မြန်လျှောက်ခြင်း၊စက်ဘီးစီးခြင်း၊ရေကူးခြင်းစတဲ့ ကိုယ်လက်လှုပ်ရှားလေ့ကျင့်ခန်းကို တစ်နေ့မိနစ်၃ဝပုံမှန်လုပ်ပေး ပါ။ စိတ်ဖိစီးမှုများခြင်း၊ သောကများခြင်း၊ဒေါသအမျက်ထွက်ခြင်း တို့က သွေးတိုးစေနိုင်တာ ကြောင့် အတတ်နိုင်ဆုံးစိတ်အေးချမ်းသာစွာနေထိုင်ပါ။တရားမှတ်ပါ။ယောဂကျင့်ပါ။ အိမ်မွေးတိရစ္ဆာန်ခွေး၊ ကြောင်လေးများဖြင့်အချိန်ပေး၍ နေပါ။ အိပ်ရေးမဝခြင်းကလည်း သွေးတိုးစေနိုင်ပါတယ်။ ဆောင်ရန်ရှောင်ရန်အစားအစာများ သစ်သီးဝလံ၊ ဟင်းသီးဟင်းရွက်များ၊ အဆီထုတ်ထားတဲ့ နို့နှင့် နို့ထွက်ပစ္စည်းများကိုများများစားပါ။ဆား(ဆိုဒီယမ်)ပမာဏ ပါဝင်မှုနည်းတဲ့အစားအစာများကို ရွေးချယ်ပါ။ အရသာကောင်းစေ ရန် ပြုပြင်ထားသောအစားအစာ များနှင့်အသင့် စားအစားအစာအထုပ် တွေမှာလည်း ဆားပါဝင်မှုများ လို့သတိပြုပါ။ ငါးများများစား ပါ။ အဆီပါဝင်မှုများတဲ့အနီရောင် အသားများနှင့် ကြက်၊ ဘဲ အရေခွံ များကိုရှောင်ပါ။ကိုလက်စထရော များတဲ့အဆီအဆိမ့်၊ အချိုများကို ရှောင်ပါ။ အရက်အလွန်အကျွံ သောက်သုံးခြင်းက သွေးတိုးစေ တတ်သဖြင့် အထူးရှောင်ကြဉ်ပါ။
သွေးတိုးရောဂါပျောက်မြန်မာ့ဆေး နည်းတိုများ (၁) ဒန့်သလွန်ရွက်ကို ရေစင် အောင်ဆေးပြီးထောင်းကာအရည် ညှစ်ယူပြီးလက်ဖက်ရည်ဇွန်းနှစ်ဇွန်း ခန့်သောက် ပေးခြင်းဖြင့် ချက်ချင်း သက်သာသွားစေပါတယ်။ ဒန့်သလွန်ရွက်ဟင်းခါးရည်သောက်နိုင်ပါတယ်။ (၂)သံပရာသီး အစေ့ငါးစေ့ ခန့်ဝါးစားလိုက်တဲ့အခါသွေးတိုး ချက်ချင်းသက်သာသွားပါလိမ့် မယ်။သံပရာပင်၏အခေါက်ကို ဆေးကြောပြီး ရေနှင့်သွေး၍သောက် နိုင်ပါတယ်။ ဒါ့အပြင်သံပရာသီး တစ်လုံးကိုအလယ်မှထက်ခြမ်း လှီးကာ ရေနွေးအပူချိန် ၇၅ ဒီဂရီ ဖာရင်ဟိုက်ထဲသို့ ၄၅မိနစ်ခန့် ထည့်ပြီးယင်းပြုတ်ရည်ကိုသောက် သုံးပါက တစ်ခဏအတွင်းသွေး တိုးကျစေပါတယ်။(၃) မြင်းခွာ ရွက်ကိုအရည်ညှစ်သောက်ခြင်း၊ သုပ်စားခြင်း၊ဟင်းခါးချက်သောက် ခြင်းဖြင့်သွေးတိုးကျစေပါတယ်။ (၄) ဧကရာဇ်ပင်၏အရွက်နှင့် အမြစ်တို့ကို အရည်ညှစ်၍ တစ်နေ့ သုံးကြိမ်သောက်ပေးပါ။ (၅) ဗာဒံ ရွက်အနုသုံး လေးရွက်ခန့် ကို ရေစင်အောင်ဆေးပြီး ငါးမိနစ်ခန့် ပြုတ်၍သောက်ပေးပါ။တစ်နေ့ ကို လက်ဖက်ရည်ခွက်သုံးခွက်ခန့် သောက်ပေး ခြင်းဖြင့်ရက်သတ္တပတ် အတွင်းမှာပင်သွေးတိုးရောဂါ သက်သာသွားပါလိမ့်မယ်။အထူး သတိပြုရန်မှာ ဗာဒံရွက်ပြုတ်ရည် ကို အလွန်အကျွံသောက်ပါက ဝမ်းချုပ်တတ်ပါတယ်။(၆) ကြက် သွန်ဖြူဥတစ်လုံးအမျိုးအစားကို ထမင်းစားတဲ့အခါတိုင်း သုံးလုံး မှ ငါးလုံးအထိစားပေးပါက သွေးပေါင်တက်ခြင်းကိုကျစေသလိုသွေး ပေါင်ကျနေသူကိုလည်း
 ပြန်လည်သွေးညိုပေးနိုင်ပါသည်။

ပေါက်ပေါက်
The Union Daily
http://uniondaily.net/News/DetailView.aspx…

သွေးတိုးကျစေရန် ပြုလုပ်သင့်သော ကိုယ်လက်လှုပ်ရှားမှုများ


သွေးတိုးရောဂါကို အသံတိတ် လူသတ်သမား လို့ခေါ်ဝေါ် ကြတာကြောင့် သွေးတိုးရောဂါ ရှိပြီးသူတွေ သွေးတိုးကျဖို့ အတွက်ရော၊ သွေးတိုးရောဂါ မရှိသေးသူတွေ အနေနဲ့ သွေးတိုးရောဂါ ဖြစ်မလာဖို့ အတွက်ပါ ကိုယ်လက်လှုပ်ရှား အားကစား ပြုလုပ်သင့်ပါတယ်။

ပေါ့ပေါ့ပါးပါး လှုပ်ရှားမှု
နေ့စဉ် အိမ်မှုကိစ္စ ပြုလုပ်ခြင်း၊ ဥယျာဉ်စိုက်ပျိုးခြင်း၊ ပြတွင်းပေါက်မှန်တွေ ဆေးကြောခြင်း၊ လှေကားတက်ခြင်း၊ လမ်းလျှောက်ကာ ဈေးဝယ်ခြင်း၊ ကလေးနဲ့အတူ ပြေးလွှား ဆော့ကစားခြင်း စတဲ့ ပေါ့ပါးတဲ့ လှုပ်ရှားမှုတွေဟာ နှလုံးကို ကျန်းမာစေပါတယ်။

အားကစားခန်းမမှာ လှုပ်ရှားမှု
သင့်ကိုယ်သင် ပိုပြီး တက်ကြွလန်းဆန်း လိုပါသလား။ အားကစားခန်းမမှာ အသင်းဝင်ပြီး နည်းပြဆရာနဲ့ စနစ်တကျ လေ့ကျင့်ပါ။ တစ်ပတ်မှာ နှစ်ကြိမ်- သုံးကြိမ်ခန့် ကိရိယာနဲ့ လေ့ကျင့်တာဟာ နှလုံးကျန်းမာရေး ကောင်းပြီး သွေးဖိအားကျ စေပါတယ်။ နည်းပြဆရာနဲ့ လေ့ကျင့်တာကြောင့် ခန္ဓာကိုယ်မှာ မလိုအပ်တဲ့ အဆီတွေ ကျသွားတဲ့အပြင် အားကစားကြောင့် ထိခိုက်နာကျင်မှု ကိုလည်း မခံစားရ နိုင်တော့ပါဘူး။

ရေထဲမှာ လှုပ်ရှားမှု
ရေကူးကန်မှာ မိနစ် ၃၀ ကြာ ရေကူးတာဟာ ခန္ဓာကိုယ်ထဲ လှည့်ပတ်နေတဲ့ အင်ဒရီနယ်လင် ဟော်မုန်း ပမာဏ လျော့ကျကာ သွေးကြောတွေကို အနားရစေပါတယ်။ ရေကူးတာဟာ သွေးခုန်နှုန်းနဲ့ သွေးဖိအားကိုပါ ထိန်းညှိပေးပါတယ်။

သွေးပူလေ့ကျင့်ခန်း
အမေရိကန်နှလုံးကျန်းမာရေး အဖွဲ့အစည်းရဲ့ အဆိုအရ အားကစား မလုပ်ခင် သွေးပူလေ့ကျင့်ခန်းလုပ်တာနဲ့ အားကစားလုပ်ပြီး ဖြေလျှော့လေ့ကျင့်ခန်းလုပ်တာဟာ သွေးတိုးရောဂါရှိသူတွေအတွက် အရေးပါတယ်လို့ သိရပါတယ်။ ဒီလေ့ကျင့်ခန်းတွေဟာ နှလုံးခုန်နှုန်းကို တဖြည်းဖြည်းချင်း တိုးမြင့်စေ၊ လျော့ကျသွားစေတာကြောင့်ပါ။ အားကစား မလုပ်ခင်နဲ့ လုပ်ပြီးချိန်မှာ ၁၀ မိနစ်လောက် လမ်းလျှောက်ပေးတာဟာ ကောင်းမွန်တဲ့ သွေးပူလေ့ကျင့်ခန်းနဲ့ ဖြေလျှော့လေ့ကျင့်ခန်းတွေ ဖြစ်ပါတယ်။

နှလုံးခုန်နှုန်းနှင့် ဆေးဝါးကုသမှု
Beta- blocker ဆေး၊ Calcium channel blocker ဆေးစတဲ့ နှလုံးဆေးတချို့ဟာ နှလုံးခုန်နှုန်း နှေးစေနိုင်ပါတယ်။ ဒီဆေးတွေ သောက်နေရင်း အားကစား လုပ်လို့ရ၊ မရ၊ ဆရာဝန်ကို မေးပါ။ ဒီဆေးတွေ သောက်နေရင်း အားကစား လုပ်တဲ့အခါ နှလုံးခုန်နှုန်းဟာ ဘယ်လောက် အတိုင်းအတာ ရှိသင့်သလဲ ဆိုတာကိုပါ ဆရာဝန်ကို မေးထားပါ။

သတိထားသင့်သော အချက်
ဘာအားကစားပဲ လုပ်လုပ်၊ ကိုယ်လုပ်ရမယ့် အတိုင်းအတာကို သိပါ။ အားကစား လှုပ်ရှားမှုကြောင့် မသက်မသာ ခံစားရရင် ဆက်မလုပ်ပါနဲ့တော့။ အားကစားလုပ်ငန်း မူးနောက်လာရင်၊ ရင်ဘတ်၊ လက်မောင်း၊ လည်ချောင်းတွေမှာ မသက်မသာခံစားရရင် ဆက်မလုပ်ပါနဲ့တော့။ ပူအိုက်တဲ့နေ့တွေမှာ အားကစား လုပ်ချိန်လျှော့ချပေးပါ။ ဒါမှမဟုတ် မပြင်းထန်တဲ့ လှုပ်ရှားမှုမျိုးကို လုပ်ပါ။

စားသင့်သော အစားအသောက်
ကိုယ်လက်လှုပ်ရှားမှု လုပ်ပေမယ့် အစားအသောက်ကို စားချင်ရာ စားနေရင်တော့ အဆင်မပြေ နိုင်ပါဘူး။ အသီးအနှံ၊ ဟင်းသီးဟင်းရွက်၊ ပဲအမျိုးမျိုး၊ အခွံချွတ်မထားတဲ့ ကောက်နှံတစ်ခုလုံးနဲ့ အဆီနည်း နို့နဲ့ နို့ထွက်ပစ္စည်း စတာတွေကို များများစားပါ။ အသက် ၅၀ ကျော်လာတဲ့အခါ အပေါ်သွေးဖိအား (Systolic Blood Pressure) ဟာ ၁၄၀ ထက်ပိုရင် နှလုံးရောဂါ ဖြစ်နိုင်ခြေ ပိုများပါတယ်။ ဒီအစားအသောက် တွေကိုသာ ရွေးစားပေးရင်တော့ အပေါ်သွေးဖိအားကို ၈- ၁၄ point လျော့ကျ စေနိုင်ပါတယ်။

လျှော့ချသင့်သော ကိုယ်အလေးချိန်
ပုံမှန်ထက် ကိုယ်အလေးချိန် များနေရင် ၁၀ ပေါင် လျှော့ချလိုက်ပါ။ ဒါဆိုရင် သွေးတိုးရောဂါ မဖြစ်အောင် ကာကွယ်နိုင် သလို ရောဂါ ရှိနေရင်လည်း နောက်ဆက်တွဲ ပြဿနာတွေ မရရှိအောင် ကာကွယ် နိုင်ပါတယ်။ အစားအသောက် စားတဲ့အခါ ဆားပါဝင်မှုများတဲ့ အသားနဲ့ စည်သွတ်ဘူးတွေကို တက်နိုင်သမျှ ရှောင်ပေးပါ။ Health

Mg Mandalay
https://www.facebook.com/mg.mandalay?fref=ts

Vaginal itching မိန်းမကိုယ်ယားခြင်း



အရင်ကတော့ ဒီလိုစာမျိုးကို ‘ဖေ့စ်ဘွတ်’ မှာမတင်ပါ။ (၁၈) နှစ်ပြည့်မှဖတ်ပါ ဆေးပညာစာ ‘ဘလော့ခ်’ ပိတ်သွားလို့သာ တင်ပါတယ်။ နားလည်မှုပေးကြစေလိုပါတယ်။

၁။ ကျွန်မအသက် ၃၃ ပြည့်ခါနီးပါပြီဆရာ။ အပျိုပါဆရာ။ ကန်တော့ပါဆရာ မိန်းမအဂါင်္တဝိုက် ယားယံမှုဖြစ်လို့ ညည အိပ်မရဘူးဆရာ။ အပြင်ဘေးပတ်ပတ်လည်က ယားတယ်ဆရာ။ အဖြူအဆက်မပြတ်ဆင်းတတ်လို့ အမြဲ daily pad သုံးပြီး Lactacyd (gentle cleaning wash) သုံးတယ်ဆရာ။ အမြဲအနံ့အသက်ကအစ သန့်ရှင်းမှုဂရုစိုက်တာတောင် ယားယံမှုက မခံမရပ်နိုင်ဘူးဆရာ။ ကျွန်မအခု့့ မှာပါဆရာ။ အပူစာအစပ်စာ ရှောင်ပါတယ်ဆရာ။ ဘာကြောင့်ဖြစ်မှန်း မသိဘူးဆရာရယ်။ အလုပ်တဖက်နဲ့မို့ ညအိပ်ရေးပျက်တာ တော်တော် ဆိုးဝါးတယ်။ အခုရက်ပိုင်း ပိုဆိုးဝါးလို့ရေနွေးကို ဆားရှာလကာရည်ထည့်ပြီး အပေါ့သွားတိုင်း ဆေးပါတယ်ဆရာ။ လိမ်းဆေး Dermovate cream ကိုတနေ့ ၂ ကြိ်မ် ယားယံတဲ့နေရာပတ်ဝန်းကျင် လ်ိမ်းပေမဲ့ လိမ်းတုန်းသက်သာပြီး ပြန်ဖြစ်တယ်ဆရာ။ ကျွန်မနာမည့့် ပါဆရာ။ ကျေးဇူးပြုပြီး ဖြေကြားပေးပါဆရာ။ မိန်းမအဂါင်္ပါ တခါတလေယားယံတာရော ကင်ဆာဖြစ်နိုင်ပါသလားဆရာ။ အလုပ်လုပ်ရတာ ဒီလိုဖြစ်နေတော့ စိတ်နဲ့လူမကပ်ဘူးဆရာရယ်။

၂။ သမီးအိမ်ထောင်ပြုတာ ၁ နှစ်ရှိပါပြီ။ အသက်က ၃၆ နှစ်ပါ။ ပြည်ပမှာနေပါတယ်။ ဆရာကန်တော့ပါရှင့် သမီး အဖြူဆင်းပြီး ယားနေလို့ပါဆရာ။ ဘားဆေးသောက်ရမလဲဆရာ။ ပြီးတော့သမီးအခုမျိုးဥကြွေ မကြွေ စမ်းရတဲ့ရက်ပါ ဆရာ။ OG က ဒီဇူလိုင်လ ၂-၃-၄-၅-၆ ရက်တွေ စစ်ခိုင်းထားပါတယ်ဆရာ။

၃။ ဆရာရှင့် ကန်တော့နော့့် မိန်းမကိုယ်ကမခံနိုင်အောင်ယားနေလို့။ တချိန်လုံးရေဆေးနေရတယ်။ ကိုယ်ဝန်ရှိနေရင် သက်သာမယ့်ဆေးသောက်ဘို့လိုပါသလား။ ဘယ်လိုသက်သာအောင်လုပ်လို့ရပါသလဲ။ ကလေးကိုထိခိုက်မှာ စိုးရိမ်လို့ပါ။

Vaginal itchess ကိုဘာသာပြန်ရင် (ဗဂျိုင်းနား) ယားခြင်းဖြစ်တယ်။ မြန်မာလိုဆိုရင် မွေးလမ်းကြောင်းယားတာပါ။ တကယ်တော့ မိန်းမကိုယ်ဆိုတာကို Vulva ဖြစ်ပါတယ်။ မိန်းမကိုယ်ယားယံတဲ့ရောဂါကို Pruritus vulvae လို့ ခေါ်တယ်။ အဖြစ်မနည်းပါ။ အပျိုတွေမှာလဲ ဖြစ်တယ်။ တချို့မှာခဏဖြစ်ပြီး တချို့မှာတာရှည်ဖြစ်တယ်။

အောက်ခံရောဂါ တခုခုရှိနေလို့ဖြစ်တာများတယ်။ ရောဂါရယ်လို့မဟုတ်ဘဲ အစိုဓါတ်ကနေလဲ ဖြစ်စေနိုင်တယ်။ Moisture အစိုဓါတ်ဆိုတာ ဆီးစိုနေတာ၊ ဝမ်းသွားတာနဲနဲပေကျန်တာ၊ ချွေးထွက်များတာ၊ အစားအသောက်ထဲမှာကိုယ်နဲ့ အဆင်မပြေတာ၊ ဥပမာ ကေဖင်း၊ ခရမ်းချဉ်သီးနဲ့ မြေပဲပါနေတာတွေကနေ ဖြစ်စေနိုင်တယ်။

• ဗဂျိုင်းနားကနေတခုခုဆင်းနေတာ၊ (ဗဂျိုင်းနား) ပိုးဝင်တာ၊ မိန်းမကိုယ်ရောင်တာ၊ လိင်လမ်း-ကြွက်နို့၊ သားအိမ်-ကင်ဆာတွေနဲ့ ပတ်သက်တယ်။
• ဝမ်းမလုံတဲ့ရောဂါ၊
• ပိုးသေဆေးသောက်နေရရင်လဲမွေးလမ်းမှာမှိုပိုးဝင်လာစေနိုင်တယ်။
• ဆီးချို နဲ့ HIV ရှိနေသူတွေမှာလဲမှိုပိုးဝင်လွယ်စေတယ်။ ဆီးချိုကိုယ်၌ကနေလဲယားတတ်တယ်။
• မှို၊ Threadworms သန်ကောင်၊ ဝဲနဲ့ STDs လိင်ကတဆင့် ကူးစက်ရောဂါတွေ ဖြစ်နိုင်တယ်။
• Eczema, Psoriasis, Lichen simplex, Lichen planus, Lichen sclerosus အရေပြားနာအမျိုးမျိုးကနေ ဖြစ်နိုင်တယ်။ ကြည့်ရင် သိသာပါတယ်။ တော်တော်နဲ့ မပျောက်နိုင်ဘဲ၊ ဖြစ်တဲ့နေရာမှာသိသာတဲ့ အရောင်၊ အထူအပါးမတူတာ၊ အနာလိုဖြစ်တာတွေ ရှိနေမယ်။
• ဆပ်ပြာ၊ ရေမွှေး၊ ချွေးနံ့ပျောက်ဆေး၊ (ကွန်ဒွမ်)၊ အဝတ်အထည်ဆိုးဆေး၊ ဆပ်ပြာမှုံ့၊ အဝတ်အထည် (ကွန်ဒီရှင်နာ)၊ စတဲ့ သန့်ရှင်းရေးနဲ့ အလှအပအမွှေးအကြိုင်တွေနဲ့ ကိုယ်နဲ့ မတည့်သူတွေမှာလဲယားနိုင်တယ်။
• သွေးဆုံးသူတွေမှာလဲ အဖြစ်မနည်းကြပါ။
• ကိုယ်ဝန်ဆောင်နေချိန်၊ ကလေးနို့တိုက်ချိန်တွေမှာလဲ တချို့ မိန်းမကိုယ် ယားတယ်။
• ကင်ဆာကိုလဲစာရင်းထဲထည့်ရတယ်။ အဖြစ်အလွန်နည်းပါတယ်။

ဘယ်လိုကုသရမလဲ -
- Antibiotics ပိုးဝင်တာတွေ လိင်ကတဆင့် ကူးစက်ရောဂါတွေ ရှိရင် ပဋိဇီဝဆေးပေးမယ်။
- Antifungal drugs မှိုပိုးဆိုရင် ပေးမယ်။
- Antihistamine = Benzodiazepines (အင်တီ-ဟစ်တမင်း) ဆေးညအချိန်သောက်နိုင်တယ်။
- Hormones ointments သွေးဆုံးသူတွေအတွက် ပေးမယ်။
- Steroid creams or lotions ရောင်ရမ်းတာ သက်သာအောင်ပေးမယ်။ (စတီရွိုက်) လိမ်းဆေး သတိထားသုံးပါ။ တချို့အခြေအနေတွေကို ပိုဆိုးစေနိုင်တယ်။
• Moisturisers (Emollients) ဆေးကို Cream ခရင် Ointment လိမ်းဆေးအနေနဲ့ လာတယ်။ ဘာလို့ ယားတာ ဖြစ်ဖြစ်နေနေ သက်သာစေမယ်။ ဆေးများသွားလို့လဲ ကိစ္စမရှိဘူး။

၁။ Metronidazole (မက်ထရိုနိုက်ဒဇိုးလ်) 500 mg တနေ့ ၂ ကြိမ် ၅-၇ ရက်သောက်ပါ။ လိင်ဆက်ဆံဘက်ကပါ သောက်သင့်တယ်။ (ကွန်ဒွမ်) သုံးပါ။ မဆက်ဆံမီရေဆေးပါ။ ရေကူးကန်မှာရေမကူးပါနဲ့။ အတွင်းခံသူများနဲ့ လဲမဝတ်ပါနဲ့။ ဆေးက ပျို့-အန်တတ်တယ်။ အစားပျက်တယ်။ ဆေးကိုအရက်နဲ့ တွဲမသောက်ရပါ။

၂။ Clotrimazole (Gyne-Lotrimin, Mycelex-7) vaginal tablet မွေးလမ်းထည့်ဆေးညတိုင်း ၆-၇ ရက်ထည့်ပါ။

၃။ Antihistamines (အင်တီ-ဟစ်တမင်း) လိမ်းဆေး၊ Topical anesthetics ထုံဆေးလိမ်းရင် နာတာ၊ ယားတာ သက်သာစေမယ်။

ဘယ်လိုဆင်ခြင်ရမလဲ -
• ယားလို့ ကုပ်ရင် ပိုဆိုးစေတယ်။ အတတ်နိုင်ဆုံးမကုပ်မိအောင် ထိန်းပါ။ (ကော်တွန်) လက်အိတ်သုံးပါ။ လက်သည်း အတိုဖြတ်ပါ။ လက်သည်းနီဆိုးတာ သတိထားပါ။
• အတွင်းခံ (ကော်တွန်) ၁ဝဝ% ခပ်ချောင်ချောင်ကိုသာဝတ်ဆင်ပါ။ အကြပ်တွေ မဝတ်ပါနဲ့။ အတွင်းခံကို နေ့တိုင်း လဲလှယ်ပါ။ စိုထိုင်းတာများရင် တနေ့တခါမကလဲပါ။ နေလို့ရတဲ့ နေရာ-အချိန်တွေမှာ အတွင်းခံမဝတ်ဘဲနေပါ။ လေသလပ်ခံပါ။
• ဆံပင် ခေါင်းလျှော်တာကိုသီးသန့်လုပ်ပါ။ တချို့ ခေါင်းလျှော်ရည်ကကိုယ်နဲ့မသင့်တာဖြစ်နိုင်တယ်။ ဆပ်ပြာ၊ ရေမွှေး၊ ချွေးနံ့ပျောက်ဆေးတွေကကိုယ်နဲ့ သင့်-မသင့် သတိထားပါ။ လိုမယ်ထင်ရင် ပြောင်းသုံးပါ။ မသုံးဘဲနေလို့ရရင် မသုံးပါနဲ့။
• ရေနဲ့ နေ့တိုင်းမိန်းမကိုယ်ကို အသာအယာဆေးကြောပါ။ Feminine hygiene sprays and douches ကရိယာတွေ၊ အသုံးအဆောင်တွေ မသုံးဘဲသာဆေးပါ။ သန့်ရှင်းရေးလုပ်တာမှာ (ထိုင်နေတဲ့ အနေအထားမှာ) လက်ကိုရှေ့ကနေ နောက်ဖက်ဆီသာ တလမ်းသွားလှုတ်ရှားပါ။ ရေကိုအပေါ်ကနေလောင်းချနည်းက စည်ပိုင်းထဲစိမ်ချိုးတာထက် ကောင်းတယ်။ ရေမခြောက်သေးခင် အတွင်းခံမဝတ်ပါနဲ့။
• Vinegar douches ဆိုတဲ့ (ဗဂျိုင်းနား) သန့်အောင်ဆေးကြောနည်းမသင့်ပါ။ မ-အင်္ဂါနေရာ သန့်ရှင်းရေးကို လိုတာထက် မပိုစေနဲ့။ (ဗဂျိုင်းနား) ဟာသူ့အလိုလိုသန့်အောင်ကြိုးစားနိုင်တယ်။ မှိုတွေကစိုထိုင်းပြီး ပူနွေးတာကို ကြိုက်တယ်။
• လိင်ဆက်ဆံတာမှာ အထူးသတိထားပါ။ ပဋိဇီဝဆေးကိုလိုမှသာသုံးပါ။ လိင်ကတဆင့် ကူးစက်တာတွေအတွက် ဆေးသပ်သပ်လိုပါမယ်။ (ကွန်ဒွမ်) မှာ သုက်ပိုးသတ်ဆေးလဲတွဲထားတာဆိုရင် ကိုယ်နဲ့ သင့်-မသင့် ကြည့်ပါ။ ဆီးစပ်မွှေး မရိတ်ပါနဲ့။
• Yogurt (ရောဂတ်) ဒိန်ချဉ် စားသင့်တယ်။ စိတ်ဖိအားများနေရင် လျှော့ချပါ။ ကိုယ်အလေးချိန် များနေရင် ပိန်အောင်လုပ်ပါ။

- Vaginal Discharge မွေးလမ်းကြောင်းမှ အဖြူဆင်းခြင်း http://doctortintswe.blogspot.com/2014/…/vaginal-itching.htm
- Vaginal itching မိန်းမကိုယ်ယားခြင်း http://doctortintswe.blogspot.com/2014/…/vulvovaginitis.html
- Vulvovaginitis အမျိုးသမီးအင်္ဂါရောင်ခြင်း http://doctortintswe.blogspot.com/20…/…/vaginal-itching.html
- Chlamydia (ကလာမိုင်ဒီးယား) အဖြစ်များဆုံး STD http://doctortintswe.blogspot.com/2014/12/chlamydia-std.html
- STDs Basic လိင်မှတဆင့် ကူးစက်သောရောဂါများအခြေခံ http://doctortintswe.blogspot.com/2014/11/stds-basic.html

Dr. တင့်ဆွေ
https://www.facebook.com/pages/Dr-Tint-Swe/490031307758025

Erectile Dysfunction Physiology ပန်းသေ-ပန်းညှိုး ဇီဝကမ္မဗေဒနှင့် ရောဂါဗေဒ


ဒီအကြောင်းကို ရေးထားတာကြာပါပြီ။ (ဘလော့ခ်) မှာသာတင်ထားပြီး၊ (ဖေ့စ်ဘွတ်) မှာမတင်ပါ။ ကနေ့မနက် မေးခွန်း ၂ ခုကို (ကွန်မင့်) နေရာကနေမေးလာတယ်။ တင်ပေးဘို့ဆုံးဖြတ်ပါတယ်။ နားလည်ခွင့်ပြုကြပါလို့ တောင်းပန်ပါတယ်။

၁။ ဆရာမင်္ဂလာပါ။ Erectile dysfunction ကုထုံးအဆင့်ဆ့င်သိပါရစေ။ ပန်းသေ ပာုတ်မပာုတ် ဘယ်လိုသိနိုင်မလဲ ကျေးဇူးပြု၍ဖြေကြားပေးပါ။
၂။ Dear sir I am 40 years old and my penis does not erect when I stimulate with my hand. I am a smoker and I think my penis is a little short and small in this duration. I feel this disease two weeks ago. Please treat my felling.

ပန်းသေ-ပန်းညှိုးကို Erectile Dysfunction နဲ့ Impotence လို့ခေါ်တယ်။ “လိင်ဆက်ဆံမှုပြုနိုင်ဘို့ရာ ကျား-လိင်အင်္ဂါ လုံလောက်အောင် မသန်မာနိုင်တာနဲ့ လိင်ဆက်ဆံရာမှာ အပြည့်အဝမဖြစ်နိုင်တာ” လို့ အဓိပ္ပါယ်ဖွင့်ပါတယ်။ လိင်အင်္ဂါ သန်မာမှုဆိုတာ (ဟိုက်ဒရောလစ်) တံခါးမျိုးလိုဘဲ လိင်တံထဲကို သွေးတွေစီးဝင်လာရာကနေ ဖြစ်လာစေရပါတယ်။

လိင်အင်္ဂါသန်မာဘို့ရာ ဖြစ်စဉ် ၂ ခုရှိပါတယ်။
(၁) Reflex erection ဆိုတာ လိင်အင်္ဂါကို ထိကိုင်တဲ့အခါ တုံ့ပြန်မှု၊ Peripheral nerves အဖျားပိုင်းက အာရုံကြောတွေနဲ့ ခါးဆစ်ထဲက အာရုံကြောတွေကနေ လုပ်ပေးတယ်။ လိင်အင်္ဂါကို ထိကိုင်တာနဲ့ အာရုံကြောစနစ်ကြောင့် Nitric oxide (နိုက်ထရစ်အောက်ဆိုက်) တွေ ထွက်လာစေတယ်။ သူ့ကြောင့် လိင်တံထဲက Corpora cavernosa ထဲမှာရှိတဲ့ Smooth muscles အနုစားကြွက်သားတွေ Relaxation ပျော့ကျယ်လာစေမယ်။

(၂) Psychogenic erection စိတ်ပိုင်းကနေလုပ်ပေးတာ။ Sexual arousal လိင်စိတ်ဖြစ်ပေါ်လာခြင်းကနေ အစပျိုးတယ်။

ကျား-အစိကနေလဲ Testosterone (တက်စတိုစတီရုန်း) ဟော်မုန်း ကိုထုတ်ပေးတယ်။ ဒါ့အပြင် ဦးနှောက်ထဲမှာရှိတဲ့ (ပစ်ကျူထရီ) အိတ်ကလေးကလဲ သူ့အလုပ်သူ ကောင်းကောင်းလုပ်နိုင်ဘို့ လိုသေးတယ်။

ဒါ့ကြောင့် -
1. Hormonal deficiency ဟော်မုန်း နည်းနေရင်၊
2. Disorders of the neural system အာရုံကြော မကောင်းရင်၊
3. Lack of adequate penile blood supply သွေးပို့လွှတ်မှု မကောင်းရင် နဲ့
4. Psychological problems စိတ်အခြေအနေမှာ အားနည်းချက်ရှိရင် ပန်းညှိုး-ပန်းသေ ဖြစ်စေနိုင်တယ်။

ED ရောဂါဟာ တကမ္ဘာလုံးမှာ ဖြစ်ကြတာများတယ်။ အသက် ၆ဝ ကျော်ရင် ၃၅% မှာ ပန်းသေ-ပန်းညှိုး ရှိနေကြတယ်။ ဖြစ်စေနိုင်တဲ့ အကြောင်းခံတွေ အမျိုးမျိုးရှိတယ်။ အသက် ၆ဝ ကျော်သူတွေမှာ ၄ဝ ကျော်တွေထက် ၄ ဆ ပိုဖြစ်တယ်။ နှလုံးသွေးကြောရောဂါ၊ ဆီးချိုရောဂါ၊ ကျောက်ကပ် အလုပ်မလုပ်နိုင်တာ၊ သွေးတိုး၊ ဆေးလိပ်စွဲတာ၊ အရက်စွဲတာ၊ အားကုန်နေတာ၊ လူအဝလွန်တာ၊ (တက်စတိုစတီရုန်း) ဟော်မုန်းနည်းနေတာ၊ (အာဆင်းနိတ်) အဆိပ်သင့်တာ။

ယောက်ျားတွေဟာ Medications ဆေးများများသောက်လေလေ ပန်းသေ-ပန်းညှိုး ဖြစ်နိုင်ခြေ များလေလေဖြစ်တယ်လို့ Kaiser Permanente သုတေသီတွေကနေ British Journal of Urology International မှာရေးသားလိုက်ပါတယ်။ ဖြစ်စေနိုင်တာသာမကဘူး ဖြစ်နေရင်လဲ ပိုဆိုးစေနိုင်ပါသေးတယ်။ California Men's Health Study ကနေ Diana C. Londoño က ဦးဆောင်ပြီး၊ ၄၆ နှစ်ကနေ ၆၈ နှစ်ကြားအရွယ်ရှိတဲ့ အတန်းအစားပေါင်းစုံက ယောက်ျားပေါင်း ၃၇၇၁၂ ယောက်ကို ၂ဝဝ၂ ကနေ ၂ဝဝ၃ ကြားမှာ သူတို့သောက်ခဲ့တဲ့ ဆေးမှတ်တမ်းတွေကို စုဆောင်းပါတယ်။ အဓိကဆေး ၃ မျိုးဖြစ်ပါတယ်။

ဆေးဝါးကြောင့်ဖြစ်တာတွေထဲမှာ SSRIs စိတ်မကျဆေးတွေ၊ Nicotine (နီကိုတင်း) နဲ့ မူးယစ်ဆေးတွေက အများဆုံး ဖြစ်တယ်။ ခါးရိုးဆစ် ထိခိုက်တာ၊ ဦးနှောက်ထိခိုက်တာ၊ (ပါကင်ဆန်) ရောဂါ၊ (အယ်လ်ဇိုင်းမား) ရောဂါ၊ (မာလ်တီပယ်-စကယ်လရိုးဆစ်) ရောဂါ နဲ့ (စထုပ်ခ်) ရောဂါ၊ Peyronie's disease ရောဂါတွေ ရှိနေတာ။ အူမကြီး၊ ဆီးကျိတ်၊ ဆီးအိမ်၊ အစာဟောင်းအိမ်တွေမှာ ခွဲစိတ်တာ၊ ဓါတ်ကင်တာ၊ စိတ်အခြေခံတွေကတော့ လက်တွေ့စိုးရိမ်စိတ်၊ စိတ်ဖိအား များခြင်း၊ တကယ့်စိတ်ကျရောဂါ၊ (စကစ်ဇိုဖရီးနီးယား)၊ ဆေးစွဲခြင်း၊ (ပင်းနစ်) ထိန်းမနိုင်-သိမ်းမရ စိတ်ရောဂါ၊ စိတ်ကျခြင်း၊ (ပါဇင်နယ်လ်တီ) တကိုယ်ရေစိတ်ရောဂါ၊ အဆိုးမြင်စိတ်တွေ၊ ၂ဝဝ၂ သုတေသနတခုအရ စက်ဘီးစီးတာနဲ့လဲ ဆက်စပ်မှုရှိတယ်။ ၂ဝ၁၁ သုတေသနတခုအရ NSAIDs အကိုက်အခဲပျောက်ဆေးတွေကို တနေ့ ၃ ကြိမ်၊ ၃ လမက သောက်သူတွေဟာ ၂၂% ပိုဖြစ်တာ တွေ့ရတယ်။

ဆေးစစ်နည်းတွေ -
• Hypogonadism, Prolactinoma, Coronary artery disease and Peripheral vascular disease နဲ့ Diabetes ရောဂါတွေရှိ-မရှိ စစ်ရမယ်။
• Duplex ultrasound ရိုက်ရင် သွေးစီးလျှောက်မှုကို သိနိုင်တယ်။
• Penile nerves function စမ်းသပ်နည်း၊
• Nocturnal penile tumescence (NPT) နည်း၊
• ယောက်ျားတယောက်ဟာ အိပ်နေတုံး (REM) အဆင့်အတွင်းမှာ လိင်သန်မာမှု ၅-၆ ကြိမ်ဖြစ်တာ ပုံမှန်ပါ။ အဲလိုမဖြစ်ရင် Nerve function နဲ့ Blood supply တွေ ချို့ယွင်းနေမယ်။ Snap gauge နဲ့ Strain gauge ကရိယာတွေနဲ့ တိုင်းတာ စစ်ဆေးနိုင်တယ်။
- Penile biothesiometry စမ်းသပ်နည်း၊
- Dynamic infusion cavernosometry (DICC) နည်း၊
- Corpus cavernosometry နည်း၊
- Magnetic resonance angiography (MRA) နည်း။

ဘာလို့ဖြစ်သလဲအပေါ်မူတည်ပြီး ကုသရတယ်။
• (အာဆင်းနိတ်) အဆိပ်သင့်သူတွေမှာ Potassium (ပိုတက်ဆီယန်) ဓါတ်ဆား နည်းနေတာကို ပြင်ပေးရတယ်။
• Alprostadil penis suppository ဆေးကို ဆီးသွားပြွန်ထဲ ထည့်ပေးရတယ်။
• Papaverine, Phentolamine, Prostaglandin E1 ဆေးကို လိင်အင်္ဂါမှာ ကိုယ့်ဖါသာ ထိုးရတယ်။ Alprostadil (Alprostadil, Caverject Impulse, Edex) ဆေးတွေ၊
• Penile prosthesis လိင်အင်္ဂါအတု တပ်မယ်၊
• Penis pumps (Vacuum constriction device) (ပန့်ပ်) ကရိယာသုံးမယ်၊ (ရေးထားပါတယ်။)
• Vascular reconstructive surgery ခွဲစိတ်ကုသနည်။
• Testosterone replacement (တက်စတိုစတီရုန်း) ဟော်မုန်းပေးခြင်း၊ (ရေးထားပါတယ်။)
• Alprostadil (Vitaros) cream လိမ်းဆေးလဲ ကနေဒါမှာ ခွင့်ပြုချက်ရထားတယ်။

(တက်စတိုစတီရုန်း) ဟော်မုန်းနည်းနေသူဟာ လိင်စိတ်လာတာ နည်းနေမယ်၊ နေမကောင်းထိုင်မသာဖြစ်နေမယ်၊ စိတ်ဓါတ် ကျနေမယ်၊ အာရုံစိုက်ရတာ မှတ်သားရတာ အားနည်းနေမယ်၊ ကိုယ်ခန္ဓာလဲ ပိန်လှီနေမယ်၊ (ကိုလက်စထော) အလုပ်မမှန်ဖြစ်နေမယ်၊ သွေးအားနည်းနေမယ်၊ အရိုးအားနည်းနေမယ်၊ ကိုယ်မွှေးပေါက်တာ ပါးနေမယ်၊ (တက်စတိုစတီရုန်း) နည်း-မနည်း သွေးစစ်ရင်သိမယ်။ မနက်ခင်းမှာ စမ်းတာပိုကောင်းတယ်။ နည်းနေသူတွေကို
- Testosterone IM ၂-၃ ပါတ်တခါ ထိုးနိုင်တယ်။
- Testosterone patches ကပ်ခွါကပ်ထားနိုင်တယ်။ တနေ့တခါ ကပ်ရတယ်။ နေရာပြောင်းပြီးကပ်နိုင်တယ်။ သောက်ဆေး မရှိသေးပါ။ ရှိရင်လဲ အသဲကို ပိုထိခိုက်စေနိုင်တယ်။
- Testosterone ဆေးပေးရင် Prostate ဆီးကျိတ်ကိုကြီးစေတယ်။ Prostate cancer ဆီးကျိတ်-ကင်ဆာ ရှိရင် မသင့်ဘူး။

Testosterone ဆေးရဲ့ ဘေးထွက်-ဆိုးကျိုးတွေ = အဆီပြန်မယ်၊ ဝက်ခြံပေါက်မယ်၊ ကိုယ်ရောင်မယ်၊ ရင်သားထွားမယ်၊ အိပ်ရေးပျက်မယ်၊ ကျား-အစေ့ သေးသွားနိုင်တယ်၊ ကိုလက်စထော အနည်း-အများပြောင်းမယ်၊ သွေးနီဥများမယ်၊ သုက်ပိုးနည်းစေပြီး ကလေးမရဖြစ်စေနိုင်တယ်၊

ရောဂါအခံတွေလဲမရှိ၊ ပြောခဲ့တာတွေကိုလဲ ပြင်လို့မှ မရသေးရင် Psychological counseling (Stress, Anxiety or Depression) စိတ်ပိုင်းဆိုင်ရာ ကုသမှုခံယူပါ။ သက်သာ-ကောင်းမွန်-ပျောက်ကင်းစေမှာ အမှန်ပါ။

ဆရာဝန်မလိုဘဲ ပျောက်ကင်းနိုင်တာတွေလဲ ရှိပါတယ်။
- လိင်ဆက်ဆံတာကို လိုတာထက်ပိုပြီး စိတ်လှုပ်ရှားနေတာ ပြင်ပါ။
- အလုပ်-မိသားစုအတွင်း စိတ်အခန့်မသင့် ဖြစ်နေတာ ပြင်ပါ။
- ကိုယ့်ဇနီး-မိန်ကလေးနဲ့ ဆက်ဆံရေး ကျဲနေတာ ပြင်ပါ။
- ကိုယ့်ကိုယ်ကို လိင်ကိစ္စမှာ ယုံကြည်မှု မနည်းသင့်ဘဲ နည်းနေတာ ပြင်ပါ။
- ကိုယ့်မိန်းကလေးဖေါ်ကနေ အနုတ်သဘော ပြောတာကို ပြောင်းစေပါ။ မေ့ထားလိုက်ပါ။
- လူနေမှုဘဝ ပုံစံပောင်းသင့်ရင် ပြောင်းပါ။ ဥပမာ Smoking ဆေးလိပ်၊ အရက်ဖြတ်ပါ၊ ကိုယ်အလေးချိန်လျှော့ချပါ၊ (အေရိုးဘစ်) လေ့ကျင့်ခန်းလုပ်တာ ပိုကောင်းစေမယ်။

တခြားနည်းတွေရှိပေမဲ့ FDA ကနေ အသိအမှတ်ပြုပေးမထားပါ။
- Acupuncture အပ်စိုက်နည်း၊
- Korean red ginseng (Panax ginseng) ကိုရီးယား (ဂျန်ဆင်း)၊
- Yohimbine (ယိုဟင်ဘီးန်)၊
- DHEA (dehydroepiandrosterone) (ဒီအိတ်ခ်ျအီးအေ)၊
- Ginkgo (ဂျင်ဂို)၊
- L-arginine (အယ်လ်-အာဂျနင်း)၊
- Herbal Viagra ဟာဘယ် ဗိုင်ယာဂရာ၊

Dr. တင့်ဆွေ
https://www.facebook.com/pages/Dr-Tint-Swe/490031307758025

ဝနေလို့  ပိန်ချင်သူတွေအတွက် အကောင်းဆုံး နံနက်စာ


(၁) ဂျုံကြမ်းဖြင့် ပြုလုပ်ထားသော ပေါင်မုန့်
ဂျုံကြမ်းနဲ့ ပြုလုပ်ထားတဲ့ ပေါင်မုန့်တွေမှာ အမျှင်ဓာတ်များစွာ ပါဝင်တဲ့အတွက် သင့်ကို တာရှည်စွာ အဆာခံနိုင်တယ်လို့ ဆွီဒင်မှ သုတေသနပြုသူတွေက ဆိုပါတယ်။ ဂျုံကြမ်းနဲ့ ပြုလုပ်ထားတဲ့ ပေါင်မုန့်ကို နံနက်စာ အဖြစ်စားသူတွေဟာ ဂျုံနုနဲ့ လုပ်ထားတဲ့ ပေါင်မုန့်စားသူတွေထက် ၃ နာရီ ပိုပြီး အဆာခံနိုင်ကာ အကျိုး သက်ရောက်မှုဟာ နေ့ခင်းအထိတောင် တာရှည်နိုင်တယ်လို့ ဆိုပါတယ်။

(၂) နွားနို့
အဆီမပါတဲ့ နွားနို့ကို နံနက်စာအဖြစ် စားသုံးသူတွေဟာ နေ့လယ်စာမှာ အစာ စားတဲ့ ပမာဏကို လျှော့ချနိုင်ပါတယ်။ သြစတြေးလျတက္ကသိုလ်မှ သုတေသန ပြုသူတွေက နံနက်စာကို နွားနို့ သောက်သူတွေဟာ အချိုရည် သောက်သူတွေထက် ပိုမို ဗိုက်ပြည့်တင်းမှု ရစေပြီး နေ့ခင်းအစာစားချိန်မှာ ၂၀၀ ကယ်လိုရီလောက် လျှော့စားဖြစ်တယ်လို့ တွေ့ရှိခဲ့ပါတယ်။

(၃) ကြက်ဥ
အစားလျှော့စားသူတွေအဖို့ နံနက်စာကို ကြက်ဥစားသုံးရင် ကိုယ်အလေးချိန် ပိုလျော့နိုင်တယ်လို့ US မှ လေ့လာမှုအရ သိရပါတယ်။ နံနက်စာကို ကြက်ဥ နှစ်လုံးနဲ့ စတင်သူတွေဟာ ကိုယ်အလေးချိန် ၆၅ ရာခိုင်နှုန်း ပိုလျော့ပြီး BMI ၆၁ ရာခိုင်နှုန်း ပိုကျကာ စွမ်းအင်အဆင့်တွေ ပိုကောင်းတယ်လို့ ဆိုပါတယ်။Health

Mg Mandalay
https://www.facebook.com/mg.mandalay?fref=ts

နံနက်စာအဖြစ် စားသုံးရန် အသင့်လျော်ဆုံး အာဟာရ (၅) မျိုး


(၁) ဥအမျိုးမျိုး

ဥအမျိုးမျိုးဟာ ပရိုတင်းဓာတ် ကြွယ်ဝရုံ သာမက မနက်ခင်းတွင် စားသုံးထားပါက တစ်မနက်လုံး ဗိုက်ဝနေစေ၍ အခြားလိုအပ်သော အာဟာရ များနှင့်လည်း ပြည့်စုံ နေပါတယ်။

(၂)အုတ်စပါး(Oatmeal)

အုတ်စပါးကတော့ နေ့သစ်တစ်ခုစတင်ဖို့ အကောင်းဆုံး အစာတစ်ခု ဖြစ်သလို သင့်ရဲ့ အစာအိမ်ကိုလည်း အလုပ် ခဏခဏ လုပ်စေခြင်းမှ ကာကွယ်ပေး နိုင်ပါတယ်။ ဒါ့အပြင် အုတ်စပါး ဆန်ပြုတ်ထံမှာ အမျှင်ဓာတ်များစွာ ပါဝင်ပြီး သွေးတွင်း အဆီနဲ့ သကြား ဓာတ်ကို ထိန်းချုပ် ပေးနိုင်ပါတယ်။ ထို့ထက်သာမက အုတ်စပါးထဲတွင် ဓာတ်တိုး ဆန့်ကျင်ပစ္စည်း (anti oxidant) များစွာ ပါဝင်ပြီး ရောင်ရမ်းမှု တွေကိုလည်း သက်သာ စေပါတယ်။

(၃)လက်ဖက်ရည်ကြမ်း

(Green tea)- Green tea သောက်သုံးခြင်းက နှလုံးရောဂါ ဖြစ်ပွားမှုကို သိသာစွာ လျော့နည်းစေရုံ သာမက ယင်းတွင် ပါဝင်သော ဓာတ်တိုးဆန့်ကျင် ပစ္စည်းက ရင်သား ကင်ဆာ၊ အူမကြီးကင်ဆာ၊ အရေပြား ကင်ဆာစသည့် ကင်ဆာအမျိုးမျိုး ဖြစ်ပွားမှုအား လျော့နည်းစေသည်။ ထို့ပြင် green tea တွင် ပါဝင်သော Polyphenols နှင့် Flavonoids တို့က ခုခံအားစနစ်ကို မြင့်တက်စေပြီး ဆီးချို ထိန်းသိမ်းရာ၌လည်း ကူညီပေးကြောင်း သိရသည်။

(၄)ဒိန်ချဉ်

ဒိန်ချဉ်တွင် ကယ်ဆီယမ်များစွာ ပါဝင်ပြီး အရိုးနှင့်သွား များကို ခိုင်ခံ့စေသည်။ ထို့ပြင် ဒိန်ချဉ်က အစာအိမ်ကို ကူညီနိုင်ပြီး အစာအိမ်အချဉ်ဖောက်ခြင်း၊ အစာ အဆိပ်သင့်ခြင်း၊ အစာမကြေခြင်း တို့အား သက်သာ စေသည်။ ထို့ပြင် အရေပြားအား နူးညံ့ချောမွတ်စေ၍ အပေါ်ယံလွှာရှိ ဆဲလ်အသေများကို ကွာကျ စေနိုင်သည်။

(၅)အသီးများ

ပန်းသီး၊ ဖရဲသီး၊ လိမ္မော်သီး၊ ငှက်ပျောသီး၊ ဘယ်ရီ သီးစတဲ့အသီး အမျိုးမျိုး စားခြင်းက သင့်ကို နောက်တစ်ကြိမ် အစာမစားမီ အချိန်ထိ လိုအပ်သောစွမ်းအင် ပမာဏကို မပိုမလို တိကျစွာ ထောက်ပံ့ ပေးနိုင်ကြောင်း သိရသည်။

မိုင်ကိ

Health Updates Journal

Allergic Rhinitis အလာဂျီ နှာခေါင်း


ဆရာ ဆရာလေးနှာခေါင်းက ပူလဲချီ အေးရင်လဲချီ ဖြစ်ပြီး နှာခေါင်ထိပ်ကလေးတွေလဲ ယားပါတယ်။ ပါးစပ်နဲ့ နှာခေါင်းစပ်တဲနေရာကနေလဲအနံ့ထွက်ပါတယ်။ ဘယ်လိုဆေးစားရမလဲ စိုးရိမ်ရပါသလား။

ဒွါရခြောက်ပေါက်နဲ့ အာရုံခြောက်ပါး၊ ကာမဂုဏ်တရားတွေထဲက နှာခေါင်းက ဂန္ဓာရုံဆိုတဲ့ အနံ့တွေကိုပြတဲ့ လက္ခဏာလို့ ဆိုပါတယ်။ ဆေးပညာမှာတော့ နှာခေါင်းက ဖြစ်စေတဲ့ ရောဂါတွေထဲမှာ အနံ့ကို ကောင်းကောင်းမသိတာ ရောဂါဖြစ်သလို၊ အနံ့မတည့်တာလဲ ရောဂါဘဲ။

ဆေးပညာကို နည်းနည်းလောက် တီးမိခေါက်မိသူတိုင်း မတည့်တာ (အလာဂျီ) လို့ သိကြတယ်။ ယားတာ၊ အရေပြားမှာ နီရဲလာတာမျိုးကို (အလာဂျီ) လို့ ခေါ်လေ့ရှိတယ်။ ဒါက အခြေခံလက္ခဏာ အမှန်ပါဘဲ။ မေးတဲ့သူက နှာခေါင်းမှာ လက္ခဏာတွေ ပေါ်နေတာမို့ Allergic rhinitis အလာဂျီ နှာခေါင်းရောင်ခြင်းလို့ ဆေးစာကခေါ်တယ်။ Pollenosis နဲ့ Hay fever လို့လဲ ခေါ်သေးတယ်။ Pollen ခေါ်တဲ့ ဝတ်မှုန်ဝတ်ဆံ ခေါ်တဲ့ ဖုံမှုံ့တွေကြောင့်ဖြစ်ရလို့ ခေါ်တာပါ။

(အလာဂျီ) ဖြစ်စေတေဲ့ အရာကို (အလာဂျင်) ခေါ်တယ်။ ဒါမျိုးတခုခု ကိုယ်ထဲဝင်လာရင် ခန္ဓာကိုယ်ကနေ ခုခံအားအတွက် (အင်တီဘော်ဒီ) ဆိုတာ ထွက်လာစေတယ်။ ဆေးစာတွေ ရေးပြနေတာ စိတ်မရှုတ်ပါနဲ့။ ဆေးကို ပြောတဲ့အခါ ပိုနားလည် လွယ်စေချင်လို့ပါ။ (အင်တီဘော်ဒီ) ကနေ (မတ်စ်-ဆဲလ်) ဆိုတဲ့ သွေးဖြူဥကို သွားပေါင်းလိုက်တဲ့အခါ (ဟစ်တမင်း) ဆိုတဲ့ ဓါတ် ထွက်လာစေတယ်။ (ဟစ်တမင်း) ကြောင့် ယားတာ၊ ရဲတာ၊ ရောင်တာတွေ ဖြစ်လာရတယ်။ ဖြစ်တာ တခါနဲ့ တခါ မတူတတ်ပါ။ အဖုအပိန့်တွေ ထွက်မယ်။ တချို့မှာ မျက်ခွံရောင်မယ်။ နားအပြင် နှာခေါင်းမှာပါလာဖြစ်တယ်။ အစားနဲ့ မတည့်သူဆိုရင် လည်ချောင်းမှာလာဖြစ်လို့ နှာချေပြီး၊ ယားတာ၊ ရောင်တာဖြစ်လာမယ်။

ဗိုင်းရပ်စ်ကြောင့်ဖြစ်တာနဲ့ ဆင်တူပေမဲ့ ဒီဟာပိုကြာရှည်ပြီး ဥတုရာသီလိုက် ဖြစ်တတ်တယ်။ အတော်လည်း အဖြစ်များတယ်။ မျိုးနဲ့ရိုးနဲ့လဲ ဖြစ်တတ်တယ်။ ပါတ်ဝန်းကျင်နဲ့ မသင့်တာလည်းပါတာပေါ့။ အမျိုးအစား ၂ မျိုးခွဲနိုင်တယ်။ ဥတုကြောင့်ဖြစ်တာနဲ့ ဥတုမရွေးဖြစ်တာ။ ကံဆိုးသူတွေမှာ နှစ်မျိုးလုံး တွဲနေတတ်သေးတယ်။ တချို့ဆိုရင် နာတာရှည် ရောဂါအနာနဲ့ပါ တွဲနေတတ်တယ်။ ဥပမာ နှင်းခူနာ၊ ပန်းနာ၊ (မိုင်ဂရင်း)၊ စိတ်ကျရောဂါ။

ဆေးအမျိုးအစား (၃) မျိုး အားကိုးနိုင်ပါတယ်။ Antihistamines (အင်တီ-ဟစ်တမင်း)၊ Steroids (စတီရွိုက်)၊ Decongestants (ဒီကွန်ဂျက်စ်တင့်) ဆေး။ ၃ မျိုးလုံး လိုနိုင်တယ်။ အိမ်မှာသုံး၊ ခရီးသွား ဆောင်ထားဘို့အတွက် ဆေးတွေနဲ့ အရေးပေါ်ဖြစ်လို့ ကုပေးရတဲ့ ဆေးတွေလည်းရှိတယ်။ ဗမာပြည်မှာ (Chlorpheniramine) Burmeton (ဘာမီတွန်) စားဆေး၊ ထိုးဆေး လူတိုင်းလိုလိုသိတယ်။ အိပ်ချင်စေတယ်။ နောက်ပေါ် Cetirizine ကို ဆောင်ထားပါ။ 5 mg, 10 mg ဆိုပြီးလာတယ်။ တနေ့ ၁ ပြားရတယ်။ ကလေးဆို အလေးချိန်အလိုက် တဝက်၊ လေးပုံတပုံပေးပါ။ ဒီဆေးက သိပ်မအိပ်ချင်ဘူး၊ ပိုထိရောက်တယ်။

(အင်တီ-ဟစ်တမင်း) ဆေးဆိုတာ ခန္ဓာကိုယ်ကနေ သူနဲ့မတည့်တာကို တုံ့ပြန်လို့ဖြစ်ရတဲ့ လက္ခဏာတွေကို ပြောင်းပြန် ဖြစ်အောက် လုပ်ပေးတာမို့၊ ခန္ဓာကိုယ်အလိုကို ဆန့်ကျင်စေတာ ဖြစ်နေတယ်။ အကြာကြီး သောက်ရတာ ဘေးထွက်-ဆိုးကျိုးတွေ များစေမယ်။

(ကော်တီဇုံး = စတီရွိုက်) ဆေးကိုတော့ အလွယ်မသုံးသင့်ဘူး။ ချက်ချင်းဆိုသလို သက်သာမယ်။ ဒါပေမဲ့ သူပါမှ ရမှာမျိုးကိုတော့ မပေးလို့မဖြစ်ဘူး။ နှာခေါင်း၊ မျက်စိ၊ အရေပြားမှာဖြစ်တာတွေအတွက် လိမ်းဆေး၊ ထည့်ဆေးတွေရှိတယ်။ တကိုယ်လုံးကို သက်ရောက်စေချင်ရင် စားဆေးပေးတယ်။ (ကော်တီဇုံး) ထဲက အများဆုံး ပေးတတ်ပြီး ဝယ်လို့လည်း လွယ်တာက Prednisolone ဖြစ်တယ်။ များသောအားဖြင့် ၅ မီလီရမ် ဆေးပြား။ အရမ်းတော့ မသောက်ရပါ။ (အင်တီ-ဟစ်တမင်း) ဆေးတွေပေးနေရင်း မသက်သာမှ တွဲပေးတယ်။ ပေးရင်လဲ ဆေးကို များများပေးရာကနေ တဖြည်းဖြည်း လျှော့လျှော့ပေးရတယ်။

Spray ပန်းဆေးတွေကလည်း (အင်တီ-ဟစ်တမင်း)၊ (စတီရွိုက်)၊ ဆားရည်၊ (ဒီကွန်ဂျက်စတင့်) အမျိုးမျိုး ရှိတယ်။ (ဒီကွန်ဂျက်စတင့်) ဆိုတာက (အလာဂျင်) ကြောင့် သွေးကြောလေးတွေ ကျဉ်းနေလို့ သွေးတွေ ဖေါင်းများနေတာကို လျှော့အောင် လုပ်ပေးတဲ့ဆေးပါ။ မျက်စဉ်း၊ နှာခေါင်းထဲ ပန်းဆေးတွေလည်းရှိတယ်။ သွေးတိုး ရှိရင် သတိထားရတယ်။ (အင်တီ-ဟစ်တမင်း) နဲ့ ပြောင်းပြန်ဖြစ်တာက အအိပ်ပျက်စေတတ်တယ်။

(အလာဂျီ) ရတာနဲ့ တဆက်တည်းဖြစ်လာရတဲ့ Nasal polyps နှာခါင်းထဲမှာ အလုံးဖြစ်တာ Sinuses (ဆိုင်းနပ်စ်) ဖြစ်တာ ရှိနေရင် သူ့ကိုပါ ကုရပါလိမ့်မယ်။ မတည့်တာကိုသိလို့၊ ဒါကို ယဉ်ပါးအောင်လုပ်တဲ့ အင်မတန် ကရိကထများတဲ့ Desensitization နည်းလည်း လုပ်နိုင်ပါတယ်။

ဆေးကုရတာရဲ့ရည်ရွယ်ချက်က ရောဂါရဲ့လက္ခဏာတွေ သက်သာအောင်က များပါတယ်။ အမှန်က မဖြစ်အောင်လုပ်မှ မဖြစ်မှာ မဟုတ်လား။ မဖြစ်အောင်က ဖြစ်စေတာကို ရှောင်ရမယ်။ “ပြောတော့လွယ်၊ လုပ်တာခက်” ဆိုတဲ့ အစားထဲ ပါတယ်။ အခုနေတဲ့ နေရာ၊ ပတ်ဝန်းကျင်ကနေ ပြောင်းနေတာမျိုး၊ လက်ရှိ အလုပ်ကနေ ပြောင်းလုပ်တာမျိုး။ မိသားစုလိုက် ဖြစ်နေတာကို သူတို့နေအိမ်မှာ သူတို့နဲ့ မတည့်တဲ့ အရာတခုခု ခိုအောင်းနေတာမို့ အိမ်ပြောင်းနိုင်ရင် ပြောင်းရမယ်။ အိမ်သန့်ရှင်းရေးကို အမှုံအမွှားတွေ ထွက်စေပြီးသကာလ နေရောင်နဲ့ လေသန့် ဝင်အောင် စီမံသင့်တယ်။ နှာခေါင်းစည်း သုံးတာမျိုး။ တယောက်က ဖြစ်နေရင် သီးသန့် နေစေတာမျိုး။

Antihistamines ဆေးတွေဟာ ခဏသာ သက်သာစေပေမဲ့ မြန်မြန် သက်သာစေပါတယ်။
• Brompheniramine or Chlorpheniramine 4 mg ကို ၆-၈ နာရီတခါသောက်ပါ။
• Clemastine 1.34–2.68 mg တနေ့ ၂ ကြိမ်၊
• Loratadine 10 mg တနေ့ ၁ ကြိမ်၊
• Cetirizine 10 mg တနေ့ ၁ ကြိမ်၊ နဲနဲသာအိပ်ချင်၊
• Fexofenadine 60 mg တနေ့ ၁-၂ ကြိမ်၊ မအိပ်ချင်၊
• Desloratadine 5 mg တနေ့ ၁ ကြိမ်၊ နဲနဲသာအိပ်ချင်၊
• Ebastine 10–20 mg တနေ့ ၁ ကြိမ်၊
• Misolastine 10 mg တနေ့ ၁ ကြိမ်။

နှာခေါင်းထဲ ပန်းရတဲ့ဆေးက ပိုထိရောက်တယ်။
• Levocabastine 0.2 mg တနေ့ ၂ ကြိမ်၊ + Azelastine နှာခေါင်းတဖက်မှာ 1.1 mg/d နှာခေါင်းထဲ ၂ ခါပန်းရတဲ့ဆေး။
• Beclomethasone 42 mcg/spray တနေ့ ၂ ကြိမ်၊
• Flunisolide 25 mcg/spray တနေ့ ၂ ကြိမ်၊
• Mometasone furoate 200 mcg တနေ့ ၁ ကြိမ်၊
• Budesonide 100 mcg တနေ့ ၂ ကြိမ်၊
• Fluticasone propionate 200 mcg တနေ့ ၁ ကြိမ်၊
• Montelukast 10 mg တနေ့ ၁ ကြိမ်၊ သူ့ချည်းဖြစ်ဖြစ် Cetirizine 10 mg (သို့) Loratadine 10 mg နဲ့ဖြစ်ဖြစ် တွဲပါ။
• Brompheniramine (dimetane) 4mg ၄-၆ နာရီခြား၊
• Clemestine (travegyl) 0.5mg ၁၂ နာရီခြား၊
• Diphenhydramine (benadryl) 25-50mg ၄-၆ နာရီခြား။
• Cetirizine(zyrtec) 10 mg တနေ့ ၁ ကြိမ်၊
• Loratadine (Clarityne) 10 mg တနေ့ ၁ ကြိမ်၊
• Fexofenaline (Telfast) 60mg တနေ့ ၂ ကြိမ်၊ 120 mg တနေ့ ၁ ကြိမ်၊
• Pseudoephedrine (Maxiphed) 30-60 mg ၄-၆ နာရီခြား၊
• Tripolidine/Pseudoephedine (Actifed) ၃ ကြိမ်သေက်ပါ။

နှာခေါင်းထဲထည့် နှာရည်ယိုသက်သာဆေးတွေ
Oxymetazoline (Afrin, Sinarest) ၁-၂ စက်၊ ၄ နာရီ ၁ ခါ။
Tymazoline (Pernazine) ၂-၃ စက်၊ ၄ နာရီတခါ။
နှာခေါင်းထဲထည့်ရတဲ့ (အင်တီ-ဟစ်တမင်း) ဆေးတွေ
Azelastine (Azep) တခါသုံး ၂ ချက်ပန်း၊ တနေ့ ၂ ခါ။
Levocabastine (Livostin) တခါသုံး ၂ ချက်ပန်း၊ တနေ့ ၂ ခါထည့်ပါ။

နှာခေါင်းထဲထည့်ရတဲ့ စတီရွိုက်ဆေးတွေ
Beclomethasone aqueous (Beconase AQ) တခါသုံး ၂-၄ ချက်ပန်း၊ တနေ့ ၂-၄ ခါ။
Busesonide aqueous (Rhinocorts) တခါသုံး ၂-၄ ချက်ပန်း၊ တနေ့ ၁-၂ ခါ။
Fluticasone aqueous (Flixonase) တခါသုံး ၁-၂ ချက်ပန်း၊ တနေ့ ၁ ခါ။
Triamcinolone aqueous (Nasacort, Nasacort aq) တခါသုံး ၂ ချက်ပန်း၊ တနေ့ ၁ ခါ။
Mometasome aqueous (Nasonex) တခါသုံး ၂ ချက်ပန်း၊ တနေ့ ၁ ခါ။ 2
Cromolyns sodium တခါသုံး ၁ ချက်ပန်း၊ တနေ့ ၂-၆ ခါ။
Ipratropium bromide (Atrovent) (0.03%) တခါသုံး ၂ ချက်ပန်း၊ တနေ့ ၂-၃ ခါထည့်ပါ။

“မချစ်ခင်-မနှစ်သက်သူနှင့် အတူနေရခြင်းဆင်းရဲမှု” က လွန်မြောက်နိုင်ကြပါစေ။

ဒေါက်တာတင့်ဆွေ
https://www.facebook.com/pages/Dr-Tint-Swe/490031307758025?fref=nf

Medicines for High Blood Pressure သွေးတိုးဆေးများ


ဆရာရှင့် လူနာတယောက်တည်းကိုပဲ antihypertensive ဆေး ၃ မျိုးပေးထားတာတွေ့ရပါတယ်။
- Nifedipine 30mg 1 tab two times a day
- Amlodipine 10mg 1/2 tab every morning
- Losartan 50mg 1tab every morning
ဆေးတခုစီရဲ့ကွဲပြားမှုကိုသိချင်ပါတယ်။ ဆေးရဲ့actionကတူပါလျှက်ဘာကြောင့် ၃မျိုးပေးရတာဆိုတဲ့အကြောင်းရင်းကိုလဲ သိချင်ပါတယ်။ ခန္ဓာကိုယ်ရဲ့ internal organs တွေမှာလဲဆေးတခုစီမှာ action ရှိတယ်လို့ ပြောပါတယ်။ ကျောက်ကပ် နဲ့ နှလုံးရယ်စသည်ဖြင့်ဆိုပြီး ဆရာဝန်ကသေချာမရှင်းပြခဲ့ပါဘူး။ သမီးက ပြည့်ပြည့်စုံစုံလေးသိချင်ပါတယ်။ လူနာက အမျိုးသမီး၊ အသက် ၇၈။

၁။ Nifedipine ဆေးက calcium channel blockers အမျိုးအစား သွေးကျဆေးဖြစ်တယ်။ နှလုံးနဲ့ သွေးကြေ တွေကိ ကျယ်လာစေတယ်။
ဘေးထွက်တိုးကျိုးတွေ = ခေါင်းမူး၊ မျက်နှာနီမြန်း၊ အားနည်း၊ ရင်ပူ၊ ပျို့၊ လက်တုံ၊ ကြွက်တက်၊ ချောင်းဆိုး၊ လည်ချောင်းနာ၊ နှာခေါင်းပိတ်။

၂။ Amlodipine ဆေးက calcium channel blockers အမျိုးအစား သွေးကျဆေးဖြစ်တယ်။ သွေးကြောတွေကျယ်စေပြီး သွေးပိုစီးလျှောက်စေတယ်။ သွေးတိုး + ရင်ပတ်နာနှလုံးရောဂါအတွက်ပေးတယ်။
ဘေးထွက်တိုးကျိုးတွေ = ခြေထောက်ယောင်၊ ခေါင်းမူး၊ နှလုံးခန်မမှန်၊ နွေးနေသလိုခံစား၊ မျက်နှာနီ၊ အသက်ရှူမဝ၊ ရင်ကြပ်၊ သွားဖုံးသွေးယို၊ ဆီး-ဝမ်းထဲသွေးပါ၊ မျက်စိကြည့်မကောင်း၊ ချမ်း၊ ချွေးစီးထွက်၊ စိတ်မကြည်လင်၊ ချောင်းဆိုး၊

၃။ Losartan (Cozaar) ဆေးဟာ angiotensin II receptor antagonists အမျိုးအစား သွေးကျဆေးဖြစ်တယ်။ သွေးကြောကျဉ်းမှာကို တားပေးတယ်။ သွေးတိုး + ဆထုပ်ကိုကွာဘို့သုံးတယ်။
ဘေးထွက်တိုးကျိုးတွေ = စိုးရိမ်စိတ်၊ ဆီးအိမ်နာ၊ ဆီးထဲသွေးပါ၊ မျက်စိကြည့်မကောင်း၊ သတိလစ်၊ စိတ်ရှုတ်ထွေး၊ အရေပြားအေး၊ စိတ်ကျ၊ အသက်ရှူခက်၊ ခေါင်းမူး၊ ခေါင်ူကိုက်၊ ဆာလောင်၊ အိပ်မက်ဆိုး၊ ပျို့-အန်၊

သွေးကျဆေးတိုင်းမှာ ဘေးထွက်ဆိုးကျိုးတွေရှိတယ်။ ဘေးထွက်ဆိုးကျိုးတွေကြောင့် ဆေးမသောက်ပဲမနေသင့်။ သွေးကျဆေး ကို ၂-၃ မျိုးတွဲပေးနိုင်တယ်။ လိုအပ်ရင် ဆေးပြောင်းပေးတယ်။ အတိုး-အလျှော့လုပ်ပေးတယ်။

Hypertension (1) သွေးတိုးရောဂါ (၁) http://doctortintswe.blogspot.com/2014/…/hypertension-1.html
Hypertension (2) သွေးတိုးရောဂါ (၂) http://dts-medicaleducation.blogspot.in/…/06/hypertension.h…

ဒေါက်တာတင့်ဆွေ
၂၆-၁၂-၂ဝ၁၄
https://www.facebook.com/pages/Dr-Tint-Swe/490031307758025?fref=nf

သွေးတိုးအတွက် အစွမ်းထက် တိုင်းရင်းဆေး

ကမ္ဘာ့ကျန်းမာရေး အဖွဲ့နှင့် ကျန်းမာရေး ဝန်ကြီးဌာန၊ တိုင်းရင်းဆေး ပညာ ဦးစီးဌာနတို့ ပူးပေါင်း၍
တိုင်းရင်းဆေး ပညာနှင့် ပတ်သက်၍ ပညာ ပေးထားသော လူလည်းကျန်းမာ၊ ငွေလည်းသက်သာ ဆိုသော အားထားဖွယ်ရာ တိုင်းရင်းဆေး ပညာ အကြောင်းကို အများအကျိုး အတွက် ဆေးပညာ ဒါန ပြုလိုက်ပါသည်။ လူကြီးလူရွယ်မရွေး ယခုအခါ အဖြစ်များသည့် ရောဂါမှာ သွေးတိုး ရောဂါဖြစ်သည်။ သွေးတိုး ရောဂါ ကြာရှည်ဖြစ်နေပါက

လေဖြတ်ခြင်း နှလုံးရောဂါနှင့် ကျောက်ကပ် ရောဂါကို ဖြစ်တတ်သည်။

သွေးတိုးရောဂါ-ဟူသည်---

အပေါ် သွေးပေါင်ချိန် (၁၆၀) မီလီမီတာ ပြဒါးနှင့် အောက်သွေးပေါင်ချိန်(၉၅) မီလီမီတာ ပြဒါးအထက် တောက်လျှောက် ဖြစ်စေ၊ အချိန် ကြာမြင့်စွာ မြင့်တက်ခြင်းကို သွေးတိုးရောဂါ-ဟု ခေါ်သည်။

သွေးတိုးရောဂါ ဖြစ်တတ်သူ---

သွေးတိုး ရောဂါသည် အဝလွန်သူ၊ မျိုးရိုး၌ သွေးတိုးရှိသူ၊ အဆီအဆိမ့် အချိုနှင့် အငန်အရသာ ရှိသော အစားအစာများကို အလွန်စားသောက်သူ၊ ဆေးလိပ်သောက်သူ၊ အရက် သောက်သူများနှင့် ကျောက်ကပ်ရောဂါ၊ ဆီးရောဂါရှိသူများ၌ ဖြစ်တတ်သည်။

သွေးတိုးရောဂါ လက္ခဏာများ---

သွေတိုးရောဂါ လက္ခဏာများမှာ အပေါ်သွေး ပေါင်ချိန် (၁၆၀)မီလီမီတာ ပြဒါးနှင့် အောက်သွေးပေါင်ချိန် (၉၅)မီလီမီတာ ပြဒါးအထက် သွေးပေါင်ချိန် မြင့်တက်ခြင်း၊ ခေါင်းမူးခြင်း၊ ဇက်ကြောတက်ခြင်း၊ အကြောတပ်ခြင်းတို့ ဖြစ်သည်။

သွေးတိုးရောဂါကို တိုင်းရင်း ဆေးဖက်ဝင် အပင်များဖြင့် ကာကွယ်ကုသခြင်း---

(၁) ဒန့်သလွန်ရွက် သတ္တုရည် ဟင်းစားဇွန်း(၂)ဇွန်း၊ တနေ့ ၃-ကြိမ် သောက်ပါ။

(သတ္တုရည် ဆိုသည်မှာ ထုထောင်းကြိတ်ညှစ်၍ ရရှိသောအရည် ဖြစ်သည်)။

(၂) ဧကရာဇ်ရွက် သတ္တုရည် ဟင်းစားဇွန်း(၂)ဇွန်း၊ တနေ့ ၃-ကြိမ်သောက်ပါ။

(သို့မဟုတ်) ဧကရာဇ် အမြစ်ကို ရေဖြင့်သွေး၍ တခါသောက်လျှင် ဟင်းစားဇွန်း ၁-ဇွန်း၊ တနေ့ ၃-ကြိမ် သောက်ပါ။

(၃) သံပုရာသီးတလုံးကို ထက်ခြမ်းခွဲ၍ ရေနွေးကျွက်ကျွက်ဆူ တဖန်ခွက်တွင် တနာရီခန့် စိမ်ပြီး သောက်ပါ။

(၄) ကြက်သွန်ဖြူ (၃-၄)မြွှာကို ထမင်းစားတိုင်း စားပါ။

(သို့မဟုတ်) ဥတလုံး ကြက်သွန်ဖြူကို နေ့စဉ် စားပါ။

သွေးတိုးရောဂါရှင်များ လိုက်နာရန်---

* အချို၊ အဆိမ့်၊ အငန်၊ အဆီနှင့် ဆီပါသော အစားအစာများ အလွန်အကျူး စားသောက်ခြင်းမှ ရှောင်ကြဉ်ပါ။

* အရက်၊ ဆေးလိပ်သောက်ခြင်းမှ ရှောင်ကြဉ်ပါ။

* စိုးရိမ်သောက ကင်းဝေးပါစေ။

* ကိုလက်လေ့ကျင့်ခန်း နေ့စဉ်မှန်မှန်ပြုလုပ်ပါ။

* အနည်းဆုံး တနေ့ နာရီဝက်ခန့် လမ်းလျှောက်ပါ။

* သွေးပေါင် မှန်မှန်ချိန်ပါ။

ဥက္ကာကျော်(ပုသိမ်)

ကိုးကား။ ။ သိမှတ်ဖွယ်ရာ တိုင်းရင်းဆေးပညာ။

မြ၀တီ
https://www.facebook.com/mwdmedia

ညဘက်မှာ မုန့်စားလို့ ရလား


(၁) ကြွက်သားများသန်မာစေသည်
အိပ်ရာမ၀င်မီ မိနစ် (၃၀) အလိုတွင် နွားနို့ သောက်ပေးခြင်းဖြင့် နွားနို့တွင်ပါဝင်သော casein ဓါတ်က ပရိုတင်း တည်ဆောက်မှုမြင့်တက် စေပြီး ကြွက်သားများ သန်မာစေနိုင်သည်။
(၂) ဇီဝဖြစ်စဉ်များ မြန်ဆန်စေသည်
ညပိုင်း၌ မုန့်အနည်းငယ် (၁၅၀ ကယ်လိုရီခန့်) စားသုံးပါက အိပ်ရာထပြီး နံနက်ပိုင်း ဇီဝဖြစ်စဉ် များသည် အခြားနေ့များ ထက် မြန်မြန်ဆန်ဆန်ပြီးစီးဆောင်ရွက်နိုင်သည်ကို တွေ့ရမည်။
(၃) အဆာခံနိုင်သည်
ညမအိပ်မီ မုန့်စားခြင်းသည် အိပ်ရာထချိန် ဆာလောင်မွတ်သိပ်မှု လျော့နည်းစေပြီး အစာစားချိန်များ ကြား၌လည်း အဆာခံ နိုင်စေသည်။ မုန့်အမျိုးအစား အတိအကျ ရွေးချယ် စရာ မလိုသော်လည်း ပရိုတင်းပါဝင် သော မုန့်ဆိုပါက ကြွက်သားများ ကြံ့ခိုင်စေနိုင်သည်။
(၄) ကိုယ်အလေးချိန် ကျစေသည်
ညစာမစားဘဲ ကွေကာအုတ် သောက်ခြင်းသည် အဆာခံနိုင်စေပြီး နောက်နေ့အစာများကိုပါ လျှော့စား ဖြစ်သောကြောင့် လေးပတ်အတွင်း (၂) ပေါင်ကျစေနိုင်သည်။
ဇော်ကို
Source: MensHealth
Health Updates Journal

Water poisoning ရေအဆိပ်သင့်ခြင်း

ရေဆိပ်သင့်ခြင်းလို့ ခေါင်းစဉ်တပ်ပေမဲ့ သောက်တဲ့-သုံးတဲ့ရေထဲမှာ အဆိပ်ပါတာ မဟုတ်ပါ။ ရေသန့်ဗူးထဲကရေတွေ တအားကြီး သောက်ရင်လဲ အဆိပ်သင့်နိုင်တာကို ပြောတာဖြစ်ပါတယ်။ ဆေးစာနဲ့ဆို Water intoxication လို့ ခေါ်တယ်။ သေကောင်း သေနိုင်တယ်။ ဦးနှောက် လုပ်ငန်းတွေ ထိခိုက်စေမယ်။ Electrolytes ဓါတ်ဆားအချိုးအစား မမျှရာကနေ Hyponatremia ခေါ်တဲ့ (ဆိုဒီယမ်) နည်းတာဖြစ်စေတယ်။

အမှတ်တမဲ့တော့ ရေတွေတအားသောက်တယ်ဆိုတာရှားပါတယ်။ Water drinking contests ရေသောက် ပြိုင်ကြရင် ဖြစ်နိုင်တယ်။ ၁၂-၁-၂ဝဝ၇ တုံးက Hold Your Wee for a Wii ရေသောက်ပြီး သေးမပေါက်နဲ့ဆိုတဲ့ ပြိုင်ပွဲဝင်သူ ၂၈ နှစ်အရွယ်၊ ကလေး ၂ ယောက်အမေ Jennifer Strange ဟာ သေသွားလို့ ပြိုင်ပွဲစီစဉ်တဲ့ The End ရေဒီယိုက ဒေါ်လာ ၁၆့၅ သန်း လျှော်လိုက်ရတယ်။

ဆေးရုံတွေမှာ လူနာကို လိုတာထက်ရေပါတဲ့ Drips တွေ အများကြီး သွင်းရင်လဲ ဒုက္ခပေးမယ်။ ရေကောင်းရေသန့်ကနေ အဆိပ်လို့ ခေါ်တော့မယ်။ တန်ဆေး၊ လွန်ဘေး အစစ်ဖြစ်တယ်။

လူ့ကိုယ်ခန္ဓာမှာ ပါးစပ်နှုတ်ခမ်းကနေ စအိုအထိရှိတဲ့ အစာလမ်းကနေ ရေကို စုပ်ယူနိုင်စွမ်းရှိတယ်။ အစာအိမ်နဲ့ အူတွေကနေ အများဆုံး စုပ်ယူပေးတယ်။ ရေ နဲ့ (ဆိုဒီယမ်) ဓါတ်ဆားက တွဲနေတယ်။ တသမတ်ထဲ မျှနေရတယ်။ (ဆဲလ်) တခုရဲ့ အပြင်ဝန်းကျင်နဲ့ (ဆဲလ်) အတွင်ကလဲ မျှနေရတယ်။ ရေက များသွားချိန်မှာ (ဆိုဒီယမ်) က နည်းသွားမယ်။ Hyponatremia ခေါ်တယ်။ တနေရာရာမှာ ဓါတ်ဆားအချိုးအဆ ကဲမယ်-နည်းမယ်ဆိုရင် (ဆဲလ်) နံရံကနေ Osmosis (အော့စ်မောဆစ်) အပြန်အလှန် စုပ်ယူ-စုပ်ထုတ်ခြင်း ဖြစ်စဉ်အရ ညီစေအာင် ကြိုးစားလိမ့်မယ်။ (ဆဲလ်) တွေ ဖေါင်းကားလာလိမ့်မယ်။ Intracranial pressure ဦးနှောက်ထဲမှာ ဖိအားတွေ တက်လာလိမ့်မယ်။

Water intoxication ရေအဆိပ်သင့်ခြင်း လက္ခဏာတွေစတော့မယ်။
• Headache ခေါင်းကိုက်မယ်၊
• Personality changes (ပါဇင်နယ်လ်တီ) ပြောင်းမယ်၊
• Changes in behavior အမူအယာပြောင်းမယ်၊
• Confusion စိတ်ရှုတ်ထွေးလာမယ်၊
• Irritability ဂနာမငြိမ်ဖြစ်လာမယ်၊
• Drowsiness အိပ်ချင်လာမယ်။

ဆက်ပြီးတော့
• Difficulty breathing during exertion ကြိုးစားမှုရှိချိန်မှာ အသက်ရှူလို့ခက်လာမယ်၊
• Muscle weakness ကြွက်သားတွေ အားနည်းလာမယ်၊ Twitching အလိုလိုလှုတ်မယ်၊ Cramping နာမယ်၊
• Nausea ပျို့မယ်၊ Vomiting အန်မယ်၊
• Thirst ရေသန်သလိုဖြစ်မယ်၊
• Sensory information နာတာ-ထိတာ-ဖိတာကိုသိမှုတွေ အားယုတ်လာမယ်။

ဆက်ဆိုးလာမယ်ဆိုရင်
• Papillary သူငယ်အိမ်တုံ့ပြန်မှုလျှော့လာမယ်၊
• Vital signs အရေးအကြီးဆုံး လက္ခဏာတွေ ထိခိုက်လာမယ်။ ဥပမာ Bradycardia နှလုံးခုန်နှေးမယ်၊ Widened pulse pressure သွေးဖိအားပြောင်းလာမယ်။
• Cerebral edema ဦးနှောက်ရောင်လာမယ်။ Brain stem ဦးနှောက်အခြေနေရာကိုဖိအားသက်ရောက်လို့ ဆက်ဖြစ်စရာတွေ ဖြစ်လာမယ်။ Central nervous system dysfunction ဗဟိုဦးနှောက်-အာရုံကြောစနစ် ထိခိုက်လာမယ်။
• Seizures တက်မယ်၊ Coma သတိလစ်မယ်၊ Death သေမယ်။

Risk factors ဘယ်လိုလူတွေမှာ ပိုဆိုးသလဲ။
• ကလေးငယ်လေ ဆိုးလေ။ ၉-၆-၂ဝဝ၂ မှာ ၄ နှစ်သမီးလေး Cassandra Killpack ကို မအေဖြစ်သူက ရေတဂါလံ ကုန်အောင် အသောက်ခိုင်းရာကနေ သေသွားလို့ သူ့အမေ Jennette Killpack ထောင်ကျတယ်။
• Marathon runners မာရသွန်အပြေးသမား အဖြစ်များတယ်။ ရေသောက်များရာကနေ Sodium levels 135 mmol/L ထက်ကျလာချိန်မှာ ရောဂါလက္ခဏာတွေ ဖြစ်လာမယ်။
• Overexertion ခွန်အား အသုံးများတာကနေလဲဖြစ်စေနိုင်တယ်။ မောလွန်းလို့ ရေတွေ တအားသောက်ရင် ဖြစ်မယ်။ ၁၂-၉-၁၉၉၉ မှာ စစ်သင်တန်းဆရာ Michael J. Schindler သေဆုံးရတယ်။
• MDMA (Ecstasy) ဆေးမျိုးသောက်ပြီး လုပ်သင့်တာတဲ့ပိုပြီး ခွန်အားစိုက်ရာကနေလဲဖြစ်မယ်။
• Heat stress သိပ်ပူချိန်မျိုးမှာ နားနေရင်နဲ့ ရေတွေ အသောက်များရင်လဲ ဖြစ်မယ်။
• Psychogenic polydipsia စိတ်ရောဂါရှိသူတွေက ရေပိုသောက်တယ်။
• Oxcarbazepine ဆေးကြောင့်လဲ ဖြစ်နိုင်တယ်။
• Diabetes insipidus ဆီးချိုကြောင့်လဲ ဖြစ်နိုင်တယ်။

Treatment ဘယ်လိုကုသမလဲ
• Mild intoxication တော်တော်တန်တန်က ရောဂါလက္ခဏာမပြသေးပါ။ ဖြစ်လာပြီဆိုရင်
• Diuretics ဆီးသွားစေတဲ့ဆေး ပေးရမယ်။
• Vasopressin receptor antagonists ဆေးကိုလဲ သုံးတယ်။

Dr. တင့်ဆွေ
https://www.facebook.com/pages/Dr-Tint-Swe/490031307758025?fref=nf

ဓါတ်ပုံ = ၂ဝဝ၈ မေလ (၁၅) ရက်နေ့က ဗီယက်နမ်နိုင်ငံ (ထန်ဝှာ) ခရိုင်မှာ အမျိုးသမီးတယောက် ရေအဆိပ်သင့်လို့ ဆေးရုံမတင်ရမီပုံ။

Water requirements ရေဘယ်လောက်သောက်ရမလဲ


ဆရာမင်္ဂလာပါ။ တစ်နေ့ကို ရေ 2-3litre လောက် သောက်ရမယ်လို့ အရင်ကသိထားပါတယ်။ အခု information က တစ်ရက်ကို 6 litre သောက်ရမယ်တဲ့။ အဲ့ဒါလေး သိချင်ပါတယ်။နောက်ပြီး ရေနဲ့ အရည် ခန္ဓာကိုယ်ထဲရောက်ရင် ဘယ်လို ကွာခြားသလဲ။ ဥပမာ ရေမသောက်ပဲ တစ်နေကုန် ရေနွေးကြမ်းပဲသောက်နေတာမျိုး။ ဖြေကြားပေးပါဦးရှင့်။

လူတွေနေ့တိုင်း အသက်ရှူတာ၊ ချွေးပြန်တာ၊ ဆီး-ဝမ်းသွားတာတွေကနေ ရေကုန်ဆုံးနေကြရတယ်။ ကိုယ်ခန္ဓာ အလုပ်တွေအတွက် ရေလိုတယ်။ ရေကို သောက်ရေ၊ သောက်စရာနဲ့ စားစရာတွေကနေရနေကြတယ်။ ယောက်ျားကြီး တယောက်ဟာ နေ့စဉ် ၁၃ ခွက် (၃ လီတာ) ဖြစ်တယ်။ မိန်းမတယောက်က ၉ ခွက် (၂့၂ လီတာ) လိုတယ်။ တနေ့မှာ ရေ (၈) ခွက် (၁့၉ လီတာ) သောက်ပါလို့ အကြံပြုတာများတယ်။

လူတွေမတူကြပါ။ တယောက်တည်းမှာလဲ တနေ့နဲ့တနေ့ မတူတတ်ပါ။
• ကိုယ်လက်လှုတ်ရှားခြင်းလုပ်နေသူတွေက နောက်ထပ် ၁ ခွက်ခွဲကနေ ၂ ခွက်ခွဲ (၄ဝဝ-၆ဝဝ မီလီလီတာ) လိုမယ်။ အပြင်းအထဲလှုတ်ရှားသူဆိုရင် ရေသာမက (ဆိုဒီယမ်) ဆားပါလိုမယ်။
• သဘာဝပတ်ဝန်းကျင်ကိုလဲ ထည့်တွက်ရမယ်။ ပုပြီးရေငွေ့ဓါတ်ကဲနေချိန်မှာ ပိုလိုမယ်။ အမြင့်ပေ ၈၂ဝဝ (၂၅ဝဝ မီတာ) အထက်မှာနေရရင် အသက်ပိုရှူရပြီး ဆီးပိုသွားရလို့ ရေပိုလိုတယ်။
• ကျန်းမာရေးမကောင်းရင်လဲလိုအပ်ချက်မတူပါ။ ဖျားတာ၊ အန်တာ၊ ဝမ်းပျက်တာဖြစ်ရင် ပိုလိုတယ်။ ရေထက် ORS ဓါတ်ဆားဖျော်သောက်တာကောင်းတယ်။
• ကိုယ်ဝန်ဆောင်နဲ့ ကလေးနို့တိုက်ချိန်မှာ တမျိုးလိုတယ်။ ကိုယ်ဝန်ဆောင်ရင် တနေ့ ရေ-အရည် ၁ဝ ခွက် (၂့၃ လီတာ) လိုမယ်။ နို့တိုက်နေရရင် တနေ့ ၁၃ ခွက် (၃့၁ လီတာ) လိုမယ်။
• လူတွေအစားအစာထဲကနေ ၂ဝ% ရေဓါတ်ရကြတယ်။
• ယေဘုယျ တနေ့မှာ ရေ ၆့၃ ခွက် (၁့၅ လီတာ) သောက်သင့်ပါတယ်။

ဒေါက်တာတင့်ဆွေ
၂၅-၁၂-၂ဝ၁၄
https://www.facebook.com/pages/Dr-Tint-Swe/490031307758025?fref=nf

LED မီးရောင်များသည် မျက်စိကို ထိခိုက်စေနိုင်ကြောင်း သုတေသီများ တွေ့ရှိ


မက်ဒရစ် ၊ ၂၅-၁၂-၂၀၁၄

စပိန်နိုင်ငံ မက်ဒရစ်မြို့ ၌ တည်ရှိသော Complutense တက္ကသိုလ်မှ အမြင်အာရုံ သုတေသီ ဒေါက်တာ Sanchez-Ramos က သူမ၏ ရှာဖွေတွေ့ရှိမှုအရ LED မီးရောင်မှ ဖြာထွက်သော စွမ်းအားမြင့် အလင်းတန်း များကြောင့် လူတို့ မျက်လုံး၏ retinas အလွှာကို ထိခိုက် စေနိုင်ကြောင်း ပြောပြခဲ့သည်ဟု သိရသည်။

လျှပ်စစ်စွမ်းအင် ချွေတာသော LED နည်းပညာသည် လျှပ်စစ်စွမ်းအင် သုံးစွဲမှု လျှော့ပေါ့ရေးကို အထောက်အကူ ပြုသဖြင့် နေအိမ်များတွင် သုံးစွဲရန် နှင့် ရောင်းဝယ် ဖောက်ကားရန် အတွက် လူကြိုက် များရသည်။ သို့သော်လည်း LED မီးမှ ထွက်ပေါ်သော အလင်းရောင် များမှာ မျက်စိနှင့် တိုက်ရိုက် ထိတွေ့ပါက မျက်လုံး၏ မျက်စိကြောများ ကို ထိခိုက် စေနိုင်သည့် အန္တရာယ်များ ရှိကာ တစ်ခါတစ်ရံ ၄င်းတို့ကို  ပြန်လည်ကုသ၍ မရကြောင်း Complutense တက္ကသိုလ်မှ အမြင်အာရုံ သုတေသီ တစ်ဦးက ဆိုသည်။ LED ( Light - emitting diodes ) မီးတို့မှ ထွက်ပေါ်သော မီးရောင်များမှာ လူတို့ တွေ့မြင်ရသည့် ရောင်စဉ်တန်း မှ စွမ်းအားမြင့် အလင်းတန်းများ ဖြစ်သော အပြာရောင် နှင့် ခရမ်းရောင် ရောင်ခြည်တို့ ပါဝင်သည်။

LED မီး၏ အန္တရာယ်မှာ နေ့စဉ်နှင့် အမျှ တိုးတက် လာနေသော နည်းပညာ စက်ပစ္စည်း များကြောင့် သုံးစွဲ သူများနှင့် အထူးသဖြင့် ကလေးငယ် များတွင် မျက်လုံး ထိခိုက်မှု များကို ပိုမိုဖြစ်လာ စေနိုင်ကြောင်း သုတေသီ ဒေါက်တာ Sanchez Ramos  က ဆိုသည်။ ကွန်ပျူတာ မော်နီတာများ၊ မိုဘိုင်းဖုန်းများ၊ တီဗွီ ဖန်သားပြင်များ နှင့် အိမ်တွင်း အိမ်ပြင်တွင် တွေ့မြင်ရသော LED မီးတို့ကို ဆက်တိုက် အချိန်ကြာ ကြည့်ရှု သုံးစွဲခြင်းက မျက်လုံး၏ retina ဆဲလ်များကို ထိခိုက် စေနိုင်သည်။

ဒေါက်တာ Sanchez Ramos က လူသားတို့၏ မျက်လုံးမှာ မီးရောင်ကို တည့်တည့် ကြည့်ရှုနိုင်ရန် အတွက် ဖန်တီးထားခြင်း မဟုတ်ဘဲ မီးရောင်နှင့် အတူ ကြည့်ရှုနိုင်ရန် အတွက် ဖန်တီးထားခြင်း ဖြစ်သည် ဟု ပြောပြသည်။ လူသားတို့သည် တစ်နှစ်လျှင် ခန့်မှန်းခြေ အားဖြင့် နာရီ ၆ဝဝဝ ခန့် မျက်လုံးကို အသုံးပြုရကာ မျက်လုံး အသုံးပြုသည့် အချိန် အများစုတွင် ဖန်တီးထားသော မီးရောင်အတု များဖြင့် ထိတွေ့ နေရလေ့ရှိသည်။ ထို့ကြောင့် မိမိတို့ မျက်လုံး၏ retinas အလွှာ ပျက်စီးမှုကို ကာကွယ်နိုင်ရန် ဗီတာမင် A ကြွယ်ဝသော အစားအစာများ စားသုံးပေးခြင်း နှင့် အရည်အသွေး ကောင်းမွန်သော နေကာ မျက်မှန်များ ဝတ်ဆင်ရန် ဒေါက်တာ Sanchez Ramos က တိုက်တွန်း ထားကြောင်း သိရသည်။

#Yadanarpondaily
#ရတနာပုံနေ့စဉ်
http://themyawadydaily.blogspot.com/2014/12/led.html?spref=tw

ရာသီအေးလာ ဆောင်းအခါ သတိထားစရာ


အေးလာသည့် ရာသီဥတုမျိုးတွင် မိမိကျန်းမာရေးအတွက် ကျန်းမာစွာနေထိုင်နိုင်ရန် မိမိ ခန္ဓာကိုယ့်အပူချိန်ကို ထိန်းသိမ်းဖို့ လိုအပ်ပါသည် ။ အဓိကသည်လို့ ဥတုမျိုးတွင် သွေးတိုးရောဂါ အခံရှိသူများ အထူးသတိထားနေထိုင်ရန် လိုအပ်ပါသည် ။ တစ်ချို့ ငယ်ရွယ်သူများအနေဖြင့် မိမိတွင် သွေးတိုးနေသည့် အနေအထားလည်း မသိ မရှိဘူးထင်ပြီး ခေါင်းလျှော်ခြင်း ၊ ရေချိုးခြင်းကို အလေးအနက်မထားဘဲ ပေါ့ပေါ့လေးတွေးပြီး လုပ်ဆောင်ကျလို့  လေဖြတ်ခြင်း ၊ လေဖြန်းခြင်း အဖြစ် ပါးတွေရွဲခြင်း မျက်ခွံတစ်ဖက် ပိတ်မရခြင်း အဖြစ်ကို ရောက်ရှိတက်ပါသည် ။

ကျန်းမာရေးကိုယ်လက်လှုပ်ရှားခြင်း အဖြစ် ရာသီဥတုအေးချမ်းသော နံနက်ခင်းစောစောထပြီး လမ်းလျှောက်ခြင်း ၊ ပြေးခြင်း လုပ်ဆောင်သည့် အခါတွင် အအေးမပတ်အောင် ကြိုတင်ကာကွယ်ဝတ်ဆင်ပြီးမှသာ ကိုယ့်လက်လှုပ်ရှားဆောင်ရွက်သင့်ပါသည် ။

အအေးပတ်ခြင်းကြောင့် သွေးတိုးခြင်း ၊ ချောင်းဆိုးခြင်း ၊ နားစည်ရောင်ခြင်း ၊ မူးတက်ခြင်း ၊ အစာမကြေ အော့အန်တက်ခြင်း နှင့် ခြေလက်ကိုက်ခဲနေခြင်း များဖြစ်တက်ပါသည် ။အဓိက ကျန်းမာရေးအလျင်အမြန် ဆိုးရွားသွားစေနိုင်သည့်ကတော့ သွေးတိုးခြင်းဖြစ်ပါတယ် ။ သွေးတိုးနုန်း မြင့်မားလာတာကို မသိရှိလိုက်ပါက မိမိ အသက်အန္တရာယ်ရှိပါတယ် ။ လူကြီး လူငယ်များအပါ အထူးသတိချပ်စေချင်ပါတယ် ။
ရာသီဥတုနှင့်လိုက်ဖက်သည့် ဝတ်စားမှု့ ကို ဝတ်ဆင်ပြီး နေထိုင်သည့်ပါသည် ။ ရေသောက်မနည်းဖို့ လည်း လိုအပ်ပါတယ် အေးနေသည့် ဥတုကြောင့် ရေသောက်နည်းတက်ကြပါတယ် အေးနေပေမဲ့ တစ်နေ့ ရေကို အနည်းဆုံး နှစ်လီတာလောက် သောက်သုံးပေးသင့်ပါသည် ။

အသက်ရာကျော် ရှည်ပါစေ

Mg Mandalay
https://www.facebook.com/mg.mandalay?fref=ts&ref=br_tf

ဘာကြောင့် ဝရတာလဲ လို့ သင်သိချင်ပါသလား


ဝရတဲ့အကြောင်းရင်းကို တိုတိုရှင်းရှင်းပြရရင်တော့ အစာကို အလွန်အမင်းစားခြင်းနဲ့ ကိုယ်လက်လှုပ်ရှားမှု မလုံလောက်ခြင်းတို့ကြောင့်ပဲ ဖြစ်ပါတယ်။ ကိုယ်အလေးချိန် ကျဖို့ဆိုရင်တော့ ကိုယ်လက်လှုပ်ရှားမှု များများလုပ်ပြီး အစားအသောက်လျှော့စားကာ ကယ်လိုရီပမာဏ လျှော့ချဖို့လိုပါတယ်။

ဒီလိုပြောတော့ လွယ်ပေမယ့် လက်တွေ့မှာ လိုက်နာဖို့ကျတော့ ခက်လှပါတယ်။ ဒီနေ့ခေတ်အလုပ်တွေဟာ အထိုင်များပြီး လှုပ်ရှားမှုနည်းတဲ့ အလုပ်တွေဖြစ်လာတာကြောင့်နဲ့ အစားအသောက် စားသောက်တဲ့ အလေ့အထကြောင့် ဖြစ်ပါတယ်။

အစားအသောက်စားတဲ့နေရာမှာ ဟင်းသီးဟင်းရွက်နဲ့ အသီးအနှံများများ၊ ထမင်း အသင့်အတင့်နဲ့ အသား၊ ငါး အသင့်အတင့်ကိုပဲ စားသင့်တာဖြစ်ပေမယ့် ဝတဲ့သူ အများစုဟာ ထမင်းအများအပြား၊ ဟင်းသီးဟင်းရွက်နဲ့ အသီးအနှံနည်းနည်းကိုပဲ စားလေ့ရှိတာကြောင့်ပါ။ ဒါ့အပြင် အလုပ်လုပ်ချိန်ပိုရဖို့အတွက် အစာကိုခပ်မြန်မြန် စားသောက်တဲ့အကျင့်ကလည်း အစာကို ပိုမိုစားဖြစ်စေတဲ့အချက်ပါပဲ။

ဒီနေ့ခေတ်မှာ အားကစားလုပ်ဖို့ အချိန်မပေးနိုင်ဘူးဆိုတဲ့ အကြောင်းပြချက်ကြောင့်လည်း ဝစေပါတယ်။

အားကစားခန်းမ (Gym) သွားပြီး အားကစားကို တကူးတကမလုပ်နိုင်ရင်တောင် အိမ်မှာပဲ ရေမချိုးခင် လမ်းလျှောက်တာ၊ ထိုင်ထ လုပ်တာ၊ ဒိုက်ထိုးတာ စတဲ့အားကစားတွေကို အချိန်ရသလောက် ပြုလုပ်ပေးနိုင်ပါတယ်။ နံနက်တိုင်း သွားမတိုက်ရမနေနိုင်တဲ့ အကျင့်တစ်ရပ်လိုဖြစ်နေအောင် ကိုယ်လက်လှုပ်ရှားမှုကို ဆောင်ရွက်ပေးသင့်ပါတယ်။

ကိုယ်ရဲ့ဘဝနေထိုင်မှု ဟန်ပန်တချို့ကိုပြောင်းလဲလိုက်မယ်ဆိုရင်တော့ ဝရတဲ့ အကြောင်းရင်းအတွက် စိတ်ညစ်နေစရာ လိုမှာ မဟုတ်တော့ပါဘူး။Health

Mg Mandalay
https://www.facebook.com/mg.mandalay?fref=ts&ref=br_tf

Common Oral Mucosal Lesions ခံတွင်း-ပါးစပ်မှာ ဖြစ်တတ်တဲ့ ရောဂါတွေ


၁။ ဆရာရှင့် ကျွန်မက ပါးစောင်လေးဖက်လုံးမှာ မှိုတွေလိုဖြူဖြူတွေ (အနီရောင်ရော) ဖြစ်နေတာ တစ်နှစ်လောက်ရှိပါပြီ။ အပူအစပ်စားရင် အပူနာလိုမျိုး ဖြစ်သွားပါတယ်။ အခု Fame ကထုတ်တဲ့ Tomatac နဲ့ Completet သောက်နေပါတယ်။ လိမ်းဆေးကတော့ miconarzole cream လိမ်းရပါတယ်။ ကြာရင် ကင်ဆာဖြစ်သွားမယ်ပြောပါတယ်။ ကျွန်မက သူများ ပြောတာတွေနဲ့ စာအုပ်မှာဖတ်ရလို့ မင်းဂွတ်သီးကို အစေ့အခွံအားလုံးကြိတ်ပြီးတော့ လုံးလုံးလေးလုပ်ပြီး အေးခဲခန်းမှာ သိမ်းထားပါတယ်။ အဲ့ဒါကိုလည်းသောက်ပါတယ်။ ကင်ဆာပျောက်တယ်ဆိုလို့ပါ။ သောက်လို့ရပါသလား။ ကျွန်မအနာဟာ ဘာကြောင့်ဖြစ်ပြီး ပျောက်ကင်းဖို့ ကြာဦးမှာလားသိချင်ပါတယ်ဆရာ။ ဆေးသောက်နေတာ လေးလ ရှိပါပြီ။

၂။ ကျွန်မအမျိုးသားကအသက် ၃၃ နှစ်ရှိပါပြီ။ သူ့ရဲ့အောက်နှုတ်ခမ်းအတွင်းဖက်မှာအဖုလေးတဖုပေါက်လာတာ ၂ လလောက်ရှိပါပြီ။ အဲဒိအဖုက အအေးသောက်ရင် မသိသာပေမဲ့အပူနဲ့ထိမိရင် စတော်ပဲစေ့လောက် ကြီးလာပါတယ်။ အရည်အိတ်လိုပုံစံမျိုးပါပဲ။ တခါလဲအရည်ပေါက်ထွက်ပါတယ်။ ပြီးတော့ အကျိတ်ပြန်ဖြစ်ပါတယ်။ ဆေးခန်းတော့ မပြဖြစ်သေးပါဘူးဆရာ။ အသိဆရာဝန်တယောက်ကိုမေးကြည့်တော့ ကင်ဆာလက္ခဏာနဲ့ တူတယ်ဆိုလို့ ကျွန်မတ်ို့ နှစ်ယောက်လုံးစိုးရိမ်မိပါတယ်ဆရာ။ နာတာကျင်တာတော့မရှိဘူးလို့ပြောပါတယ်။ ဆေးစစ်ဖို့က နောက်လလောက်မှ လုပ်ဖြစ်မှာမို့ လောလောဆယ် ဆရာ့ဆီကိုစာရေးအကူအညီတောင်းရတာပါ။ ဘာရောဂါဖြစ်နိုင်လဲသိချင်ပါတယ်ရှင်။

ပါးစပ်-ခံတွင်းထဲမှာအများဆုံးဖြစ်တတ်တဲ့ ရောဂါအခြေအနေ (၁၂) ခုကိုရွေးရေးပါမယ်။ တခြားဟာတွေလဲရှိသေးတယ်။

1. Leukoplakia အဖြူကွက်
2. Palatal or Mandibular Torus အရိုးဘုများ
3. Inflammation or irritation ရောင်ရမ်းဖြစ်စဉ် နဲ့ မသင့်တာနဲ့ထိတွေ့ခြင်း
4. Irritation fibroma ခဏခဏထိမိရာကနေအတွင်းထဲမှာအသားမာလိုဖြစ်ခြင်း
5. Fordyce's granules ချွေးထွက် (ဂလင်း) တွေကပါးစပ်ထဲရောက်နေခြင်း
6. Hemangiomaသွေးကြောအပိုပွါးခြင်း
7. Inflammatory ulcer ရောင်ရမ်းအနာများ
8. Papillomas (ပက်ပလိုမား) အသားပို
9. Epulisfissurata (အိပြူလစ်)
10. Varicosities သွေးပြန်ကြောဖေါင်းနေခြင်း
11. Thrush မှက္ခရုနာ
12. Angular stomatitis ကျီးကန်းပါးစပ်နာ

1. Leukoplakia အဖြူကွက်
ဖြူနေတဲ့အကွက်ကို ပိတ်ကျဲစနဲ့ပွတ်ပေးလဲပျောက်မသွားဘူး။ ကင်ဆာနဲ့ ကင်ဆာမဟုတ်တဲ့ အနာမျိုးနဲ့လဲမဆိုင်ဘူး။ ဆေးလိပ်သောက်သူ၊ အရက်သောက်သူ၊ ခံတွင်းပိုးဝင်ခံရသူ၊ နေရာတခုမှာကွက်ပြီးကိုယ်နဲ့ မသင့်တာနဲ့ တွေ့ထားသူ၊ (ဆစ်ဖလစ်)၊ ဗီတာမင် (အေ) နည်းခြင်း၊ ဟော်မုန်းအပြောင်းအလဲ၊ ဓါတ်ရောင်ခြည်သင့်ခြင်း၊ လျှပ်စစ်စီးကြောင်းတွေကနေ ဖြစ်စေတယ်။ အသက်ကြီးသူတွေမှာ (၄ဝ ကျော်) အဖြစ်များတယ်။ ယောက်ျားတွေက မိန်းမတွေထက် ပိုဖြစ်တယ်။ လျှာ၊ ပါးစောင်၊ အထက်-အောက် ပါးစောင်အချိုင့်နေရာတွေမှာ လူတဝက်လောက် ဖြစ်တယ်။ ကျန်တဲ့နေရာတွေကအာခေါင်၊ အောက်နုပ်ခမ်း၊ လျှာအောက်နေရာတွေမှာ ဖြစ်တယ်။ ဖြူပြီး၊ နဲနဲကြည်နေမယ်၊ ထူမယ်၊ စဉ်းကြောင်းတွေရှိနိုင်တယ်၊ အသီးလိုလဲဖြစ်နိုင်တယ်၊ မာတင်းနေတာလဲ ဖြစ်နိုင်တယ်။ မျက်နှာပြင် ချောတာ၊ ကြမ်းတာဖြစ်နိုင်တယ်။ အဖြူ၊ ဝါစိမ်းစိမ်း၊ ဆေးလိပ်သောက်သူဆိုရင် ညိုတိုတိုဖြစ်နိုင်တယ်။

မှိုကြောင့်ဖြစ်တာ၊ (အက်စ်ပရင်) သောက်လို့ဖြစ်တာတွေကအဲလိုလုပ်ပေးရင် ရှင်းသွားနိုင်တယ်။ မသေခြာရင် အသားစ ဖြတ်ယူစစ်ဆေးရမယ်။ ၄-၆% မှာကင်ဆာဖြစ်တတယ်။ Erythroplakiaနီနေတာမျိုးကဆိုးတယ်။ ကိုက်မိ-ထိခိုက်မိတာ၊ သွားအတွက် အပိုပစ္စည်းထည့်တာကအဆင်မပြေတာ၊ သွားအဆင်မပြေပေါက်နေတာတွေကိုစစ်ရ-ပြင်ရမယ်။

Palatal or Mandibular Torus အရိုးဘုများ
ကင်ဆာမဟုတ်တဲ့ အရိုးကနေဖြစ်တဲ့ မာနေတဲ့ဘုတွေကိုခေါ်တယ်။ ဖြေးဖြေးကြီးလာမယ်။ အနေရလဲမခက်လှပါ။ အပေါ်ယံအဖုံးလွှာအနာဖြစ်တတ်တယ်။ Palatal torus အာခေါင်ကဖြစ်တာဆိုရင် အမာပိုင်းအလည်မျဉ်းမှာ ဖြစ်တတ်တယ်။ အမျိုးသမီးတွေမှာပိုဖြစ်တယ်။ Mandibular torus မေးရိုကနေဖြစ်တာဆိုရင် ရှေ့ပိုင်းအံသွားဘေးမှာ အဖြစ်များတယ်။ ၈ဝ% ဘယ်-ညာဖြစ်တာများတယ်။ အသက် ၃ဝ အောက်များတယ်။ ကုသစရာမလိုပါ။ ခွဲလိုက်ရင်လဲ ရတယ်။

3. Inflammation or irritation ရောင်ရမ်းဖြစ်စဉ် နဲ့ မသင့်တာနဲ့ထိတွေ့ခြင်း
ရောင်ရမ်းဖြစ်စဉ်နဲ့ မသင့်တာနဲ့ ထိတွေတာမျိုးတွေကကိုယ်ကိုယ်ကိုကာကွယ်တဲ့သဘောကနေ ဖြစ်လာတယ်။ ပါးစောင်မှာ အထက်သွားတန်းနဲ့ အောက်သွားတန်းကြားမျဉ်းကြောင်းအဖြူရောင်လိုလဲ ဖြစ်တတ်တယ်။ လိုအပ်ရင်ခွဲထုတ်ပြစ်နိုင်တယ်။ မသေခြာရင် အသားစဖြတ်ယူစစ်ဆေးရမယ်။ ဖြစ်စေတဲ့အကြောင်းရင်ကိုဖယ်ရှား-ကုသလိုက်ရင် အလိုလိုပျောက်မယ်။ Denture stomatitis သွားအတုကအဆင်မပြေလို့ဖြစ်တယ်။ အသက်ကြီးပြီး Complete maxillary dentures သွားအတုတပ်ထားသူတွေထဲက ၆၅% ဖြစ်တယ်။ Nystatin suspension or cream ဆေးလိမ်းပေးနိုင်တယ်။

4. Irritation fibroma ခဏခဏထိမိရာကနေအတွင်းထဲမှာအသားမာလိုဖြစ်ခြင်း
ခဏခဏထိမိရာကနေအတွင်းထဲမှာအသားမာလိုဖြစ်တာ။ ပါးစောင်၊ လျှာဘေးအနား၊ အောက်နုပ်ခမ်းတွေမှာ အဖြစ်များတယ်။ မနာဘူး။ ခပ်တင်းတင်းရောပွစိစိပါ ဖြစ်နိုင်တယ်။ ဖြစ်တဲ့အဖုကဘေးနေရာထက် အရောင်ပြော့တယ်။ ကြာရင် အနာဖြစ်လာနိုင်သေးတယ်။ ၁ စင်တီမီတာထက် မကြီးဘူး။ အသက်အရွယ်မရွေးဖြစ်တယ်။ သူ့အလိုလို မပျောက်ရင် ခွဲထုတ်ရမယ်။ ပြန်ဖြစ်တာလဲရှိမယ်။ လျှာပေါ်မှာဖြစ်တာဆိုရင်တော့ Neurofibroma, Neurilemmoma or Granular cell tumor တွေ မဟုတ်တာသေခြာအောင် လုပ်ရမယ်။ ပါးစပ် အောက်နုပ်ခမ်းနဲ့ ပါးစောင်မှာဆိုရင် Lipoma, Mucocele or Salivary gland tumor တွေ မဟုတ်တာသေခြောစေရမယ်။ ရှားပါးတဲ့ Benign neoplasms of Mesenchymal origin ကိုလဲဖယ်ထုတ်ရမယ်။ ခွဲထုတ်ပြီးစစ်ဆေးဘို့ လိုတာတွေဖြစ်တယ်။

5. Fordyce's granules ချွေးထွက် (ဂလင်း) တွေကပါးစပ်ထဲရောက်နေခြင်း
ချွေးထွက် (ဂလင်း) တွေကပါးစပ်ထဲနေရာလွဲရောက်နေတာဖြစ်တယ်။ အစုလိုက်များတယ်။ တခုနဲ့တခုရောထွေးနေတာလဲ ဖြစ်တယ်။ အံဆုံးတွေဘေးမှာဖြစ်တယ်။ ဘယ်-ညာ ဖြစ်နိုင်တယ်။ အောက်နုပ်ခမ်း၊ လျှာ၊ သွားဖုံး၊ အာခေါင်တွေမှာလဲ ဖြစ်နိုင်တယ်။ အသက် ၂ဝ-၃ဝ မှာအဖြစ်များတယ်။ Candida albicansမှိုကြောင့်ဖြစ်တာကဂွမ်းစနဲ့ ရှင်းပေးတာပျောက်မယ်။ ဒါတွေကတော့ မပျောက်ဘူး။ ဆေးကုသဘို့လဲမလိုပါ။

6. Hemangiomaသွေးကြောအပိုပွါးခြင်း
သွေးကြောတွေ အပိုပွါးခြင်းကမွေးရာပါဖြစ်တယ်။ ပြားချပ်ချပ်နေတယ်၊ မဟုတ်ရင် နဲနဲဖေါင်းနေမယ်။ အနီရောင် ဒါမှမဟုတ် နီပြာပြာဖြစ်တယ်။ အနားသတ်မတိကျဘူး။ နှုပ်ခမ်း၊ လျှာ၊ ပါးစောင်၊ အာခေါင်တွေမှာဖြစ်တယ်။ သူ့ကိုခိုက်မိတတ်တယ်။ အနာဖြစ်လာနိုင်တယ်။ ပိုးဝင်လာနိုင်တယ်။ အမျိုးသမီးတွေမှာပိုဖြစ်တယ်။ သူ့အလိုလိုပျောက်တာ များတယ်။ Surgery, Sclerosing agents, Cryotherapyနည်းတွေနဲ့ ကုနိုင်တယ်။ ကင်ဆာမဟုတ်ပါ။ ကုသလိုက်ရင် ပြန်မပေါ်ပါ။

7. Inflammatory ulcer ရောင်ရမ်းအနာများ
(က) Aphthous (အက်ဖ်သပ်စ်-အာလ်ဆာ)
အတော်နာတယ်။ ပြန်ပြန်ဖြစ်တယ်။ တခုမကလဲဖြစ်နိုင်တယ်။ ၂ဝ-၆ဝ% သောလူတွေမှာ ဖြစ်ကြတယ်။ ဘာလို့ ဖြစ်တယ်ဆိုတာ အတိအကျမသိရဘူး။ Immunologic, Microbiologic and Nutritional factors တွေကို စဉ်းစားကြတယ်။ (၃) မျိုးခွဲနိုင်တယ်။
(၁) သာမန်အနာ = ခံတွင်းမှာနေရာတကာဖြစ်တယ်။ ၁ဝ ရက်အတွင်းပျောက်သွားမယ်။ ပြန်ဖြစ်နိုင်တယ်။
(၂) Major aphthous ulcers ကပိုကြီးတယ်။ ၂ စင်တီမီတာလောက်အထိရှိမယ်။ ပျောက်အောင် အချိန် ၆ ပါတ် ယူတယ်။
(၃) Herpetiform ulcers အမျိုးအစားကတော့ ၁-၂ ပါတ်ကြာရင် ပျောက်တယ်။ အရည်ကြည်အဖုလေးကနေစဖြစ်ပြီးမှ အနာဖြစ်လာတယ်။ Crohn's disease, Neutropenia and Sprueရောဂါတွေကိုလဲစစ်ဆေးသင့်တယ်။ ပျောက်ဆေးဆိုတာ မရှိပါ။ ဒါပေမဲ့ သက်သာအောင် Topical steroids (0. 5% Hydrocortisone) (စတီရွိုက်) ဆေး လိမ်းပေးနိုင်တယ်။ သိပ်ဆိုးသူတွေကို (စတီရွိုက်) ဆေးပါးစပ်ကနေသောက်ခိုင်းတယ်။ Tetracycline mouth wash (Achromycin V Oral Suspension) ဆေးနဲ့ ပါးစပ်ကိုဆေးတာလဲအကျိုးရှိတယ်။ Chlorhexidinegluconate oral rinse (Peridex) ဆေးသုံးတာလဲသက်သာတယ်။

ဒီအနာ မြန်မာလူမျိုးအတော်များများကြီးကိုတွေ့ဘူးတယ်။ ရေသောက်တာတောင် နာတယ်။ အားနည်းနေချိန်၊ စိတ်ဖိစီးမှု များနေချိန်၊ ခရီးထွက်ရလို့ အစား၊ ဝမ်းသွားမမှန်သူတွေ၊ ဝမ်းချုပ်သူတွေမှာ ဖြစ်တယ်လို့ ယူဆတယ်။ ထုံဆေးလိမ်းဆေး လိမ်းရင် ခဏနဲ့ထုံသွားပြီးစားလို့ရတယ်။ တနပ်တခါထပ်လိမ်းရတယ်။

(ခ) Traumatic ulcers ထိခိုက်ရာကအနာဖြစ်ခြင်း
ကိုက်မိတာ၊ သွားအတုအဆင်မပြေတာ၊ သွားတိုက်တံနဲ့ခိုက်မိတာ၊ သွားအချွန်နဲ့ထိခိုက်မိတာ၊ မသင့်တာကို စားမိ-သောက်မိတာတွေကနေ ဖြစ်စေတယ်။ သူ့အလိုလိုပျောက်တယ်။ မြန်တယ်။ မပျောက်နိုင်ရင် ကင်ဆာကိုစစ်ဆေးပါ။

8. Papillomas (ပက်ပလိုမား) အသားပို
တချို့ ခံတွင်းအသားပိုက ကြွက်နို့ဖြစ်စေတဲ့ Papillomavirus (ဗိုင်းရပ်စ်) မျိုးကွဲကနေဖြစ်စေတယ်။ ဖြစ်နေပေမဲ့ ဘာမှ မခံစားရဘူး။ ၁ စင်တီမီတာလောက်သာကြီးတယ်။ တခုတည်းဖြစ်တာများတယ်။ ပါးစပ်ထဲဘယ်နေရာမှာဖြစ်ဖြစ် ဖြစ်နိုင်ပေမဲ့ အာခေါင် အပျော့နေရာမှာအဖြစ်များတယ်။

9. Epulisfissurata (အိပြူလစ်)
သွားအတုကနေဖြစ်စေတယ်။ (ဖိုက်ဘရပ်-တစ်ရှူး) တွေ အပိုဖြစ်တာ။ သွားအတုအသစ်လဲဘို့လိုမယ်။ ခွဲစိတ်တာလဲ လိုနိုင်တယ်။

10. Varicosities သွေးပြန်ကြောဖေါင်းနေခြင်း
သွေးပြန်ကြောတွေဖေါင်းနေတာ။ လျှာအောက်မှာဖြစ်တာများတယ်။ ပါးစောင်နဲ့ ပါးစပ် နှုတ်ခမ်းမှာလဲ ဖြစ်နိုင်တယ်။ ပြာနေတယ်။ ဖိလိုက်ရင် သွေးစီးလျှောက်တာမြင်ရမယ်။ ဆေးကုစရာမလိုပါ။

11. မှက္ခရုနာ Thrush (Oral candidiasis)
Moniliasis လို့လဲခေါ်တယ်။ ရေးခဲ့တဲ့ (၁ဝ) မျိုးကလူကြီးတွေမှာဖြစ်ပြီး မှက္ခရုနာက ကလေးမှာသာဖြစ်တယ်။ ကလေးမှာတောင် နို့တိုက်အရွယ် ကလေးငယ်တွေ။ လျှာ၊ အာခေါင်၊ ပါးစောင်တွေမယ် အဖြူဖတ်တွေ ဖြစ်ပြီး၊ ဘေးက နီနေတယ်။ နာတယ်၊ နို့စို့ရ၊ အစာစားရခက်တယ်။ ကလေးရဲ့ လျှာကို အဝတ်သန့်သန့်လေးကို လက်ညှိုးမှာပါတ်ပြီး အဖြူဖတ်တွေ ရှင်းပေးပါ။ မိခင်နို့ကိုအမြဲသန့်နေပါစေ။ လိုအပ်ရင် Nystatin Oral Suspension 4-6 mL တနေ့ ၄ ကြိမ် တိုက်ပါ။

12. Angular stomatitis ကျီးကန်းပါးစပ်နာ
ကျီးကန်းပါးစပ်နာကို Angular stomatitis (Cheilosis or Angular cheilitis) လို့ ခေါ်တယ်။ ပါးစပ်-ဒေါင့်စွန်း နှစ်ဖက်လုံးမှာ ဖြစ်တာများတယ်။ ကွဲကြောင်းလေးတွေ ဖျာထွက်လာမယ်။ သွေးထွက်တတ်တယ်။ အနာအထိ ဖြစ်နိုင်တယ်။ အနာကနေမှိုပိုးဝင်လာရင် Candida albicans (Thrush) ဖြစ်မယ်။ ဗက်တီးရီးယားလဲဝင်နိုင်တယ်။
• Vitamin B 2, Riboflavin ဗီတာမင် ဘီ (၂)၊ ဆေးသောက်ပါ။ ကြွယ်ဝစာစားပါ။ နို့နှင့် နို့ထွက်အစာများ၊ ဥ၊ အသဲ၊ အသီးအရွက်၊ ဆန်၊ ဂျုံ၊ ရိစ်။ Vitamin C ရအောင် စိမ်းတဲ့ အသီးအရွက်-အသီးအနှံတွေလဲစားပါ။
• မှိုကြောင့်ဖြစ်ရင် Antifungal creams မှိုအတွက်လိမ်းဆေးNystatin, Imidazoles, Bifonazole, Clotrimazole, Econazole, Ketoconazole, Nizoral®, Miconazole, Tioconazoleတခုခုသုံးနိုင်တယ်။ Antifungal drug မှိုအတွက်စားဆေးImidazoles, Allylamines
• Clotrimazole and Betamethasone, Nystatin and Triamcinolone Acetonideစတီရွိုက်နဲ့ ရောထားတဲ့ဆေး သုံးနိုင်တယ်။ 1% Hydrocortisone လဲလိမ်းနိုင်တယ်။ ရေယုံဆိုရင် မသုံးပါနဲ့။

1. Herpes Simplex ရိုးရိုးရေယုံ http://dts-medicaleducation. blogspot. in/2011/11/herpes-simplex. html
2. Tongue diseases လျှာနာများ http://dts-medicaleducation. blogspot. in/2013/11/tongue-diseases. html
3. Thrush (Oral candidiasis) မှက္ခရုနာ http://dts-medicaleducation.blogspot.com/…/thrush-oral-cand…
4. Fungal infections (2) မှိုအမျိုးမျိုး ဆေးအမျိုးမျိုး (၂) http://dts-medicaleducation.blogspot.com/2010/10/fungus.html
5. Common Oral Mucosal Lesions ခံတွင်း-ပါးစပ်မှာ ဖြစ်တတ်တဲ့ ရောဂါတွေ http://dts-medicaleducation.blogspot.com/…/common-oral-muco…
6. Tongue diseases လျှာနာများ http://doctortintswe.blogspot.com/20…/…/tongue-diseases.html
7. Aphthous ulcer and Fissured tongue လျှာနာ အာနာ http://doctortintswe.blogspot.com/…/aphthous-ulcer-and-fiss…

Dr. တင့်ဆွေ
https://www.facebook.com/pages/Dr-Tint-Swe/490031307758025?fref=nf

နေ့စဉ်ကော်ဖီသောက်ခြင်းက ဆီးချိုရောဂါအမှတ်(၂)ကိုကာကွယ်ရာရောက်တယ်


ကော်ဖီကြိုက်သူများအတွက်သတင်းကောင်းလေးပါ။ ''ကော်ဖီကို ရံဖန်ရံခါမှသောက်သူတွေထက်စာရင်၊ ကော်ဖီကို နေ့စဉ်ပုံမှန်သောက်သူများဟာ ဆီးချိုရောဂါအမှတ်(၂) ဖြစ်နိုင်ခြေ အလားအလာနည်းပါးနိုင်တယ်''လို့ ပြင်သစ်နိုင်ငံအခြေစိုက် AFP သတင်းဌာနမှ ဧပြီ ၂၄ ရက်မှာ သတင်း ထုတ်ပြန်သွားခဲ့ပါတယ်။ ဆီးချိုရောဂါအမှတ်(၂)ဆိုတာ ခန္ဓာကိုယ်ထဲမှာ အင်ဆူလင်ကိုတုံ့ ပြန်နိုင်အားကျဆင်းလာတဲ့အတွက် အင်ဆူလင် မလိုအပ်ဘဲ အင်ဆူလင်ကို တုံ့ပြန်ပေးနိုင်စွမ်းသော ဆေးဝါးများလိုအပ်ခြင်းကြောင့်ဖြစ်တဲ့ရောဂါတစ်မျိုးပါ။ ပျမ်းမျှ အသက်(၃၅)အထက်မှာ စဖြစ်လေ့ရှိပြီး သွေးတိုး၊နှလုံးရောဂါတို့နဲ့ ဆက်စပ်နေပါတယ်။ သက်ကြီးပိုင်းဖြစ်လေ့ရှိတဲ့ ဆီးချိုရောဂါ၏ ၉ဝ ရာခိုင်နှုန်းခန့်က ထိုဆီးချို ရောဂါအမှတ်(၂)ပဲဖြစ်ပါတယ်။ ယခုလို ကော်ဖီနှင့်ဆီးချို ရောဂါ ဆက်စပ်မှုသုတေသနကီုငဘေနအသူသါငေ အသင်းအဖွဲ့မှ စေတနာရှင် ကျန်းမာရေးဝန်ထမ်း ဦးရေ ၁၂ဝဝဝဝကျော်နှင့် လေ့လာ စမ်းစစ်ခဲ့ပါတယ်တဲ့။ လေးနှစ်ကြာ မျှကော်ဖီစွဲသောက် လာခဲ့ကြသူများ ဖြစ်ကြသော ထိုကျန်းမာရေးဝန်ထမ်းများကို အုပ်စုနှစ်စုခွဲ၍ လေ့လာကြည့်တဲ့အခါမှာ (က) တစ်နေ့ကို ကော်ဖီပျမ်းမျှတစ်ခွက် (သို့မဟုတ်)တစ်ခွက်ခွဲ သောက်လေ့ရှိသူဟာ ဆီးချိုရောဂါ အမှတ် (၂) ဖြစ်နိုင်ခြေအလားအလာ ၁၁ ရာခိုင်နှုန်းနည်းပါးကြောင်း (ခ) တချို့နေ့တွေမှာ ပုံမှန်သောက်နေ ကျ တစ်ခွက်ထက်ပို၍ နှစ်ခွက် တိတိသောက်တတ် သူများဟာ ဆီးချိုရောဂါအမှတ်(၂)ဖြစ်နိုင်ခြေ အလားအလာ ၁၈ ရာခိုင်နှုန်းထိနည်းပါးသွားကြောင်း၊ (ဂ)ဘော့ စတွန်နိုင်ငံရှိ The Harvard School of Public Health မှ Shilpa Bhu-pathiraju ဆိုသူက ထိုသုတေသန ကို ဦးဆောင်သူဖြစ် ကြောင်း The European Association for the Study of Diabetes (ခေါ်) ဆီးချို ရောဂါလေ့လာစောင့်ရှောက်ရေး ကျန်းမာရေးဂျာနယ်တစ်စောင်မှာ ယခုလို အကျယ်တဝင့်ဖော်ပြထား ပါတယ်။ ၄င်းရဲ့အဆိုကို The Science Media Centre မှကျွမ်းကျင် သူများကလည်းအတည်ပြုထောက်ခံ ထားကြပြီး ကော်ဖီတစ်ခွက်နေ့စဉ် သောက်သင့်ပြီး တချို့နေ့တွေမှာ နှစ်ခွက်သောက်ခြင်းဖြင့် ဆီးချို ရောဂါဖြစ်မလာအောင် ထိန်းထား နိုင်တယ်လို့ ထပ်လောင်းအကြံပြု ထားပါတယ်။ သို့သော် အထက်ပါသုတေ သနပြုချက်ထဲမှာတော့ လက်ဖက် ရည်နှင့် Decaffeinated Coffee (ခေါ်)ကဖိန်းဓာတ်မပါတဲ့ ကော်ဖီ အမျိုးအစားတွေကို မဆိုလိုပါဘူးတဲ့။ အကယ်၍ လက်ဖက်ရည် နှင့် Decaffeinated Coffee တို့ကို စွဲသောက်တဲ့ အခါမှာတော့ သွေး ထဲမှာ သကြားဓာတ်တွေများလာ ၍ ဆီးချို(အမှတ်-၂)ဖြစ်စေတဲ့ အပြင် အဝလွန်ရောဂါပါ ဖြစ်လာ စေနိုင်တယ်လို့ ဆိုပါတယ်။

ပေါက်ပေါက်
The Union Daily
http://uniondaily.net/News/DetailView.aspx…

ဒူးဆစ်ရောင်နာပျောက်လိုသော


ဒူးဆစ်ရောင်ဝေဒနာသည် လူလတ်ပိုင်းနှင့် သက်ကြီးရွယ်အိုတို့ကို ဒုက္ခပေးတတ်သော နာတာရှည်ရောင်ရမ်းနာ ဝေဒနာတစ်မျိုးဖြစ်ပါသည်။ ဝဖြိုးသည့် သက်ကြီးရွယ်အို အမျိုးသမီးတို့သည် ဒူးဆစ်ရောင် ဝေဒနာပို၍ စွဲကပ်တတ်ပါသည်။

အောက်ဖော်ပြပါ နှိပ်နယ်နည်းများမှာ ဒူးဆစ်ရောင်ဝေဒနာအား သက်သာစေနိုင်ပါသည်။

၁။ လက်ဖဝါးဖြင့် ခုံညင်းရိုးအား နှိပ်နယ်ပေးခြင်း
ခုတင်ပေါ်တွင် ခြေဆန့်၍ ထိုင်ပြီး သို့မဟုတ် ထိုင်ခုံပေါ်ထိုင်ပြီး ခုံညင်းရိုး (ဒူးခေါင်းရိုး) ပေါ်လက်ဖဝါးထားကာ လက်ယာရစ်၍ နှိပ်ပေးပါ။ နှစ်မိနစ်မှ သုံးမိနစ်ထိ တဖြည်းဖြည်းနှင့် အားစိုက်၍ နှိပ်ပေးပါ။

၂။ ဒူးဆစ်အနီးတစ်ဝိုက် အာရုံကြော အချက်အချာနေရာများအား နှိပ်နယ်ပေးခြင်း
ထိုင်ခုံပေါ်တွင် ထိုင်၍ လက်မထိပ်ပိုင်းဖြင့် အပြင်ဘက် ဒူးဆစ်ချိုင့်ခွက်တို့ကို နှိပ်နယ်ပေးပါ။ ထို့ပြင် တံကျင်ရိုး (Fibula) ထိပ်ပိုင်းရှိ ချိုင့်ခွက်နှင့် ညို့သကျည်းရိုး ထိပ်ပိုင်းရှိ ချိုင့်ခွက်တို့ကိုလည်း နှိပ်နယ်ပေးပါ။

ဒူးခေါင်းရိုးနာကျင်သည့်နေရာကိုလည်း လက်မထိပ်ပိုင်းဖြင့် နှိပ်နယ်ပေးနိုင်ပါသည်။ အဆိုပါ အာရုံကြောအချက်အချာနေရာများကို တစ်မိနစ်စီ နှိပ်နယ်ပေးပါ။ တဖြည်းဖြည်းအားစိုက်၍ နှိပ်နယ်ပေးပါ။ ထုံလာ၊ ကျဉ်လာ၊ နာလာ၊ တောင့်တင်းလာသည်အထိ နှိပ်နယ်ပေးသွားပါ။ ဒူးဆစ်ရောနာ ဝေဒနာ မုချပျောက်ကင်းသွားပါလိမ့်မည်။

Mg Mandalay
https://www.facebook.com/mg.mandalay?fref=ts&ref=br_tf

အိပ်ဆေးမစားဘဲ အိပ်ပျော်စေနိုင်မည့် သဘာဝနည်းများ


ဆရာကြီး ဒေါက်တာမောင်မောင်ညို က ပြောသည်မှာ လူအပါအ၀င် သတ္တ၀ါအားလုံးအတွက် မရှိမဖြစ်လိုအပ်သော မရှောင်လွှဲနိုင်သော အလုပ်သုံးခုမှာ စားခြင်း၊ အိပ်ခြင်းနှင့် မေထုန်မှီဝဲခြင်းတို့ ဖြစ်သည်။ လူ့ခန္ဓာကိုယ်အတွက် အခြေခံလိုအပ်ချက်များဟူ၍လည်း သိပ္ပံပညာရှင်များနှင့် လူမှုရေးပညာရှင်များက ပြောဆိုကြသည်။

ထိုမရှောင်လွှဲနိုင်သော အလုပ် ၃-ခုအနက် စားခြင်းမှာ တခါတရံ ထိန်းသိမ်း၍ရ၏။ မေထုန်မှီဝဲခြင်းမှာလည်း ရှောင်လွှဲ၍ရ၏။ အိပ်ခြင်းကိုမူ မည်သူမျှ အကြာကြီး ရှောင်၍မရပေ။လူတို့သည် အကြောင်းအမျိုးမျိုးကြောင့် အိပ်မပျော်ဖြစ်နိုင်၏။ အိပ်မရဖြစ်နိုင်၏။ ထိုအခါ အိပ်မရသော် အိပ်ဆေးများ သုံးလာကြသည်။

အမေရိကန်နိုင်ငံ၌ တနှစ်လျှင် အိပ်ဆေးတန်ချိန် ၆၀၀-ကျော်မျှ ရောင်းချရ၏။ အမေရိကန်လူမျိုး သန်း ၅၀-ကျော်သည် အိပ်ဆေးမစားရပါက အိပ်၍မရဟု သိရသည်။ အိပ်ပျော်စေရန် သုံးသော ဆေးများမှာ ကမ္ဘာပေါ်တွင် လူသုံးအများဆုံးဆေးများ ဖြစ်ပါသည်။

အောက်ပါလုပ်ဆောင်ချက်များသည် အိပ်ဆေးမစားဘဲ အိပ်ပျော်စေနိုင်မည့် သဘာဝနည်းများ ဖြစ်ပါသည်။

(၁) အိပ်ရာမ၀င်မီ ရေချိုးခြင်း။
အိပ်ရာမ၀င်မီ ရေချိုးခြင်းမှာ လူကို လန်းဆန်း၍ သန့်စင်စေသလို အိပ်ရာဝင်သောအခါ၌ အိပ်ပျော်စေ၏။ ပူအိုက်သောရာသီတွင် ရိုးရိုးရေကို ချိုး၍, ချမ်းအေးသောရာသီတွင် ရေနွေးဖြင့်စပ်၍ ချိုးပါက အရေပြားသို့ သွေးအရောက်များပြီး အိပ်ပျော်စေနိုင်ပါသည်။

(၂) အိပ်ရာမ၀င်မီ တူရိယာဂီတ နားထောင်ခြင်း။
အိပ်ရာမ၀င်မီ ငြိမ့်ညောင်းသာယာသော ဂီတသံများ နားထောင်ခြင်း၊ ပျော်ရွှင်ဖွယ်၊ စိတ်ငြိမ်းချမ်းဖွယ် ရုပ်ရှင်၊ တယ်လီဗေးရှင်းဇာတ်လမ်းများ ကြည့်ရှုခြင်းမှာ စိတ်ကို လန်းဆန်း၍ လူကို အိပ်ပျော်စေပါသည်။

(၃) စာဖတ်ခြင်း။
အိပ်ရာမ၀င်မီ မိမိစွဲမက်သော ၀တ္ထုစာအုပ်များကို ဖတ်၍ အိပ်ပါက အိပ်၍ပျော်စေပါသည်။

(၄) စိတ်လျော့ခြင်း။
မအိပ်မီ စိတ်လျော့ခြင်း၊ တရားထိုင်ခြင်း၊ အနင်းအနှိပ် ခံခြင်းများသည်လည်း အိပ်၍ပျော်စေပါသည်။

(၅) နွားနို့ပူပူသောက်ခြင်း။
အိပ်ရာမ၀င်မီ နွားနို့(သို့) အိုဗာတင်း၊ မိုင်လို စသည်တို့ကို ခပ်ပူပူ ခပ်နွေးနွေး တခွက်သောက်ပါက အိပ်ပျော်စေသည်။ ဗိုက်လည်းပြည့်၊ သွေးလည်ပတ်မှုနှင့်လည်းညီ၊ အာဟာရလည်းရသဖြင့် ကျန်းမာရေးနှင့် ညီညွတ်ပေသည်။

(၆) ကခုန်ခြင်း၊ လေ့ကျင့်ခန်း ပြုလုပ်ခြင်း။
အိပ်ရာမ၀င်မီ နာရီဝက်၊ တနာရီခန့် ကခုန်ခြင်း၊ ကိုယ်လက်လေ့ကျင့်ခန်းများ ပြုလုပ်ခြင်းသည် လူ၏ကြွက်သားများကို ပျော့ပျောင်းစေပြီး သွေးလည်ပတ်မှုကို ကောင်းစေသည်။ ကိုယ်ခန္ဓာမှ အညစ်အကြေးများကိုလည်း ထွက်စေသည်။ ထိုသို့ပြုလုပ်ပြီးနောက် ရေချိုးပြီး အိပ်ရာဝင်ပါက နှစ်နှစ်ခြိုက်ခြိုက် အိပ်ပျော်စေပါသည်။

Mg Mandalay
https://www.facebook.com/mg.mandalay?fref=ts&ref=br_tf

ကညွတ်စားသုံးခြင်းဖြင့် ရရှိနိုင်သော အကျိုးကျေးဇူးများ


ကညွတ်တွင် Vitamin A ,Vitamin B-Complex, Vitamin C, Vitamin E , Manganese , Selenium စသည်ဖြင့် အဖိုးထိုက်တန်သော ဗီတာမင်များနှင့် သတ္တုဓာတ်များစွာပါဝင်ပါတယ်။ကညွတ်မြစ်ဟာ စိတ်ကျရောဂါကို တိုက်ဖျက်ပေးနိုင်စွမ်းပြီး စိတ်ခံစားမှုစွမ်းအားကို တိုးတက်ကောင်းမွန်စေပါတယ်။

ဒါ့အပြင် ကညွတ်ကို စားသုံးပေးခြင်းဖြင့် ဦးနှောက်နှင့် အာရုံကြော စွမ်းအားများကို တိုးမြှင့်ပေးရုံသာမက ကင်ဆာဖြစ်စေသောအရာများစွာကို ကာကွယ်ဟန့်တားပေးနိုင်ခြင်း ၊ နှလုံး ၊ ပန်းနာရင်ကြပ် ၊ မျက်စိအတွင်းတိမ် ၊ သည်းခြေရောဂါများ ၊ အဆစ်ရောင်ရောဂါ ၊ ဆီးပူ ၊ ဆီးအောင့် ၊ ဆီးကျောက်တည်ခြင်း နှင့် လေရောဂါများကို သက်သာပျောက်ကင်းစေနိုင်ခြင်း ၊ သွေးတွင်းရှိ သကြားဓာတ်ကို ထိန်းညှိပေးနိုင်ခြင်း ၊ အမျှင်ဓာတ်ပါဝင်သောကြောင့် ကိုယ်အလေးချိန်လျော့ချရာတွင် အထောက်အကူပေးနိုင်ခြင်း စတဲ့အကျိုးကျေးဇူးများစွာကို ပေးစွမ်းနိုင်ပါတယ်။

ဒါ့အပြင် Folate ကြွယ်ဝတာကြောင့် ကိုယ်ဝန်ဆောင်အမျိုးသမီးများ စားသုံးပါက လမစေ့ခင် ကလေးမီးဖွားခြင်းများ ၊ အာရုံကြောအားနည်းခြင်းများ ၊ ကျောရိုးနာဗ့်ကြောရောဂါဖြစ်ခြင်းများမှ ကာကွယ်ပေးနိုင်သော ဆေးဖက်ဝင် ဟင်းသီးဟင်းရွက်တစ်မျိုးဖြစ်ပါတယ်။ ကညွတ်ကို အစိမ်းစားပေးပါက ပိုမိုအစွမ်းအာနိသင် ထက်မြက်စေပါတယ်။

Enervon-C Myanmar
မြ၀တီ
https://www.facebook.com/mwdmedia

နှုတ်ခမ်းသားမည်းညစ်ခြင်း ကင်းဝေးရအောင်


နှုတ်ခမ်းတစ်စုံရဲ့ လှပမှုဟာ အမျိုးသမီးတွေအတွက် မရှိမဖြစ်ပါ။

ဒါကြောင့်လည်း အမျိုးသမီးတိုင်းလိုလိုမှာ အနဲဆုံး နှုတ်ခမ်းဆိုး ဆေးအရောင် ၃-မျိုးလောက်ရှိတတ်ကြပြီး၊ အပြင်သွားခါနီးတိုင်း မိမိဝတ်ဆင်မယ့် အ၀တ်အစား
အရောင်နဲ့  အနီစပ်ဆုံး နှုတ်ခမ်း နီဗူးလေးကို ထုတ်ဆိုးလေ့ရှိကြပါတယ်။
ဘယ်လိုပင် နှုတ်ခမ်းဆိုးဆေး အကူအညီသုံးပြီး လှပနေပါစေ မိမိရဲ့ နှုတ်ခမ်းသား
အရောင်ကို ပန်းဆီရောင်လေးသဖွယ် သဘာဝအတိုင်းလှနေချင်တာ မိန်းကလေး တိုင်းရဲ့ ဆန္ဒပါ။

အမျိုးသားတွေလဲ ထို့ အတူပါဘဲ နှုတ်ခမ်းမည်းမည်းကြီး မဖြစ်ချင်ကြပါဘူး။
အချို့  အမျိုးသား/အမျိုးသမီးတွေမှာ အရွယ်မတိုင်မီ နှုတ်ခမ်းသားတွေ မည်းလာ တတ်ကြပါတယ်။

အကြောင်းရင်းကတော့ ကော်ဖီ၊ လ္ဘက်ရည်၊ ဆေးလိပ်လွန်စွာ သောက် သုံးခြင်းကြောင့် ကဖိန်းဓာတ်ရဲ့ ဘေးထွက်ဆိုးကျိုးများ၊ နေပူထဲ အထွက်များ ၍နေလောင်ခြင်း၊ ရေနွေး၊ ဟင်းချို စတဲ့အရည်ပူပူတွေကို ခွက်ပူပူထဲ ကနေ စုပ် ယူသောက်လေ့ရှိခြင်း၊ ခဲဓာတ်များတဲ့ နှုမ်းခမ်းဆိုးဆေး အန္တရာယ၊် ရောဂါ တစ်ခုခုကြောင့်သောက်သုံးနေရတဲ့ ပဋိဇီဝဆေးတွေရဲ့ တန်ပြန်သက်ရောက်မှု စတာတွေကြောင့် နှုတ်ခမ်းသားကို မည်းလာစေပါတယ်။ အဲဒီအတွက် စိတ်မညစ်ကြ ပါနဲ့ ။ ဒီမှာ ရိုးရှင်းလွယ်ကူပြီး ငွေကုန်ကြေးကျ မများတဲ့ နည်းလမ်းကောင်းလေးတွေ
ရှိပါတယ်။

သကြား ( Sugar )

သကြားနဲ့ ပွတ်ပါ နှုတ်ခမ်းမည်းမည်းတွေအတွက် သကြားက အကောင်းဆုံးဆေး ပါဘဲ။ လ္ဘက်ရည်ဇွန်း ၃-ဇွန်းစာပမာဏရှိတဲ့ သကြားမှုန့်  ဖြူဖြူလေးတွေကို ထောပတ်နဲ့ ရောပြီးနောက်၊ ရလာတဲ့အနှစ်ကို နှုတ်ခမ်းပေါ် လိမ်းပေးပါ။ ထောပတ်က နှုတ်ခမ်း သား အစိုဓာတ်ကိုထိန်းပေးသလို၊ သကြားက နှုတ်ခမ်းပေါ်ရှိ ဆဲလ် အသေတွေကို ဖယ်ရှားပေးပါတယ်။

မုန်လာဥနီ ( Beetroot )

မုန်လာဥနီအလုံး (ခေါ်)သကြားမုန်လာ ( Beetroot ) ကိုသုံးပါ သွေးကြည်ရောင် လို ရဲရဲနီတဲ့ သကြားမုန်လာဥတွေက အရေပြားပေါ်ရှိ ဆဲလ်အသေတွေကို ကောင်းစွာဖယ်ရှားပေးနိုင်ပြီးတော့၊ နှုတ်ခမ်းသာ မည်းခြင်းကို တဖြည်းဖြည်းလျော့ ပါးသွားစေပါ တယ်။

သံလွင်ဆီ ( Olive Oil )

သံလွင်ဆီလိမ်းပါ။ အသားအရေကိုကောင်းကျိုးပြုကာ အာဟာရ တန်ဖိုးမြောက်များ စွာပါတဲ့ သံလွင်ဆီကို နှုတ်ခမ်းပေါ်မှာ အစက်ကလေးတွေ ချပြီးတော့ နှုတ်ခမ်းသားထဲစိမ့်ဝင်အောင် ပွတ်လိမ်းပေးပါ။

နှင်းဆီ (Rose)

နှင်းဆီပွင့်ချပ်လေးတွေသုံးပါ။ နှင်းဆီပွင့်ချပ်လေးတွေကို ထောပတ်နဲ့ ရောထောင်းပြီးတော့ ရလာတဲ့ အနှစ်တွေကို နှုတ်ခမ်းပေါ် အုံတင်ထားပေးပါ။
အဲဒီလို ရက်သတ္တ ၁-ပတ်မှာ ၂-ကြိမ်လောက် လုပ်ပေးခြင်းဖြင့် မည်းနေတဲ့နှုတ် ခမ်းသားတွေ တဖြည်းဖြည်း အရောင် ဖျော့သွားလာပါလိမ့်မယ်။

စတော်ဘယ်ရီ ( Strawberry )

စတော်ဘယ်ရီသီးတွေနဲ့ ပွတ်ပါ။ စတော်ဘယ်ရီသီးတွေကလည်း နှုတ်ခမ်းသား
မည်းခြင်းအတွက် အကောင်းဆုံး သဘာဝဆေး လေးတွေပါဘဲ။ အဲဒီအသီး မှည့်မှည့်တွေကို ရှာစောင်းလက်ပပ်ဂျယ်လီ၊ ပျားရည်တို့ နဲ့ ရောပြီး နှုတ်ခမ်းသား ကိုပွတ်တိုက်ပေးပါ။ ၁၀-မိနစ်ခန့် အကြာမှာ ရေအေးဖြင့်ဆေးပါ (ရေခဲရေမဟုတ်ပါ)

သလဲသီး ( Pomegranate )

သလဲသီးသုံးပါ။သလဲသီးကိုအစေ့ဖယ်ပြီးနောက်ရလာတဲ့အသားဖတ်လေးတွေကို
ထောပတ်နဲ့ နယ်၍၊ နှုတ်ခမ်းသားတွေကို သုတ်လိမ်းပေးပါ။ ညအိပ်ယာ ၀င်ခါးနီးတိုင်း လုပ်ပေးခြင်းဖြင့် ရက်အနည်းငယ်အတွင်းမှာပင် နှုတ်ခမ်းသားလေး သိသိသာသာ ပန်းရောင် ပြောင်းလာနိုင်ပါတယ်။

ဆား ( Salt )

ဆားနဲ့ ပွတ်ပါ။ အိမ်သုံးဆားမှုန်လေးတွေကို နွားနို့  နဲ့ ရောပြီးတော့၊ ရလာတဲ့ အနှစ် ပျစ်ပျစ်တွေကို နှုတ်ခမ်းသားပေါ် ခပ်ဖွဖွ ပွတ်တိုက်ပေးပါ။ ၁၅-မိနစ်ခန့်အကြာ ရေအေးဖြင့်ဆေးပါ (ရေခဲရေမဟုတ်ပါ)

ရှားစောင်းလက်ပတ် ( Aloe )

ရှားစောင်းလက်ပတ်ဂျယ်လီသုံးပါ။ မည်းညစ်နေတဲ့ နှုတ်ခမ်းသားကို မူလ အရောင်ပြန်ရစေဖို့ အတွက် ရှားစောင်းလက်ပတ်ဂျယ်လီ က အကောင်းဆုံး သမားတော်ဖြစ်ပါတယ်။ အဲဒီအပင်ထဲက အနှစ်တွေကိုညှစ်ချပြီးတော့ နှုတ်ခမ်း သားပေါ်တင်ပြီး ပွတ်လိမ်း လိုက်ရုံပါဘဲ။

ငှက်ပျောသီး ( Banana )

ငှက်ပျောသီးသုံးပါ။ ဌက်ပျောသီးမှည့်မှည့်ကို နွားနို့ ၊ ပျားရည်တို့ ဖြင့် သမအောင်ရော နယ်ပြီးတော့ နေ့ စဉ်လိမ်းပေးပါ။ ရက် အနည်းအတွင်းမှာပင် ထူးခြားတဲ့ အာနိသင်ကို လက်တွေ့ ခံစားရပါလိမ့်မယ်။

Credit: ပေါက်ပေါက်
မြ၀တီ
https://www.facebook.com/mwdmedia

သားသမီးနှစ်ဦးထက်ပိုယူပါက ဇနီးမောင်နှံ ကျန်းမာရေးကိုထိခိုက်နိုင်


ဇနီးမောင်နှံများအနေဖြင့် ကလေးနှစ်ယောက်ထက်ပိုယူပါက ကျန်းမာရေးကို ဆိုးရွားစွာ ထိခိုက်စေဖွယ်ရှိကြောင်း လေ့လာဆန်းစစ်မှုတစ်ခုတွင် ဖော်ပြထားကြောင်းသိရသည်။ အမျိုးသား၊ အမျိုးသမီး ၁ဒသမ ၅သန်းကို လေ့လာ ဆန်းစစ်ခဲ့ရာ မိဘဖြစ်လာသူများသည် ကင်ဆာ သို့မဟုတ် နှလုံးရောဂါ စသည့်ရောဂါဝေဒနာတို့ကို ဖြစ်ပွားရန် ပိုမို အလားအလာရှိကြောင်း တွေ့ရှိခဲ့ရသည်ဟုဆိုသည်။

မိဘဖြစ်လာသူအများစုသည် ကြီးမားလှသော မိသားစုကြီးအား ပြုစုစောင့်ရှောက်ရန် စိတ်ဖိစီးမှုနှင့် ငွေကြေးအခြေအနေများအား နိုင်နင်းစွာ ဆောင်ရွက်ရန် ရုန်းကန် ကြိုးပမ်းနေရသည့်အတွက် သူတို့၏ကျန်းမာရေးကို ဂရုမစိုက်နိုင်သောကြောင့်ဖြစ်သည်။

ဗြိတိသျှနှင့် နော်ဝေ သုတေသနပညာရှင်တို့၏ လေ့လာသုံးသပ်ချက်အရ ကလေး လေးယောက်ထက် ပိုရှိသော မိသားစုတွင် အမျိုးသမီးများမှာ သားအိမ်ခေါင်း ကင်ဆာဖြစ်ပွားမည့် ဘေးဥပဒ်ကို တိုးပွားစေပြီး အမျိုးသားများတွင်မူ မတော်တဆ သေဆုံးမှုနှင့် ယာဉ်တိုက်မှုကဲ့သို့ ပြင်းထန်စွာ ထိခိုက်သေဆုံးမှုများဖြစ်ပေါ်ကြောင်း တွေ့ရှိခဲ့ရသည်။

ကလေးသုံးယောက်ရှိသော မိသားစုမှ မိဘများမှာ ကျန်းမာရေးအဆိုး နှင့် အကောင်း ရောယှက်နေသော်လည်း ကလေးနှစ်ယောက်သာရှိသော မိဘများမှာမူ စိတ်ဖိစီးမှုနှင့် ပံ့ပိုးမှုညီမျှအောင် စီမံဆောင်ရွက်နိုင်သည့်အတွက် ကျန်းမာရေးနှင့် ပတ်သက်၍ အကောင်းဆုံးအခြေအနေကို ဖြစ်ပေါ်စေခဲ့သည်ဟု သုတေသန ပညာရှင်တို့၏ လေ့လာဆန်းစစ်မှုတွင် ဖော်ပြခဲ့ကြောင်းသိရသည်။

Mg Mandalay
https://www.facebook.com/mg.mandalay?fref=ts&ref=br_tf

ကော်ဖီသောက်သုံးလျှင် အူသိမ်အူမ ကင်ဆာ သက်သာစေနိုင်


သုတေသီများ၏ လေ့လာတွေ့ ရှိချက်အရ တစ်နေ့ လျှင် ကော်ဖီလေးခွက်နှင့် အထက်သောက်သုံးပါက အူသိမ်အူမ ကင်ဆာရောဂါဖြစ်ပွားမှုကို သက်သာစေမည်ဖြစ်ကြောင်း ထုတ်ဖော်ပြောကြားခဲ့ပြီ အသားပို အကျိတ်နှင့် ကင်ဆာဖြစ်ပွားခြင်းအား ကော်ဖီလေးခွက် သောက်လျှင် ၁၅ ရာခိုင်နှုန်းသက်သာစေနိုင်ပြီး ခြောက်ခွက်နှင့် အထက် သောက်သုံးပါက ၄၀ ရာခိုင်နှုန်း အထ်ိလျှော့ချနိုင်သည် ။

ဗြိတိန်နိုင်ငံတွင် တစ်နေ့ လျှင် လူ ၄၀၀၀၀ ဦးခန့်  အူသိမ်အူမ ကင်ဆာဖြစ်ပွားမှုကို ကြုံတွေနေရသည် ။

ဂျပန်သုတေသီများ၏ လေ့လာချက်အရ ကော်ဖီသောက်သုံးခြင်း သည်ပါးစပ်နှင့် အစာပြွန်ဝေဒနာများကိုလည်း ကောင်းမွန်စေသည် ဟု သိရသည် ။

ကော်ဖီတွင် ပါဝင်သော ကဖိန်းဓာတ်ကြောင့် အဆိုပါသက်သာမှုများဖြစ်ပေါ်စေခြင်းဖြစ်ကာ ကိုယ်ဝန်ဆောင်များတွင်မူ ဆရာဝန်ညွှန်ကြားမှုဖြင့်သာ ကော်ဖီသောက်သုံးမှုကို ချင့်ချိန်သင့်ကြောင်း သိရသည် ။

Mg Mandalay
https://www.facebook.com/mg.mandalay?fref=ts&ref=br_tf

Low blood pressure သွေးဖိအားနည်းခြင်း


ဆရာ ကျမအမည့့် ပါ။ အသက် ၄ဝ။ ရန်ကုန့့် မှာနေပါတယ်။ အိမ်ထောင်သည် ကလေး ၂ ယောက်အမေပါ။ ကျမ အမြဲတိုင်း သွေးပေါင်ချိန်ကျပါတယ်။ အိပ်ယာထရင် အမြဲခေါင်းမူးနေတတ်ပါတယ်။ သွေးပေါင်ချိန်လိုက်တိုင်း အပေါ်သွေး ၁ဝဝ ကျော်ကျော်နဲ့ အောက်သွေး ၅၅ အများဆုံးပါပဲ။ Merislon, folic acid, omega 3, vitamin E နေ့တိုင်းသောက်ပါတယ်။ မနက်စာနဲ့ နေ့လည်စာပဲ ထမင်းစားပါတယ်။ ညနေစာနဲ့ ညလည်စာကို အဆီမပါတဲ့ မဝစေမဲ့တဲ့ အစာမျိုးပဲစားပါတယ်။ မနက်ပိုင်းအိပ်ယာထမှာ အိပ်ရေးမဝသလို အမြဲခေါင်းမူးပြီး သွေးပေါင်ကျနေတာ သက်သာရအောင် ဘယ်လို နေထိုင်စားသောက်ပြီး ဘာဆေးကို သောက်သင့်သလဲဆိုတာ လမ်းညွန်ပေးပါရှင်။

သွေးဖိအားနည်းတယ်ဆိုတာမှာ နှိုင်းပြောရတာမျိုးဖြစ်တယ်။ အရင်ကထက် နည်းတာလဲကျတာဘဲ။ ပုံမှန်ထက် နည်းတာလဲ ကျတာဘဲ။ ဆေးပညာမှာ ဘယ်ဂဏန်းကို ကျတယ်ပြောမလဲလို့ အတိအကျမရှိပါ။ အထက်သွေး ဖိအား ၁ဝဝ အောက်ကျရင် နည်းတယ်လို့ပြောရင် မမှားပါ။ သွေးဖိအားနည်းစေတဲ့အကြောင်းတွေ အမျိုးမျိုးရှိတယ်။ ဝမ်းပျက်ရင်။ အန်ရင်၊ အလုပ်ပင်ပန်းရင်လဲဖြစ်တယ်။ သွေးထွက်-သွေးဆင်း များရင်လဲဖြစ်တယ်။ ဖြစ်စေတာကို ကုရမယ်။ နားရမယ်။ မူးမိုက်သွားရင် ချက်ချင်းလှဲအိပ်ရမယ်။ လိုအပ်ရင် Dextrose, RL drip သွင်းရမယ်။ သွေးကြောင့်ဆိုရင် သွေးသွင်းရမယ်။ ကျန်တာအတွက် ORS ဓါတ်ဆားရည် သောက်ရမယ်။ အမြဲလိုနည်းနေရင် ဆေးစစ်ရမယ်။

သွေးဖိအားနည်းတာကို Hypotension လို့လဲခေါ်တယ်။ နှလုံးကနေ လူ့တကိုယ်လုံးအနှံ့ရောက်အောင် ဖိအားသုံးပြီး ညှစ်ထုတ်နေရတာမှာ ဖိအားနည်းရေင် သွေးသန့်တွေ လုံလောက်အောင် မရောက်စေနိုင်ဘူး။ သွေးဖိအား နည်းနေယုံ သက်သက်ဆိုရင် ဘာမှစိုးရိမ်စရာမရှိပါ။ ခေါင်းထဲပေါ့နေမယ်၊ ခေါင်းမူးမယ်၊ သတိလစ်ချင်သလိုဖြစ်မယ်ဆိုရင်တော့ ဆေးကုရပါမယ်။ ဒီလိုဖြစ်တာကလဲ လှဲနေရာကနေ ထတာ၊ ရပ်တာလုပ်မှ ဖြစ်တတ်တယ်။

ဆိုးတဲ့အခြေအနေတွေမှာ ဦးနှောက်သွေးမလုံလောက်တာ၊ ကျောက်ကပ်အလုပ်မလုပ်နိုင်တာတွေဖြစ်နိုင်တယ်။ (ရှော့ခ်) ရနိုင်တယ်။ ဒါပေမဲ့ အဲလိုနည်းနေသူတွေ တခြားလူတွေထက် ဒီရောဂါကြီးတွေ အဖြစ်နည်းကြတယ်။ ဖြစ်စေတတ်တဲ့ အကြောင်းရင်းတွေကတော့ သွေးထုထည်နည်းတာ၊ နှလုံးရောဂါနဲ့ ဆေးတွေကြောင့်ဖြစ်တယ်။ ကုတဲ့အခါမှာလဲ ဘာလို့ ဖြစ်သလဲအပေါ်မှာ မူတည်တယ်။

သွေးတိုးရောဂါမှာလို အထက်ဂဏန်း-အောက်ဂဏန်းကိုကြည့်ပြီး သွေးဖိအားနည်းတယ်ပြောတာထက် ဘာတွေ ခံစားနေရသလဲကို ကြည့်ရတယ်။ BP 90/50 ရှိပြီး ဘာမှမခံစားရတာလဲရှိတယ်။ ဆေးကုစရာမလိုပါ။

ကိုယ်ဝန်ဆောင်ရင် သွေးဖိအားနည်းတတ်တယ်။ 100/60 သာရှိပေမဲ့ ပုံမှန်လို့ပြောနိုင်ပါတယ်။ အားကစားသမားတွေမှာ သူများထက်နည်းနေတယ်။ သွေးဖိအားနည်းနေသူမျိုးဟာ ရေရှည်ကြည့်ရင် ကောင်းတယ်လို့ ပြောနိုင်တယ်။ ရေဓါတ် နည်းခြင်းကြောင့် ဖြစ်နိုင်တယ်။ ဝမ်းလျှောတာ၊ အန်တာ၊ လှုပ်ရှာမှုများတာ? ချွေးထွက်များတာ၊ ရာသီဥတုပူပြင်းတာ တွေကနေ ဖြစ်တယ်။

သွေးဖိအားနည်းစေနိုင်တဲ့ ရောဂါတွေ -
• Acute pancreatitis သရက်ရွက်ရောင်ခြင်း၊
• Heart disease နှလုံးရောဂါ၊
• Bradycardia နှလုံးခုန်နှုန်းနှေးခြင်း၊
• Heart block နှလုံးပိတ်ရောဂါ၊
• Tachycardia နှလုံးခုန်နှုန်းမြန်ခြင်း၊
• Pulmonary embolism အဆုပ်သွေးကြောပိတ်ခြင်း၊
• Digoxin နှလုံးဆေး၊
• Angiotensin converting enzyme, ACE inhibitors, Angiotensin receptor blockers, Beta blockers, Calcium channel blockers, and Alpha blockers သွေးတိုးဆေးတွေ၊
• Hydrochlorothiazide and Furosemide (Lasix) ဆီးသွားဆေးတွေ၊
• Amitriptyline (Elavil) စိတ်မကျဆေး၊
• Sildenafil (Viagra), Vardenafil (Levitra), and Tadalafil (Cialis) ပန်းညှိုးသက်သာဆေးတွေကို Nitroglycerin ဆေးနဲ့တွဲသုံးခြင်း၊
• Alcohol အရက်နဲ့ Narcotics မူးယစ်ဆေးတွေ၊
• Septicemia သွေးထဲပိုးဝင်ခြင်း၊
• Anaphylaxis (ရှော့ခ်) ရခြင်း

ဘယ်လိုကုသမလဲ
• ရေဓါတ်နည်းနေရင် ORS ဓါတ်ဆားထုပ်သောက်ပါ။ လိုသေးရင် RL Drip သွင်းပါ။
• သွေးယိုတာရှိရင် သွေးထိတ်အောင်လုပ်ပါ။ သွေးသွင်းပါ။
• Septic shock ဖြစ်နေရင် ချက်ချင်း ပိုးသေဆေး သွေးကြောထဲထိုးပါ။ Drip သွင်းပါ။
• သွေးတိုးဆေးတွေနဲ့ ဆီးသွားဆေးတွေကြောင့်ဆိုရင် ဆေးချိန်ဆ ပြုပြင်ပေးမယ်။
• နှလုံးခုန်နှေးလွန်းနေရင်၊ နှလုံပိတ်ရောဂါဖြစ်နေရင် Pacemaker တပ်ပေးမယ်။
• နှလုံးရောင်ခြင်း၊ နှလုံးခုန်မြန်ခြင်း၊ အဆုပ်သွေးကြော ပိတ်ခြင်းတွေကို ဆေးကုသရမယ်။
• Postural hypotension လူအနေအထားကြောင့်ဖြစ်ရတာဆိုရင် အစားအသောက်ပြုပြင်ရမယ်။ ရေ + ဆား များစေရမယ်။ ကေဖင်းပါတဲ့သောက်စရာတွေ သောက်နိုင်တယ်။ Compression stockings ခြေပိုင်းကို ပတ်တီးစီးပေးနိုင်တယ်။ တချို့ကို Midodrine (ProAmatine) ဆေးပေးမယ်။ တချို့ကို Pyridostigmine ဆေးပေးမယ်။
• သွေးဖိအားနည်းပေမဲ့လူကနေကောင်းရင် ဆေးကုဘို့မလိုပါ။ အစာအဟာရ မျှတလုံလောက်အောင်သာစားပါ။

ဒေါက်တာတင့်ဆွေ
https://www.facebook.com/pages/Dr-Tint-Swe/490031307758025?fref=nf

တစ်နေ့ လျှင် ကော်ဖီနှစ်ခွက် သောက်သုံးပါက ပါကင်ဆန်ရောဂါ သက်သာစေနိုင်


ဗြိတိန်ဆေးပညာရှင်များ၏ လေ့လာတွေ့ ရှိချက်အရ တစ်နေ့ လျှင် ကော်ဖီနှစ်ခွက်ခန့်  သောက်ခြင်းဖြင့် ပါကင်ဆန် ဟု အမည်ရသော အကြောအား နည်းခြင်းကြောင့် ခြေတုန် လက်တုန်ဖြစ်ခြင်းကို လျှော့ချပေးနိုင်ကြောင့် လေ့လာတွေ့ ရှိရသည် ။

သုတေသီများက လူနာပေါင်း ၆၀ ဦးခန့် အား လေ့လာမှုများ လုပ်ဆောင်ခဲ့ ပြီးနောက်တွင် တွေ့ ရှိခဲ့ခြင်းဖြစ်ကာ ကဖိန်းဓာတ် ဖြည့်စွက်သော အစားအစာများသည် ပါကင်ဆန်ရောဂါကို သက်သာစေနိုင်ကြောင်း တွေ့ ရသည် ။

ကနေဒါနိုင်ငံရှိ မွန်ထရီယယ်မြို့ မှ သုတေသီများက အဆိုပါ လေ့လာမှုကို ထုတ်ဖော်ပြောကြားခဲ့ခြင်းဖြစ်ကြောင်း သိရသည် ။ News

Mg Mandalay
https://www.facebook.com/mg.mandalay?fref=ts&ref=br_tf

အရပ်ရှည်စေမည့် အစားအစာများ


အရပ်ရှည်ခြင်းဟာ မျိုးရိုးဗီဇနဲ့ အတိုင်းအတာ တစ်ခုအထိ သက်ဆိုင် ပေမယ့် အာဟာရပြည့်ပြည့်ဝဝ ရရှိမှု အပေါ်မှာလည်း အဓိက မူတည်နေပါတယ်။ အရပ်ရှည်ဖို့အတွက် ခန္ဓာကိုယ်ကြီးထွား ဖွံ့ဖြိုးနေတဲ့အရွယ်ဖြစ်တဲ့ ကလေးဘဝနဲ့ ဆယ်ကျော်သက်ဘဝမှာ အာဟာရ လုံလောက်အောင် ရရှိဖို့ အလွန်အရေးကြီး ပါတယ်။

ပရိုတင်း၊ ဗီတာမင်နဲ့ သတ္တုဓာတ်ကြွယ်ဝတဲ့ အစားအစာတွေဟာ အရပ်ရှည်ခြင်းနဲ့ အဓိကသက်ဆိုင်တဲ့ ကြီးထွားဟော်မုန်း (Growth Hormone) ကိုမြှင့်တင်နိုင်ဖို့အတွက် အရေးကြီးပါတယ်။

သုတေသနတွေအရ ဗီတာမင်အေ၊ ပရိုတင်းနဲ့ ဇင့်ဓာတ်တွေဟာ အရပ်ရှည်တဲ့ ဖြစ်စဉ်ပေါ်မှာ အကောင်းဆုံးအကျိုးသက်ရောက်မှုရှိတယ်လို့ သိရပါတယ်။ ဒါပေမယ့် ဒီအာဟာရဓာတ်တွေကိုချည်း စားရမှာမဟုတ်ဘဲ တခြားဗီတာမင်တွေ၊ သတ္တုဓာတ်တွေ၊ ကယ်လ်စီယမ်၊ အဆီနဲ့အမျှင်ဓာတ်တွေအပါအဝင် မျှတတဲ့ အစာအာဟာရတွေကို စားသောက်ပေးတာက ခန္ဓာကိုယ်ကျန်းမာဖို့နဲ့ အရပ်ရှည်ဖို့အတွက် မရှိမဖြစ်လိုအပ်ချက် ဖြစ်ပါတယ်။ အောက်ပါတို့ဟာ အရပ်ရှည်စေဖို့အတွက် အရေးကြီးတဲ့ အစာအာဟာရတွေ ဖြစ်ပါတယ်။

ဗီတာမင် အေ
ဗီတာမင်အေဟာ အရပ်ရှည်ပြီး ခန္ဓာကိုယ် ကြီးထွားဖွံ့ဖြိုးဖို့အတွက် တွန်းအားပေးနိုင်ရုံ သာမက မျက်စိဖွံ့ဖြိုးမှု၊ မျိုးပွားအင်္ဂါတွေနဲ့ ခုခံအားစနစ်ရဲ့ လုပ်ဆောင်မှုတွေမှာလည်း ကူညီပေးနိုင်ပါတယ်။ ဒါ့အပြင် အရေပြား၊ အချွဲမြှေးလွှာနဲ့ အမြင်အာရုံဆိုင်ရာ ဖြစ်စဉ် တွေကို ထိန်းသိမ်းရာမှာလည်း ကူညီပေးပါတယ်။

ဗီတာမင်အေ ကြွယ်ဝတဲ့ အစားအစာတွေကတော့ ယေဘုယျအားဖြင့် လိမ္မော်ရောင်ရှိတဲ့ အစားအစာတွေပါ။ ကန်စွန်းဥ၊ မုန်လာဥနီ၊ လိမ္မော်သီး၊ သင်္ဘောသီး၊ အနီရောင် ငရုတ်ပွ တွေ ဖြစ်ပါတယ်။ ဒါ့အပြင် ဗီတာမင်အေဟာ ဆော်လမွန်ငါး၊ အသည်း၊ နို့ထွက်ပစ္စည်း၊ ကြက်ဥအနှစ်၊ သင်္ဘောရွက်၊ ကိုက်လန်၊ သဖန်းသီးခြောက်၊ ကီဝီသီး၊ ဆီးသီး၊ ပန်းဂေါ်ဖီစိမ်းနဲ့ ခရမ်းချဉ်သီးတွေမှာလည်း ပါဝင်ပါတယ်။

ပရိုတင်း
ပရိုတင်းဟာ အရပ်ရှည်ဖို့၊ ခန္ဓာကိုယ်တစ်သျှူးတွေ ဖွံ့ဖြိုးဖို့နဲ့ ပြန်လည်ပြုပြင်ဖို့၊ ရောဂါပိုး တွေကို တွန်းလှန်တိုက်ခိုက်နိုင်တဲ့ ပဋိပစ္စည်း (Antibodies) တွေရဲ့ လုပ်ဆောင်မှုကို ထိန်းသိမ်းဖို့၊ အင်ဇိုင်းတွေနဲ့ ဟော်မုန်းတွေကို ထိန်းညှိပေးဖို့တွေအတွက် အရေးကြီးပါတယ်။
အသား၊ ငါး၊ ကြက်ဥ၊ ဘဲဥ၊ နို့၊ အခွံမာသီး၊ ပဲပိစပ်တွေဟာ ပရိုတင်းဓာတ်ကြွယ်ဝတဲ့ အစားအသောက်တွေဖြစ်ပါတယ်။ နေ့စဉ် ပရိုတင်းဓာတ်လိုအပ်ချက်ကတော့ ၄၅-၅၅ ဂရမ် ဖြစ်ပါတယ်။

ဗီတာမင် ဒီ
ဗီတာမင်ဒီဟာ အရိုးတွေကျန်းမာသန်စွမ်းဖို့အတွက် မရှိမဖြစ်လိုအပ်ပါတယ်။ ဗီတာမင်ဒီဟာ အစားအစာတွေမှ ကယ်လ်စီယမ်ကို စုပ်ယူရာမှာ ကူညီပေးပြီး အရိုးထဲမှာ ကယ်လ်စီယမ်နဲ့ ဖော့စ်ဖရပ်စ်တွေကို ဖြစ်စေပါတယ်။
ကြက်ဥအနှစ်၊ ငါး၊ အသည်းတွေမှာ ဗီတာမင်ဒီ ပါဝင်ပါတယ်။ ဒါ့အပြင် နေရောင်ခြည်နဲ့ ထိတွေ့တဲ့အခါ အရေပြားမှာ ဗီတာမင်ဒီကို ထုတ်လုပ်နိုင်ပါတယ်။ နေ့စဉ် လိုအပ်တဲ့ ပမာဏက ၄၀၀ IU ဖြစ်ပါတယ်။

အမျှင်ဓာတ်
အမျှင်ဓာတ်ဟာ အစာတွေကို အူမကြီးထဲမှာ မြန်မြန်ဖြတ်သန်းသွားအောင် ကူညီပေး ပါတယ်။ ဒါကြောင့် စွန့်ပစ်ရမယ့် အညစ်အကြေးတွေထဲမှာ ပါဝင်တဲ့ အဆိပ်အတောက် တွေနဲ့ ကင်ဆာဖြစ်စေနိုင်တဲ့ စုပ်ယူတာကို လျော့နည်းစေပါတယ်။ ဆန်လုံးညို၊ သစ်သီးတွေနဲ့ ဟင်းသီးဟင်းရွက်တွေမှာ အမျှင်ဓာတ် ပါဝင်ပါတယ်။

သတ္တုဓာတ်များ
လူ့ခန္ဓာကိုယ်ဟာ အရပ်ရှည်ဖို့၊ အရိုးတွေကြီးထွားဖွံ့ဖြိုးဖို့၊ လက်သည်း၊ ခြေသည်း၊ သွား၊ အာရုံကြော၊ သွေး၊ ဗီတာမင်၊ ဟော်မုန်းနဲ့ အင်ဇိုင်းတွေကို ထုတ်ဖို့အတွက် သတ္တုဓာတ် အမျိုး ၈၀ ကျော်အောင် အသုံးပြုရပါတယ်။

သွေးလှည့်ပတ်မှု၊ အရည်ထိန်းညှိမှု၊ အာရုံကြောဆက်သွယ်မှု၊ ဆဲလ်တွေရဲ့ တည်တံ့ ခိုင်မြဲမှု၊ ကြွက်သားကျုံ့ခြင်းနဲ့ စွမ်းအင်ထုတ်လုပ်ခြင်းတွေကို ကောင်းမွန်အောင် လုပ်ဆောင်နိုင်ဖို့အတွက် သတ္တုဓာတ်တွေကို မရှိမဖြစ်လိုအပ်ပါတယ်။ ကယ်လ်စီယမ်၊ ဖော့စ်ဖရပ်စ်၊ သံဓာတ်နဲ့ မဂ္ဂနီဆီယမ်တွေဟာ အရိုးတွေ ဖွံ့ဖြိုးကြီးထွားဖို့အတွက် အထူးအရေးကြီးပါတယ်။

ကယ်လ်စီယမ်ဟာ နွားနို့၊ ဒိန်ချဉ်၊ ဆော်လ်မွန်ငါး၊ ပဲပိစပ်၊ ပုစွန်ခြောက်၊ ကဏန်း၊ ပုစွန်၊ ကိုက်လန်၊ ဂေါ်ဖီထုပ်နဲ့ ပန်းဂေါ်ဖီစိမ်းတွေမှာ အများအပြားပါဝင်ပါတယ်။ နေ့စဉ် စားသင့်တဲ့ ကယ်လ်စီယမ်ပမာဏက ၈၀၀-၁၀၀၀ မီလီဂရမ် ဖြစ်ပါတယ်။

ပင်လယ်စာ၊ အမဲသား၊ ကြက်သား၊ ကြက်ဥ၊ နွားနို့၊ အစိမ်းရောင်ဟင်းသီးဟင်းရွက်တွေ၊ အခွံမာသီးနဲ့ ဆန်လုံးညိုတွေမှာ ဇင့်ဓာတ်ကြွယ်ဝစွာ ပါဝင်ပါတယ်။ နေ့စဉ်စားသုံးသင့်တဲ့ ဇင့်ဓာတ်ပမာဏကတော့ ၁၅ မီလီဂရမ် ဖြစ်ပါတယ်။

မဂ္ဂနီဆီယမ်ကတော့ အပင်နဲ့ တိရစ္ဆာန်ထွက် အစားအစာတွေ အထူးသဖြင့် ပဲသီး၊ အခွံမာသီး၊ ထောပတ်သီး၊ အသား၊ နို့ထွက်ပစ္စည်း၊ ဟင်းသီးဟင်းရွက်၊ ချောကလက်နဲ့ ကောက်နှံတွေမှာ ပါဝင်ပါတယ်။

အသားကတော့ သံဓာတ်ရရှိစေမယ့် အဓိကအစာပါ။ ဟင်းသီးဟင်းရွက်နဲ့ ကောက်နှံ တွေမှာ သံဓာတ်ပါဝင်ပေမယ့် ပမာဏနည်းပါးပါတယ်။
ကောက်နှံတွေ၊ ပင်လယ်စာနဲ့ အသားတွေကနေ ဆီလီနီယမ်ဓာတ်ကို ရရှိနိုင်ပါတယ်။

အထက်ဖော်ပြပါ အာဟာရဓာတ်တွေကို စားသင့်တဲ့ ပမာဏ အကြံပြုချက်တွေက ယေဘုယျသဘောဖော်ပြချက်တွေသာ ဖြစ်ပါတယ်။ လူတစ်ယောက်နဲ့ တစ်ယောက် ခန္ဓာကိုယ်တွင်း ဓာတုဖြစ်စဉ်တွေဟာ မတူကွဲပြားတဲ့အတွက် လိုအပ်တဲ့ အာဟာရဓာတ် ပမာဏက အနည်းအများ ကွာခြားမှု ရှိနိုင်ပါတယ်။Health

ကိုယ်ရဲ့ အသက်၊ ကျား/မ ကွဲပြားမှု၊ ကျန်းမာရေး အခြေအနေ၊ ရောဂါအခံရှိ၊ မရှိ စတဲ့ အချက်တွေပေါ်မူတည်ပြီး လိုအပ်တဲ့ အာဟာရဓာတ်ပမာဏကို အတိအကျ သိနိုင်ဖို့အတွက် ဆရာဝန် ဒါမှမဟုတ် အာဟာရ ပညာရှင်နဲ့ တိုင်ပင်တွက်ချက်ဖို့ လိုအပ်ပါတယ်။

Mg Mandalay
https://www.facebook.com/mg.mandalay?fref=ts&ref=br_tf

သွားကိုက်ခြင်း


လူတိုင်း သွားကိုက်ဖူးသည်။ သွားကိုက်၊ သွားနာရသည့် အကြောင်းရင်း များစွာ ရှိပါသည်။ အဓိကအားဖြင့် သွားကိုက် ရသည့် အကြောင်းရင်းမှာ သွားပိုးစားခြင်း ကြောင့် ဖြစ်သည်။

အသက်အရွယ် ကြီးသူများတွင် သွားခိုင်ခံ့မှု လျော့နည်းပြီး အစာစားစဉ် မကြာခဏ သွားနာလေ့ ရှိသည်။ သွားပိုးစားခြင်း၊ စားကြွင်း၊ စားကျန်များရှိ ကာဗွန်ဟိုက်ဒြိတ်၊ ကစီဓာတ်ကို အခြေခံပြီး ခံတွင်း အတွင်းရှိ ဘက်တီးရီးယား ပိုးမွှားငယ် များနှင့် တံတွေးမှ အစာခြေရည် အင်ဇိုင်းတို့ ပိုမို ပူးပေါင်းပြီး နို့အက်စစ်ဓာတ် အဖြစ် အစာများ အချဉ် ပေါက်ကာ သွားပိုးစား လာသည်။

ယင်း အက်စစ်ဓာတ် သည် သွား၏ အပြင်ဆုံး အလွှာဖြစ်သည့် ကြွေသွားလွှာကို စတင် ပျက်စီးစေသည်။ အမည်းစက်များ အသွင် ဖြစ်ပေါ်လာသည်။ ယင်း ကြွေသွားလွှာ သည် ခန္ဓာကိုယ် အတွင်း မပျက်စီး လွယ်၍ အမာဆုံးဟု သတ်မှတ်ခံ ရသော်လည်း အက်စစ်ဒဏ်ကို မခံနိုင်တော့ပါ။

ယင်း အက်စစ်ကြောင့် ဒုတိယလွှာ ဖြစ်သည့် ဆင်စွယ်များ ပျက်စီးသည်။ သွားနှစ်လွှာ ပျက်စီးသော်လည်း သွားကိုက်၊ သွားနာ မခံရသေးပေ။ သို့သော် အပူအအေး ကောင်းစွာ မခံနိုင်ဘဲ ရေခဲရည် သောက်လျှင် ကျဉ်လာသည်။ စားကြွင်း၊ စားကျန် များကြောင့် သွားပိုးပေါက် ကြီးလာကာ ကြွေသွားလွှာ မှတစ်ဆင့် ဆင်စွယ်နှစ်၊ ဆင်စွယ်နှစ် မှ မွသွားလွှာ အတွင်း ဘက်တီးရီးယား များ ဝင်ရောက်ပြီး သွားမြစ်တွင်းရှိ မွသွားလွှာအိမ် ရောင် လာကာ တဖြည်းဖြည်း ဘက်တီးရီးယား က သွားမြစ်တွင်းသို့ ရောက်ပြီး သွားမြစ်ထိပ် ပြည်တည်နာ၊ သွားမြစ် ပြည်တည်နာ၊ မေးရိုးခြင်ဆီ ရောင်နာ ဖြစ်စေနိုင်သည်။ သွားပေါက် ကျယ်လာသဖြင့် သွားကွဲသွားပြီး သွားနာခြင်း၊ လျှာနှင့် ကွဲသောသွား ထိပါက လျှာနာခြင်း များကြောင့် အစားအစာ ကောင်းစွာ မစားနိုင် သဖြင့် အစာမကြေ ရောဂါ ဖြစ်စေနိုင်သည်။

သွားဆွေးမြည့်ခြင်း ရောဂါသည် နှလုံးရောဂါ၊ ကျောက်ကပ်ရောဂါ၊ အဆစ် အမျက်နာ ရောဂါများအထိ ဒုက္ခပေးသည်။ သွားဆွေးမြည့် ရောဂါသည် သွားတွင် ကပ်နေသည့် သွားပလပ်၊ သွားချေးလွှာ ကြောင့် ဖြစ်သည်။ ယင်း သွားပလပ် ထဲတွင် ဘက်တီးရီးယား တွယ်နေနိုင်သည်။ ထို့ကြောင့် သွားဆွေးမြည့်ခြင်း ရောဂါ ကာကွယ်ရန် ပလပ်ဖြစ်သည့် သွားတွင် စားကြွင်း၊ စားကျန်များ မရှိစေရန် နေ့၊ ည နှစ်ကြိမ် သွားမှန်မှန် တိုက်သင့်သည်။

သွားပလပ် မရှိလျှင် သွားဆွေးမြည့် ရောဂါ မဖြစ်နိုင်ဘူး။ သွားပိုး မစားသော သွားများ ကိုလည်း သွားမျက်နှာပြင် များပေါ်တွင် စစ်ဆေးရန် လိုသည်။ သွားဆရာဝန်မှ သွားကြည့်မှန် သို့မဟုတ် သွားစမ်းသပ်သည့် အပ်ဖြင့် အကြည့်ရ ခက်သော နေရာများတွင် သွားပိုးပေါက်များ သိရှိစေရန် ဓာတ်မှန် အသုံးပြု နိုင်သည်။

သွားပိုးစားခြင်း ဖြစ်စတွင် အမည်းစက်၊ အမည်းကြောင်း တွေ့ရမည်။ သွားပိုးပေါက် ပြင်ပတွင် သွားမနာ သော်လည်း သွားကြား ညပ်ခြင်း၊ အပူအအေး သောက်လျှင် သွားကျဉ်ခြင်း ခံစားရသည်။ သွားရောဂါ သက်သာ စေရန် နာနေသော အပေါက်ထဲ လေးညင်းဆီ ကို ဂွမ်းနှင့်ဆွတ်ပြီး ထည့်ပေးရသည်။ မရပါက သွားနုတ်ရမည်။

ဒေါက်တာလွင်သန့် (ဆေး-၂)
#Themyawadydaily
#မြ၀တီနေ့စဉ်
http://myawady-myawady.blogspot.com/2014/12/blog-post_245.html

Acne Scars ဝက်ခြံအမာရွတ်


၁။ မျက်နှာမှာ ဝက်ခြံဖြစ်ပြီး ကျန်ခဲ့တဲ့ အမာရွတ်တွေရော ဘယ်လိုအမြန်ဆုံးပျောက်အောင် ကုမလဲဆရာ။ ယိုးဒယား beauty clinic မှာ ဈေးကြီးပေးပြီး scrub သဘောမျိုးပေါ့။ အရေပြားကွာသွားရင် အမာရွတ်ပါ ပါသွားမယ်ဆိုလို့ လုပ်လိုက်တာ ဝက်ခြံညှစ်တံတွေနဲ့ညှစ်တာ အရေပြားကွာပေမဲ့ အမာရွတ်တွေ ပိုကျန်ခဲ့ပါတယ်ဆရာ။
၂။ ဆရာ ဝက်ခြံပေါက်ပြီးရင် ချိုင့်တွေမကျန်အောင် ဘာလုပ်ရမလဲဆရာ။ ရှိပြီးသားချိုင့်တွေ ပျောက်အောင်ရော ဘာလုပ်ရမလဲ။
၃။ ကျွန်တော်က အသက်၂ဝ ရှိပါပြီ။ မျက်နှာမှာ အခုတလော အကွက်မည်းတွေထွက်နေပါတယ်။ နားလည်သလောက် အင်တာနက်မှာရှာကြည့်တော့ zits လို့ခေါ်မလား၊ acne scars လို့ခေါ်မလား မသိဘူးခင်ဗျ။ အသားတွေက တဖြည်းဖြည်း အစားခံရသလိုဖြစ်နေလို့ပါ။ တဖြည်းဖြည်းအသားထဲစိမ့်ဝင်လာသလို ဖြစ်နေတာပါ။ ဝက်ခြံလည်းမဟုတ်ပါဘူးခင်ဗျ။ ကြာလာရင် ကျွန်တော့်မျက်နှာကြီး အပေါက်တွေနဲ့ဖြစ်တော့မှာ စိုးလို့ပါ။ ဒါကိုဘယ်လိုများ ကုသရမလဲဆိုတာ သိချင်ပါတယ်။

‘ဆိမ့်ဝင်’ နဲ့ ‘ဆိုးလို့ပါ’ ဆိုတဲ့ ကနေ့ခေတ်လူငယ်တွေ အများကြီးမှားနေကြတဲ့ သတ်ပုံကိုတော့ အမာရွတ်ထင်သလို မကျန်ရစ်စေခြင်တာကို အရင်ရေးပါရစေ။ ‘စ’ လုံးနဲ့သာရေးရပါတယ်။

ဝက်ခြံပေါက်ပြီး နီညိုရောင် အမာရွတ်ကျန်ရစ်လေ့ရှိတယ်။ ကြာရင်တော့ ပျောက်သွားပါမယ်။ ဝက်ခြံအမာရွတ်ထဲမှာ ဗက်တီးရီးယားတွေနဲ့ (စီဘမ်) တွေအထဲမှာရှိတယ်။ ဒါတွေကိုတုန့်ပြန်တဲ့အနေနဲ့ ကိုယ်ကနေ သွေးဖြူဥတွေနဲ့ ရောင်ရမ်း ဖြစ်စဉ်ဆိုတဲ့ မော်လီကျူးတွေ စုလာတယ်။ အမာရွတ်တိုင်းက မတူကြပါ။ အတွင်းနက်နက် ဖြစ်တာတိုင်းက အမာရွတ် ဆိုးတယ်၊ ပျောက်ဘို့ကြာတယ်၊ တချို့က မပျောက်နိုင်တော့ပါ။

၁။ Icepick scars ရေခဲခွဲစူးနဲ့တူတဲ့အမာရွတ်က အများဆုံးဖြစ်တယ်။ ဆွင်းနက်နက်လေးတွေဖြစ်တယ်။
၂။ Boxcar scars ရထားတွဲလိုအမာရွတ်ဆိုတာ အနားသတ်က ဒေါင့်လေးတွေရှိတယ်။ ရေကျောက် ပေါက်ထားသလို မြင်ရမယ်။
၃။ Rolling scars လှိုင်းလေးတွေနဲ့တူတယ်။ ဘေးကိုပါးသွားတယ်။
၎။ Keloid scars (ကီးလွိုက်) အကြည့်ရဆိုးတယ်။ ဖေါင်းမောက်နေတယ်။ အသီးလိုဖြစ်တယ်။ (ရေးထားပါတယ်။)

ဆေးကုနည်းတွေ အမျိုးမျိုးရှိတယ်။
၁။ Laser resurfacing လေဆာနည်း။ ၂-၃ ရက်ကြာမယ်။
၂။ Fractional laser therapy လေဆာနောက်တနည်း။ ၂-၃ ရက်ကြာမယ်။
၃။ Dermabrasion လည်နေတဲ့ ဝိုင်ယာ ဘရပ်ရှ် သုံးနည်း။ Microdermabrasion ဆိုတာ ယာယီ အပြင်သွားကာနီး သုံးတယ်။ အမာရွတ်ဘေးနားကအရေပြားနေရာက်ဖေါင်းလာစေလို့ အမာရွတ်ကို သိပ်မသိသာစေဘူး။ နဲနဲနာမယ်။ အသေးစားနည်းလဲရှိတယ်။ တိုက်ရိုက်နေရောင် ထိတာရှောင်ထားပါ။
၎။ Chemical peel ဆေးသုံးပြီးအခွံခွါနည်း။ အရေပြားရဲ့ အပေါ်ဆုံးအလွှားလေးကို ခွါပေးလို့ အောက်ကနေ အသစ် ဖြစ်လာစေမယ်။ အသစ်က အမာရွတ်မဖြစ်စေဘူး။
၅။ Surgery ခွဲစိတ်နည်း။ နောက်ဆုံးနည်းအနေနဲ့သာသုံးသင့်တယ်။ အမာရွတ် နည်းစေအောင်သာ တတ်နိုင်တယ်။

(ကီးလွိုက်) အမာရွတ်အသီးဖြစ်တာကို Pulsed dye laser လေဆာနည်း သုံးနိုင်တယ်။ (ကီးလွိုက်) မဟုတ်တဲ့ အမျိုးအစားတွေအတွက် သုံးနိုင်တာတွေ ရှိတယ်။ Retinoic acid (ဗီတာမင် အေ) ပါတဲ့ဆေး။ ကိုယ်ဝန်ဆောင်မှာ မသုံးသင့်ပါ။ Glycolic acid ဆေးသုံးနိုင်တယ်။ Vitamin C (ဗီတာမင် စီ) ပါတာ သုံးနိုင်တယ်။

Glycolic Foaming Cleanser, Glycolic Acid Toner, Whitening Mask, Drying Cream, Healing & Soothing Mask, Suncare (SPF-30), Temporary Lifting Mask ဆေးတွေရောင်းပါတယ်။ သတိနဲ့သုံးသင့်ပါတယ်။ မျက်နှာလိမ်း Fancy lotions ကြော်ညာလိမ်းဆေးတိုင်းကို အားမကိုးသင့်ပါ။

ဝက်ခြံကို ခဏခဏညှစ်နေ၊ ဆိပ်ဆွနေတာ မကောင်းပါ။ အမာရွတ်ဆိုတာ အနာပျောက်ဖြစ်စဉ်ဖြစ်နေတာမို့ သူ့ကို ဆိတ်-ဆွ-ညှစ်တာတွေ လုပ်ရင် ဒီဒဏ်အတွက် နောက်ထပ် အမာရွတ်ပျောက်ဖြစ်စဉ် ထပ်တိုးပါလိမ့်မယ်။

ဒေါက်တာတင့်ဆွေ
https://www.facebook.com/pages/Dr-Tint-Swe/490031307758025
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ